شينجياڭ گازەتىنىڭ جالپىلىق اقپارات قۇرالدارى ءتىلشىسى ميھرگۇل ناسىر 7 - ايدىڭ 12 - كۇنى ۇرىمجىدەن حابارلايدى. شينجياڭ سالىق ىستەرى مەكەمەسىنەن ۇعىسۋعا قاراعاندا، 1 - ايدان 4 - ايعا دەيىن، بۇكىل رايونداعى سالىقتى ازايتىپ، اقىنى تومەندەتۋ بويىنشا جاڭادان ارتقان جالپى سوما 3 ميلليارد 735 ميلليون يۋاننان اسقان.
جىل باسىنان بەرى، شينجياڭنىڭ سالىق ىستەرى تاراۋلارى ”جۋىسپايتىن ادىسپەن“ سالىق ىستەرىن ءبىتىرۋ، اقى تاپسىرۋ قىزمەت وتەۋىن جاپپاي ورىستەتىپ، سالىق تاپسىرۋشىلاردىڭ سالىق تاپسىرۋى ءۇشىن كوپ ءتۇرلى تاپسىرۋ ءادىسىن ازىرلەپ، سالىق تاپسىرۋ قىزمەت وتەۋىن ۇزدىكسىز ساپالىلاندىرىپ، تيىمدىلىك ساياساتتارى بويىنشا ازايتۋدىڭ تىڭعىلىقتى بولۋىنا، كەشىرىم ەتۋدىڭ تىڭعىلىقتى بولۋىنا، تومەندەتۋدىڭ تىڭعىلىقتى بولۋىنا، ۇزارتۋدىڭ تىڭعىلىقتى بولۋىنا، كەشەۋىلدەتۋدىڭ تىڭعىلىقتى بولۋىنا، قايتارۋدىڭ تىڭعىلىقتى بولۋىنا شىنايى كەپىلدىك ەتتى.
شينجياڭ سالىق ىستەرى مەكەمەسى ”التىنى ورنىقتىرۋ“، ”التىنى قامتاماسىز ەتۋ“ مىندەتى كەلەلى جاعدايىن تىعىز ارقاۋ ەتىپ، سالىقتى ازايتىپ، اقىنى تومەندەتۋ ساياساتتارىن جاپپاي ءارى دەر كەزىندە تياناقتاندىرىپ، 9 تارماقتى ناقتىلى تياناقتاندىرۋ پىكىرىن، كاسىپورىنداردىڭ جۇمىستى، ءوندىرىستى قالپىنا كەلتىرۋىن قولدايتىن 13 تارماقتى جانە تيىمدىلىك ساياساتتارىن تياناقتاندىراتىن 15 ءتۇرلى شارانى ىلگەرىندى - كەيىندى جاساپ شىعارىپ، كاسىپورىنداردى، اسىرەسە، ورتا، شاعىن، ۇساق كاسىپورىنداردى قيىنشىلىقتان ارىلتۋعا شىن مانىندە كومەكتەسىپ، دامۋ تەبىنىن ارتتىردى.
7 - ايدىڭ 9 - كۇنى تۇستەن بۇرىن ءۇرىمجى ەكونوميكالىق، تەحنيكالىق اشۋ رايونى (توۋتۇنحى رايونى) ونەركاسىپ باقشاسىنا ورنالاسقان ءۇرىمجى كىدي رەڭدى باسپا، قوراپتاۋ شەكتى سەرىكتەستىگىنىڭ ءوندىرىس سەحىندا جۇمىسشىلار بار كۇشپەن ءوندىرىس جۇرگىزۋدە. ازىق - تۇلىك، سۋسىن، جەمىس - جيدەك سياقتى ونىمدەردىڭ سىرتقى قورابىمەن شۇعىلداناتىن وڭدەۋ كاسىپورنى رەتىندە، وسى سەرىكتەستىك وسىدان بۇرىن ىندەتتىڭ ىقپالىنا ۇشىراعاندىقتان ءبىر مەزگىل ءوندىرىس - تيجارات جاعىندا قيىنشىلىققا ۇشىراعان ەدى، الايدا سالىقتى ازايتۋ، اقىنى تومەندەتۋ ساياساتتارىنىڭ سۇيەمەلدەۋىندە قازىر سەرىكتەستىك جاپپاي ءوندىرىس قۋاتىنا جەتتى.
شينجياڭ سالىق ىستەرى مەكەمەسىنىڭ كىرىستى جوسپارلاۋ، ەسەپتەۋ باسقارماسىنىڭ ورىنباسار باستىعى لو ايمين بىلاي دەدى: ”ءبىز ساياساتتى تياناقتاندىرۋدىڭ تۇبىرشىك ءتىزىمىن ورناتىپ، ’نىساندى باسقارۋشى‘ ءتۇزىمىن اتقارىپ، اۆتونوميالى رايوننىڭ ءتۇيىندى نىسان قۇرىلىستارىنا قىزمەت ەتتىك؛ ينتەرنەتتە سالىق ىستەرىن ءبىتىرىپ، اقى تاپسىرۋ ارناسىن كەڭەيتىپ، سالىق تاپسىرۋشىلاردىڭ سالىق ىستەرىن بىتىرۋىنە قولايلىلىق جاساپ، سالىقتى ازايتۋ، اقىنى تومەندەتۋ ساياساتتارىنىڭ تياناقتانىپ، تامىر تارتۋىن ىلگەرىلەتتىك. سونىمەن بىرگە كاسىپ تىزبەگىنىڭ جۇمىستى، ءوندىرىستى سايكەسە قالپىنا كەلتىرۋىنە بەلسەندى قىزمەت وتەپ، الۋان ءتۇرلى ءادىس قولدانىپ، بازار تۇلعالارىنىڭ ساياساتتىڭ پايداسىنان يگىلىكتەنۋىنە مۇمكىندىك جاسادىق“.
كەلەسى ساتىدا، شينجياڭ سالىق ىستەرى مەكەمەسى سالىق ىستەرىن بىتىرۋگە قىزمەت وتەۋ تەبىنىن ۇزدىكسىز ارتتىرىپ، ”ءبىر كاسىپورىنعا ءبىر ساياسات“ تالابىن تياناقتاندىرىپ، قيىنشىلىق بولعاندا ازايتۋ - كەشىرۋ، سالىق سوماسىن تاپسىرۋ ۋاقىتىن ۇزارتۋ، جولداۋ مەرزىمىن كەشەۋىلدەتۋ سياقتى ساياساتتاردى تياناقتاندىرىپ، كاسىپورىندار ءۇشىن ”جاسىل ارنا“ اشىپ، كاسىپورىنداردىڭ قيىن تۇيىندەرىن، بوگەتتى تۇيىندەرىن شەشىپ، سالىق تاپسىراتىن كاسىپورىنداردىڭ تيىمدىلىك ساياساتتارىنان تولىق يگىلىكتەنىپ، ۇزدىكسىز اقاۋسىز دامۋىنا مۇمكىندىك جاسايدى.
