شينحۋا اگەنتتىگىنىڭ ۋحاننان بەرگەن حابارى (ءتىلشى ۋاڭ شيان). وسى جولعى ىندەتپەن ايقاسۋ بارىسىندا ”ليۋ لۇنتاڭ رۋحى“ حۋبەي ولكەسىنىڭ حۋاڭشى قالاسىنداعى كادرلار اراسىندا ساۋلەلەنىپ، جەرگىلىكتى كادر، بۇقارانىڭ ليۋ لۇنتاڭعا دەگەن تەرەڭ ساعىنىشتارىن قايتا وياتتى.
ليۋ لۇنتاڭ 1940 - جىلى 8 - ايدا دۇنيەگە كەلگەن، كوزى تىرىسىندە حۋبەي ولكەسى حۋاڭشى قالاسى شيالۋ رايونى لاۋگۋانمياۋ الەۋمەتتىك اۋماعى پارتيا باس ياچەيكاسىنىڭ شۋجيى بولعان، 2014 - جىلى 6 - ايدا ناۋقاس سەبەبىنەن ەمدەۋ ءونىم بەرمەي دۇنيەدەن وتكەن.
1989 - جىلى ليۋ لۇنتاڭ اۋىل - قالاشىق كاسىپورىن سەرىكتەستىگىنىڭ ديرەكتورى مىندەتىن تاستاپ، كەدەي، ارتتا قالعان لاۋگۋانمياۋ قىستاعىنا بارىپ، پارتيا ياچەيكاسىنىڭ شۋجيى مىندەتىن اتقارعان.
ول كەزدە لاۋگۋانمياۋ قىستاعىنداعى تۇرعىنداردىڭ جان باسىنا تۋرا كەلەتىن ەگىستىك جەرى 3 فىنعا دا جەتپەيتىن، قىستاق تۇرعىندارىنىڭ كۇن كورىسى مۇشكىل بولاتىن، زورعا قۇرىلعان قىستاققا قاراستى تۇڭعىش كاسىپورىن − لاۋگۋانمياۋ سەمەنت زاۆودىنىڭ تيجاراتى ويداعىداي جۇرگىزىلمەگەندىكتەن جابىلىپ قالادى. اۋىل باسشىلارى مەن قىستاق تۇرعىندارى ليۋ لۇنتاڭنىڭ قايتىپ كەلىپ، سەمەنت زاۆودىنىڭ قيىنشىلىق قىسپاعىنان قۇتىلۋىنا جەتەكشىلىك ەتۋىن ءۇمىت ەتتى.
قيىن - قىستاۋدا باسىن ءباي تىككەن ليۋ لۇنتاڭ دوس - جاراندارىنان قارىز الىپ، جۇمىسشىلاردى اتتانىسقا كەلتىرىپ قارجى جيىپ، سوڭىندا 35 مىڭ يۋان قارجى قۇراپ، سەمەنت زاۆودىنىڭ ءتۇتىنىن قايتا تۇتەتەدى. ءبىر جىلدان كەيىن سەمەنت زاۆودىنىڭ ءونىم قۇنى ءبىر ميللون 288 مىڭ يۋانعا جەتىپ، 150 مىڭ يۋان سالىق تاپسىرادى. سونان كەيىن ول قىستاقتان قۇرىلىس ماتەريالدارى زاۆودى، قيىرشىق تاس زاۆودى، ءۇشفوسفورلى مينەرال زاۆودى سياقتى كاسىپورىندار قۇرادى. 1991 - جىلى جىل سوڭىندا قىستاقتا قارىز تۇگەلدەي قايتقاننىڭ سىرتىندا ىركىندى قالادى.
2009 - جىلدان باستاپ، حۋاڭشى قالاسى ”5 شاعىن“ كاسىپورىنداردى جاپپاي جابۋدى تالاپ ەتەدى، لاۋگۋانمياۋ قىستاعى ليۋ لۇنتاڭنىڭ جەتەكشىلىگىندە ”5 شاعىن“ كاسىپورىندى جابۋمەن قاتار، ءبىر توپ جاڭا كاسىپورىندى ەنگىزەدى، قىستاقتىڭ ناقتى قۋاتى السىرەگەننىڭ ورنىنا بارعان سايىن كۇشەيىپ، ”ولكە بويىنشا 500 قۋاتتى قىستاق“ قاتارىنا وتەدى. 2013 - جىلدىڭ سوڭىنا دەيىن، لاۋگۋانمياۋ قىستاعىنىڭ ونەركاسىپ جالپى ءونىم قۇنى 230 ميلليون يۋانعا جەتىپ، كوللەكتيۆتىڭ جىلدىق ەكونوميكالىق كىرىسى ءبىر ميلليون يۋانعا جەتەدى.
6 ميلليون يۋاننان استام قارجى توپتاپ، 7 كيلومەتر قىستاق جولىن جاڭالاپ، 1200 شارشى مەترلىك پارتيا مۇشەلەرىنە، بۇقاراعا قىزمەت وتەۋ ورتالىعىن قۇردى... قىزمەتتە بولعان 25 جىلدا ليۋ لۇنتاڭ بار ىنتاسىن اۋىلداستاردىڭ قيىنشىلىعىن شەشۋگە، ناقتى ىستەرىن تىندىرۋعا قويادى، ونىڭ قالدىرىپ كەتكەن 20 نەشە قىزمەت ەستەلىگى بۇقارانىڭ كۇندەلىكتى تۇرمىسىنا قاتىستى ۇلكەندى - كىشىلى ىستەرمەن تولعان.
”سۋداي پاك بولۋ، بار ىقىلاسىن حالىققا ارناۋ“ − ليۋ لۇنتاڭنىڭ رۋحاني قاسيەتى. قىستاق تۇرعىندارى بايىدى، ءبىراق ليۋ لۇنتاڭنىڭ كوزى تىرىسىندە تۇرعان جايى ءالى دە وتكەن عاسىردىڭ 80 - جىلدارى سالىنعان كونە ءۇي، 2 ۇلى ۇزاق جىل وزگە قىستاقتا جۇمىس ىستەپ كەلدى، ول ولاردى قىستاقتا قىزمەتكە ورنالاستىرمادى ءارى قىستاقتاعى كاسىپورىنداردا ىستەۋىنە جول بەرمەدى. ءوزى ءار ايدا 3000 نەشە يۋان ەڭبەكاقى الدى. 2013 - جىلى 8 - ايدا ليۋ لۇنتاڭنىڭ باۋىر راگىنا شالدىعىپ، سوڭعى مەزگىلىنە وتكەندىگى تەكسەرىلىپ انىقتالادى.
”دەنساۋلىعىم، شىنىمەن، سىر بەردى، بۇقارانىڭ قيىنشىلىعى ءالى تولىپ جاتىر، قالعان ومىرىمدە بارىنە شامام جەتپەيتىن سياقتى...“ مىنە بۇل ليۋ لۇنتاڭنىڭ ەستەلىك داپتەرىنە قالدىرعان اقتىق لەبىزى.
2014 - جىلى 6 - ايدىڭ 25 - كۇنى ليۋ لۇنتاڭ وسىلايشا وكىنىشپەن ومىردەن اتتاندى. سول جىلى ورتالىق كوميتەتتىڭ ۇيىمداستىرۋ ءبولىمى وعان ”مەملەكەتتىك تاڭداۋلى پارتيا مۇشەسى“ اتاعىن بەردى، ورتالىق كوميتەت ۇگىت ءبولىمى وعان ”ءداۋىر ۇلگىسى“ اتاعىن بەردى.
