تيانشان تورى
تيانشان تورى   ›   جاڭالىقتار   ›   وقۋ-اعارتۋ

ساياسات جوعارى مەكتەپ وقۋشىلارىن شابىتتاندىردى: نەگىزگى ساتىعا اتتاندىق!

شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ شييا

  قازىر ورىك ساتۋدىڭ قاۋىرت ماۋسىمى، گۇما اۋدانى ساجامۋ اۋىل شارۋاشىلىعى عىلىم - تەحنيكا اشۋ شەكتى سەرىكتەستىگىنىڭ باس ديرەكتورى الىمجان ءمامتىمىن قاي - قاشان دا تاڭەرتەڭنەن كەشكە دەيىن قاربالاس جۇرەدى. ءۇرىمجى كاسىپتىك داشۋەسىنىڭ وقۋشىسىنان گۇما اۋدانىنداعى كەدەيلىكتەن ارىلىپ اۋقاتتانۋ باستاماشىسىنا دەيىن، الىمجان كورنەكتى ناتيجە جاراتتى: سوڭعى 2 جىلدا الىمجان ينتەرنەتتەن پايدالانىپ گۇمانىڭ ”جۇلدىز ورىگىن“ بەيجيڭ، شاڭحاي سياقتى قالالارعا ساتىپ، جىلدىق ساتۋ مولشەرى 200 تونناعا جەتىپ، گۇما اۋدانىنداعى 5000نان استام شارۋانىڭ كىرىسىن ارتتىرۋىن جەبەدى.

  ”نەگىزگى ساتى دا جاستاردىڭ ارمانىن جۇزەگە اسىراتىن ۇلكەن ساحنا، ءبىز جوعارى مەكتەپ وقۋشىلارى نەگىزگى ساتىعا تامىر تارتساق ۇلكەن ىستەر تىندىرۋىمىزعا بولادى“. الىمجاننىڭ ءسوزى نەگىزگى ساتىعا تامىر تارتىپ، ەڭبەك كورسەتىپ، ەسە قوسىپ جاتقان كوپتەگەن جوعارى مەكتەپ تاۋىسقان وقۋشىلاردىڭ جۇرەك ءۇنى.

  بيىل رايونىمىز جوعارى مەكتەپ تاۋىسقان وقۋشىلاردى جۇمىستاندىرۋ قىزمەتىن بار كۇشپەن تياناقتاندىرىپ، جوعارى مەكتەپ وقۋشىلارىن نەگىزگى ساتىعا بارىپ جۇمىستانىپ، نەگىزگى ساتىنىڭ قايناعان ورتاسىندا وزگەشە جاستىق ورالدارىن شىڭداپ، ۇلكەن ىسكە جارايتىن، اۋىر مىندەتتىڭ ۇددەسىنەن شىعا الاتىن تىرەكتى دارىندى بولىپ شىعۋعا بەلسەندىلىكپەن جەتەكتەدى.

نەگىزگى ساتى جۇمىستاندىرۋ تۇعىرىن ورناتتى

  2020 - جىلعى جوعارى مەكتەپ وقۋشىلارىنىڭ باتىس بولىككە ەرىكتى قىزمەت وتەۋ جوسپارىنا قاتىناسۋ ارقىلى، ەندى جارتى ايدان كەيىن، شينجياڭ اۋىل شارۋاشىلىعى داشۋەسىنەن ۇزدىك ناتيجەمەن وقۋ تاۋىسقان وقۋشى لي حاۋ قاراقاش اۋدانىنداعى وقۋ - اعارتۋعا كومەككە كەلگەن وقىتۋشى بولادى. ”وڭتۇستىك شينجياڭ ءبىزدى ءتىپتى دە قاجەت ەتەدى. بۇرىن اۋىل شارۋاشىلىعىنا، وقۋ - اعارتۋعا كومەككە كەلگەن اعا ساباقتاستارىمىز بىزگە تالاي - تالاي اسەرلى اڭگىمەلەردى ايتىپ بەردى، مەن دە سولار سياقتى ءومىر بويى ۇمىتىلمايتىن ءىس ىستەگىم كەلەدى“، - دەدى لي حاۋ تەبىرەنە.

