تاياۋ 3 جىلدا ىشكى وڭىرلەرگە ساتۋدىڭ جىلدىق ورتاشا ارتۋ مولشەرى ％30تەن جوعارى بولدى
شينجياڭ ءسۇت ونىمدەرى بۇكىل ەلدەگى ۇلكەن بازارلارعا تەز بەت الدى
شينجياڭ گازەتىنىڭ جالپىلىق اقپارات قۇرالدارى ءتىلشىسى حي حۇڭۋي 7 - ايدىڭ 11 - كۇنى ۇرىمجىدەن حابارلايدى. 7 - ايدىڭ 9 - كۇنى قۇتىبي اۋدانى شينجياڭ شييۇيچۇن ءسۇت شارۋاشىلىعى شەكتى جاۋاپكەرشىلىك سەرىكتەستىگىندە تولىق اۆتوماتتى جابىق جەكە جابدىقتار ”ءوز مىندەتتەرىن وتەۋمەن“ ورتاق سايكەسۋمەن بىرگە، زەردەلەنگەن ايران ءوندىرىس جەلىسىن قۇراپ، ءسۇتتى تازارتۋ، اشىتۋ، ميكروپ جويۋ، قۇمىراعا قۇيۋ سياقتى ءبىر قىدىرۋ باسقىشتى وتكەرۋ ارقىلى ءتۇرلى دامدەگى ايران ءوندىرىپ شىعارۋدا.
”بيىل الدىڭعى جارتى جىلدا شينجياڭنان سىرتقا ساتىلۋىنىڭ ارتۋ مولشەرى ％35كە جەتتى، ءبىز ينتەرنەت جەلىسىندە، جەلىدەن تىس ساتۋ ارناسىن اشۋ ارقىلى شينجياڭ سىرتىنداعى بازاردى جەدەل اشتىق، تاعى شي - ان، چيڭداۋ، بەيجيڭ، شيامىن سياقتى كوپ قالادا توڭازىتۋ تىزبەكتى قامباسىن قۇردىق“، - دەپ تانىستىردى وسى سەرىكتەستىكتىڭ باس ديرەكتورى ۋي شينپۋ.
شينجياڭ ءسۇت شارۋاشىلىعىن دامىتۋدىڭ جاراتىلىستىق بايلىق باسىمدىعى مەن ساۋىن سيىر باعىمشىلىعى داستۇرىنە يە، ءسۇت قاينارى ”تابيعى، جاسىل، حاۋىپسىز، ساپالى، كەنەۋلى“ دەگەن تاماشا اتاققا يە، وزگەشە ءسۇت ونىمدەرىنىڭ ەرەكشەلىگى كورنەكتى. ەلدەن ەرەك بايلىق قاينارى شينجياڭنىڭ ءسۇت ونىمدەرىنىڭ ىشكى وڭىرلەردەگى تۇتىنۋشىلاردىڭ بارعان سايىن قارسى الۋىنا مۇمكىندىك جاساپ، تاياۋ 3 جىلدا ىشكى وڭىرلەرگە ساتۋدىڭ جىلدىق ورتاشا ارتۋ مولشەرى ％30تەن جوعارى بولدى.
بىلتىر شينجياڭ تيانرۇن ءسۇت شارۋاشىلىعى جارنا شەكتى سەرىكتەستىگىنىڭ ءتۇرلى ءسۇت ونىمدەرىنىڭ كۇندىك ساتىلۋ مولشەرى 520 تونناعا جەتتى، مۇنىڭ ىشىندە شينجياڭ سىرتىنداعى بازارداعى ساتىلۋ مولشەرى ％30تەن استامىن ۇستادى. وسى سەرىكتەستىكتىڭ پارتكوم شۋجيى، القا باستىعى ليۋ راڭ بىلاي دەپ تانىستىردى: سەرىكتەستىك پارىقتاندىرا دامىتۋ وي جەلىسىنە تاباندى بولىپ، جاڭا ونىمدەرگە عىلىم - تەحنيكالىق زەرتتەپ اشۋ ۇسىنىلىمىن ۇزدىكسىز ارتتىرىپ، ”ينتەرنەت جۇلدىزى جاساۋ ماشيناسىنا“ اينالىپ، قىزۋ قارسى الۋعا بولەنگەن ءونىم تۇرلەرى ءجيى - ءجيى شىعىپ، ”تيانرۇن نايپي“، ”بيڭجيلين حۋالى“ سياقتى ءبىر قىدىرۋ ءوتىمدى ونىمدەردى تۇلعالاپ، الىستاعى ىشكى ءوڭىر بازارلارىنا ساتىلدى.