  جوعارى مەكتەپ وقۋشىلارىنىڭ باتىس بولىككە ەرىكتى قىزمەت وتەۋ جوسپارى رايونىمىزدىڭ جوعارى مەكتەپ وقۋشىلارىنىڭ نەگىزگى ساتىعا بارىپ جۇمىستانۋىن كەڭەيتۋدەگى ارنالارىنىڭ ءبىرى. بيىل اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى قاتىستى تاراۋلارمەن بىرگە 85 مىڭ 600 جۇمىس ورنىن ءبىر - بىرلەپ انىقتاپ، جيناقتادى، وسى نەگىزدە، جوعارى مەكتەپ تاۋىسقان وقۋشىلاردىڭ نەگىزگى ساتىدا جۇمىستانۋىنا قاراتىلعان ساياساتتىق قولداۋ تەبىنىن ۇزدىكسىز ارتتىردى. ”ۇشكە كومەك بەرۋ، ءبىردى سۇيەمەلدەۋدى“ كەڭەيتۋ، ورتا، باستاۋىش مەكتەپ وقىتۋشىلارىن قابىلداۋ جوسپارى سياقتىلار ارقىلى جوعارى مەكتەپ تاۋىسقان وقۋشىلاردى نەگىزگى ساتىعا بارىپ جۇمىستانۋعا قابىلدادى؛ مۇنان سىرت، بيىل اۆتونوميالى رايوننىڭ نەگىزگى ساتىداعى پارتيا، ۇكىمەت ورگاندارى مەن ءىسورىندارىنداعى بوس قالعان قىزمەت ورىندارىن (جۇمىس ورنىن)، باستىسى، جوعارى مەكتەپتەن بيىل وقۋ تاۋىساتىن وقۋشىلاردى قىزمەتكە الۋعا (قىزمەتكە قابىلداۋعا) دايىنداپ، جوعارى مەكتەپ تاۋىسقان وقۋشىلاردى نەگىزگى ساتىداعى ورگان، ءىسورىندارىنا بارىپ قىزمەت ىستەۋگە شابىتتاندىردى؛ اۆتونوميالى رايون جەر - جەردەن ۇكىمەتتىڭ قىزمەت وتەۋدى ساتىپ الۋ تەبىنىن ارتتىرىپ، نەگىزگى ساتى الەۋمەتتىك يگىلىك سيپاتتى قىزمەت ورىندارىن كوپ ارنامەن اشۋعا، اسىرەسە، ارحيۆ تۇرعىزىلىپ، كارتچكالاندىرىلعان كەدەي وتباسىلارىنداعى جوعارى مەكتەپ تاۋىسقان وقۋشىلار سياقتى شوعىرلارعا باعىتتاپ، الەۋمەتتىك يگىلىك سيپاتتى قىزمەت ورىندارىن اشىپ، ەڭ تومەنگى شەكتەن تۇسىرمەي قامتاماسىز ەتىپ ورنالاستىرۋدى تالاپ ەتتى.

  ”’ۇشكە كومەك بەرۋ، ءبىردى سۇيەمەلدەۋ‘ جوسپارى بويىنشا 2000 ادام قابىلداۋدا وڭتۇستىك شينجياڭنىڭ 4 ايماق - وبلىسىنداعى، الەۋمەتتىك دەنساۋلىق ساقتاۋدان قىزمەت وتەۋ سالاسىنداعى جانە جۇمىستانۋى قيىن ارحيۆ تۇرعىزىلىپ، كارتچكالاندىرىلعان كەدەي وتباسىلارىنداعى، بىردە - ءبىر ادامى جۇمىستانباعان وتباسىلارىنداعى جوعارى مەكتەپ تاۋىسقان وقۋشىلارعا بەيىمدەلىپ، ولاردىڭ نەگىزگى ساتىدا جۇمىستانۋىنا تاماشا تۇعىر ورناتامىز“، - دەدى اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ قاتىستى جاۋاپتىسى تانىستىرىپ.

ساياساتتىق ”سيدى“ ناقتى تياناقتاندىردى

  مەكتەپتىڭ ساياساتتى ۇگىتتەۋى، جەتەكتەۋى ارقىلى 6 - ايدا شينجياڭ داشۋەسى ماشينا ينجەنەرياسى شۋەيۋانىنىڭ 2020 - جىلدىق ماگيسترلىق اتاق بويىنشا وقۋ تاۋىسقان وقۋشىسى شيە جىشين ىلە قازاق اۆتونوميالى وبلىسىنا تاڭداپ جىبەرىلەتىن وقۋشى رەتىندە، ەمتيحان تاپسىرۋعا تىزىمدەلدى. ”ءبىز نەگىزگى ساتىعا بارىپ جۇمىستانساق، تۇرمىستىق قوسىمشا قاراجاتىنان جانە قوعامدىق قوسىمشا قاراجاتىنان يگىلىكتەنە الامىز، قىزمەت وتەۋ مەرزىمىمىز تولىپ، باعالاۋدا تولىمدى بولساق، كاسىپتىك ءومىر جوباسىنداعى تولىسۋ بارىسىندا تاعى ءبىر قىدىرۋ جاندى جادىراتاتىن ساياساتتىق قولداۋلار بار، بۇل مەنىڭ كوڭىلىمدى بارىنشا ورنىقتىردى، نەگىزگى ساتىداعى بۇقارامەن بىرگە مۇرات ورناتىپ، كۇرەس جاساپ، قىزمەت وتەۋ، ۇلەس قوسۋ بارىسىندا ءوزىمدى شىڭداپ، تابىسقا جەتۋ، ەسەيە ءتۇسۋ سەنىمىم اناعۇرلىم نىعايدى“، - دەدى شيە جىشين.

  جوعارى مەكتەپ تاۋىسقان وقۋشىلاردىڭ نەگىزگى ساتىعا تۇسە الۋىنا، نەگىزگى ساتىدا قالا الۋىنا، جاقسى ىستەي الۋىنا مۇمكىندىك جاساۋ ءۇشىن، بيىل رايونىمىز ءبىر قىدىرۋ نەگىزگى ساتىدا جۇمىستانۋدىڭ ساياساتتىق ”سيىن“ شىعارىپ، نەگىزگى ساتىنى جوعارى مەكتەپ تاۋىسقان وقۋشىلاردىڭ رولىن ساۋلەلەندىرەتىن ۇلكەن ساحناعا، شىنىعىپ، ەسەيەتىن ۇلكەن ەمتيحان مايدانىنا اينالدىردى.