شينجياڭ ءسۇت شارۋاشىلىعىنىڭ باسىمدىعىن اناعۇرلىم ساۋلەلەندىرۋ ءۇشىن، الداعى ءبىر مەزگىلدە رايونىمىز تيانشاننىڭ سولتۇستىك بوكتەرى، ىلە وزەنى اڭعارى، يانجي ويپاتى سياقتى ساۋىن سيىر باسىمدىعى بار وڭىرلەردى كۇش سالا قۇرىپ، ساپالى ەرەكشە ءسۇت قاينارى بازاسىن قالىپتاستىرىپ، ءسۇت كاسىبىن وسىزامانداندىرۋ دەڭگەيىن جوعارىلاتىپ، ءوندىرۋ، مانەرلەۋ، ساتۋدى ءبىر تۇلعالاندىرۋ اياق الىسىن جەدەلدەتىپ، تۇتاس كاسىپ تىزبەگى كاسىپورىن شوعىرىن قالىپتاستىرادى.
وسى ءۇشىن رايونىمىز ساۋىن سيىردىڭ بىرلىك ءونىم دەڭگەيىن جانە باعىمشىلىقتىڭ سالىستىرمالى پايداسىن جوعارىلاتۋدى باستى ماقسات ەتىپ، ءسۇت كاسىبىن كولەمدەندىرۋ، شوعىرلاندىرۋ، ولشەمدەندىرۋ دەڭگەيىن كۇش سالا جوعارىلاتىپ، ۇيلەسىمدى كولەمدەندىرىپ باعۋدى قولداپ، ساپالى دا حاۋىپسىز بولۋدى، جاسىل دامۋدى بەتالىس ەتىپ، شينجياڭنىڭ ءسۇت كاسىبىنىڭ ۇلعايۋىن، كۇشەيۋىن جەدەل ىلگەرىلەتەدى. ساۋىن سيىر ءناسىلىنىڭ ءوسۋىن جەدەلدەتىپ، مەملەكەت دارەجەلى، اۆتونوميالى رايون دارەجەلى ساۋىن سيىر وزەكتى اسىل تۇقىم جەتىلدىرۋ فەرماسىن قۇرىپ، كوپ ءسۇت بەرەتىن ساۋىن سيىر وزەكتى تابىنى قۇرىلىسىن ىلگەرىلەتىپ، اۆتونوميالى رايوننىڭ ساۋىن سيىر ءوندىرىس قۋاتىن انىقتاۋ ورتالىعىن قۇرادى؛ ءسۇت قاينارى بازاسى قۇرىلىسىن كۇشەيتىپ، قۇرىلعىلارى، جابدىقتارى كەمەلدى، ءوندىرىستى باسقارۋ دەڭگەيى وزىق وسىزاماندانعان ساۋىن سيىر فەرماسىنان ءبىر توبىن قۇرادى؛ وزىق، ۇيلەسىمدى تەحنيكانى زور كۇشپەن جالپىلاستىرىپ، ساۋىن سيىر تابىنىنىڭ ءناسىلىن جاقسارتۋ، جوعارى ونىمدىلىكپەن ءوسىرىپ، ولشەمدەستىرىپ باعۋ، ساپالى جەم - ءشوپ ءوندىرۋ، مانەرلەۋ، ىندەتتەن ساقتانۋ، جونگە سالۋ جانە شيكى، جاڭا ءسۇت ساپاسىن مەڭگەرۋ تەحنيكاسىن بەلسەنە ىلگەرىلەتەدى.
جوبا بويىنشا، 2022 - جىلعا جەتكەندە، بۇكىل رايوندا 90 مىڭ ساۋىن سيىر تىڭنان ارتتىرىلىپ، ءسۇت ءونىم مولشەرى 2 ميلليون 400 مىڭ تونناعا جەتەدى، جاڭادان قوسىلعان ءسۇت ءونىم مولشەرى 400 مىڭ توننا بولادى، شينجياڭنان سىرتقا ساتىلاتىن ءسۇت ونىمدەرىنىڭ مولشەرى جاڭادان 150 مىڭ توننا ارتادى؛ 2025 - جىلعا جەتكەندە، بۇكىل رايوندا جاڭادان 200 مىڭ ساۋىن سيىر تىڭنان ارتتىرىلىپ، ءسۇت ءونىم مولشەرى 3 ميلليون تونناعا، جاڭادان قوسىلعان ءسۇت ءونىم مولشەرى ءبىر ميلليون تونناعا جەتەدى، شينجياڭنان سىرتقا ساتىلاتىن ءسۇت ونىمدەرىنىڭ مولشەرى تىڭنان 300 مىڭ توننا ارتادى.