  نەگىزگى ساتىدا جۇمىستانۋدىڭ ساياساتتىق ”سيى“ مىنالاردى قامتيدى: نەگىزگى ساتىنىڭ اۋدان، اۋىلدارىنداعى ورگان، ءىسورىندارىنا جانە وڭتۇستىك شينجياڭنىڭ 4 ايماق - وبلىسىنا، سونداي - اق جاپالى، شەت - شالعاي وڭىرلەرگە بارىپ جۇمىستانعان جوعارى مەكتەپ تاۋىسقان وقۋشىلارىنا نوپوس قوندىرۋ، وقۋعا كومەك قارىز اقشاسىن وكىلەتتى تولەۋ، الدىن الا رەسميلەستىرۋ، دارەجەسىن تۇراقتاندىرۋ، ەڭبەكاقىسىن جوعارى ولشەم بويىنشا تۇراقتاندىرۋ سياقتى ساياساتتار ويداعىداي تياناقتاندىرىلادى؛ جوعارى مەكتەپ تاۋىسقان وقۋشىلار كاسىپورىنعا بارىپ جۇمىستانسا، كاسىپورىن مەن جەكەنىڭ ءىس جۇزىندە تاپسىراتىن نەگىزگى زەينەتكەرلىك قامسىزداندىرۋى، نەگىزگى ەمدەۋ قامسىزداندىرۋى جانە جۇمىسسىزدىق قامسىزداندىرۋى اقىسىنىڭ قوسىندىسى بويىنشا ەڭ ۇزاق بولعاندا 3 جىلدىق قوعامدىق قامسىزداندىرۋ قوسىمشا قاراجاتى بەرىلەدى؛ جوعارى مەكتەپ تاۋىسقان وقۋشىلار نەگىزگى ساتى نىساندارىنا قاتىناسسا، بەلگىلەمە بويىنشا تۇرمىستىق قوسىمشا قاراجات پەن قوعامدىق قامسىزداندىرۋ قوسىمشا قاراجاتى بەرىلەدى. قىزمەت وتەۋ مەرزىمى تولىپ باعالاۋدا تولىمدى بولعاندار ۇكىمەت قىزمەتكەرلەرىنە قويىلعان ارنايى قىزمەت ورنىنا ەمتيحان تاپسىرۋعا تىزىمدەلۋ، ءىسورىن جازباشا ەمتيحانىندا ءنومىر قوسۋ جانە قىزمەت ستاجىن جالعاستىرىپ ەسەپتەۋ سياقتى ءتيىمدى ساياساتتاردان يگىلىكتەنەدى؛ جوعارى مەكتەپ تاۋىسقان وقۋشىلار ءوز كۇشىنە سۇيەنىپ شارۋاشىلىق قۇرسا جانە يكەمدى جۇمىستانسا، بەلگىلەمە بويىنشا قوعامدىق قامسىزداندىرۋ قوسىمشا قاراجاتى جانە ەڭ جوعارى بولعاندا 200 مىڭ يۋان شارۋاشىلىق قۇرۋ كەپىلدىك قارىز اقشاسى بەرىلەدى، سونداي - اق ءوسىمىن ۇكىمەت الدىن الا تولەيدى، ءار جىلى ەڭ جوعارى بولعاندا 14 مىڭ 400 يۋاندىق سالىقتى ازايتۋ، كەشىرىم ەتۋ ساياساتى تياناقتاندىرىلادى. جۇمىستانۋ پراكتيكاسىنا قاتىناسقاندارعا بەلگىلەمە بويىنشا تۇرمىستىق قوسىمشا قاراجاتى جانە قىزمەت ورنى قوسىمشا قاراجاتى بەرىلەدى.

نەگىزگى ساتىعا بارىپ جاستىق ورالدارىن شىڭدادى

  قان قىسىمىن ولشەۋ، ءدارى تاراتۋ، ناۋقاستاردىڭ ەمدەلۋىنە جەتەكشىلىك ەتۋ... 7 - ايدىڭ 11 - كۇنى شايار اۋدانى قايلور اۋىلدىق ەمحانادا شينجياڭ مەديتسينا داشۋەسىنەن وقۋ تاۋىسقان ليۋ ۋي مىندەتتى ەمدەۋ ورنىندا قاربالاستاپ، تۇسكە دەيىن سۋ ىشۋگە مۇرساسى تيمەدى. ”اۋىلداستاردىڭ سەنىمگە تولى جانارىن كورگەندە، باس تارتقىسىز جاۋاپكەرشىلىك ارقالاپ وتىرعاندىعىمدى سەزىندىم“. نەگىزگى ساتى ەمدەۋ سالاسىنا كەلىپ قىزمەت وتەگەن قىسقا عانا جارتى ايدا ليۋ ۋي نەگىزگى ساتى شيپاحانالارىنىڭ ەمدەۋ بايلىعىنىڭ تاپشى ەكەندىگىن تەرەڭ سەزىندى، ءوزىنىڭ ومىرلىك تالعامىن دا اناعۇرلىم بەكەمدەي ءتۇستى.

  حات شىنايى سۇيىسپەنشىلىك جەتكىزدى. بىرنەشە كۇننەن بەرى، باس شۋجي شي جينپيڭنىڭ جۇڭگو مۇناي داشۋەسى (بەيجيڭ) قارامايلى مەكتەپ رايونىنان وقۋ تاۋىسقان وقۋشىلارعا جازعان جاۋاپ حاتى رايونىمىزداعى جوعارى مەكتەپتەن وقۋ تاۋىسقان قالىڭ وقۋشىلاردى كۇرەس جاساعان جاستىق ورالدارىمەن ءداۋىردىڭ كەلەلى مىندەتىن ارقالاۋعا ۇزدىكسىز شابىتتاندىرۋدا، ىنتالاندىرۋدا. ”اتتانايىق، جاس شاعىمىزدا نەگىزگى ساتىعا بارايىق!“ دەگەن ءۇن قۇلاققا تولاسسىز كەلدى.

  ”ءىستىڭ وڭايىنا جۇگىرمەيتىندەر، ءسوز جوق، تابىسقا جەتەدى، قيىن ىستەن جالتارمايتىندار العا باسادى“، باس شۋجيدىڭ جاۋاپ حاتىنداعى ىقىلاستى ءناسيحات شينجياڭ شىفان داشۋەسىنىڭ 2020 - جىلدىق وقۋ تاۋىسقان وقۋشىسى جاي شينميڭدى بارىنشا شابىتتاندىردى جانە ىنتالاندىردى. بىلتىر جاي شينميڭ ءۇشتۇرپان اۋدانىندا ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرعان قىزمەت اترەتىندە ءبىر جىلعا جۋىق پراكتيكا ىستەپ، وڭتۇستىك شينجياڭدا تۋىلعان وراسان زور وزگەرىستەردى ءوز كوزىمەن كورگەن بولاتىن. ”نەگىزگى ساتى جوعارى مەكتەپ تاۋىسقان وقۋشىلاردى قاجەت ەتۋدە، بۇل ارا ءبىز جوعارى مەكتەپ وقۋشىلارىنىڭ ءومىر قۇنىن جۇزەگە اسىراتىن ۇلكەن ساحنا. مەن شينجياڭعا تامىر تارتىپ، نەگىزگى ساتىعا بارىپ، جاستىق گۇلىن وتان مەن حالىق ەڭ قاجەت ەتكەن جەردە شەشەك اتتىرامىن“، - دەدى جاي شينميڭ بەكەم پوزيتسيامەن.

  ”تەك، قۇلازىعان ءشول دالا بار، قۇلازىعان ءومىر بولمايدى!“، جاۋاپ حات تاپسىرىپ العان وقۋ تاۋىسقان 118 وقۋشىنىڭ ءبىرى رەتىندە، جۇڭگو مۇناي داشۋەسى (بەيجيڭ) قارامايلى مەكتەپ رايونىنان وقۋ تاۋىسقان حى تاۋ جۇڭگو مۇناي باتىس بولىك بۇرعىلاۋ ينجەنەرياسى شەكتى سەرىكتەستىگىنىڭ قىزمەتكەرىنە اينالدى. ول باس شۋجيدىڭ جاۋاپ حاتى ءوزى ارقالاعان جاۋاپكەرشىلىك پەن اۋىر مىندەتتى ءتىپتى دە ايقىنداپ، مۇرات سەنىمىن بەكەمدەگەنىن، جاستاردىڭ نەگىزگى ساتىعا، ءبىرىنشى شەپكە، جاپالى ورتاعا بارىپ، وتان مەن حالىق ەڭ قاجەت ەتكەن ورىنعا بارۋى كەرەكتىگىن ايتتى. ”مەن شەكارا وڭىرگە تامىر تارتىپ، وتان ەڭ قاجەت ەتكەن جەردە جاستىق جالىنىمدى لاۋلاتامىن“، - دەدى حى تاۋ.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.