تيانشان تورى
تيانشان تورى   ›   ۇيرەنۋ   ›   شولۋ

جوعارى ساپالى دامۋدى ىلگەرىلەتۋگە مىقتاپ كۇش سالايىق

− اۆتونوميالى رايوننىڭ ەكونوميكانىڭ جوعارى ساپالى دامۋىن ىلگەرىلەتۋ جۇمىس باسى ءماجىلىسىنىڭ رۋحىن دايەكتىلەندىرۋ، تياناقتاندىرۋ جونىندە

شينجياڭ گازەتىنىڭ شولۋشىسى

  اۆتونوميالى رايوننىڭ ەكونوميكانىڭ جوعارى ساپالى دامۋىن ىلگەرىلەتۋ جۇمىس باسى ءماجىلىسى شي جينپيڭنىڭ جاڭا ءداۋىر جۇڭگوشا سوتسياليستىك ەكونوميكا يدەياسىن ىشكەرىلەي ۇيرەنىپ، دايەكتىلەندىرىپ، جاڭا دامۋ ۇستانىمىنا تاباندى بولىپ، ەكونوميكانىڭ جوعارى ساپالى دامۋىن اناعۇرلىم ىلگەرىلەتۋدىڭ ءبىر قىدىرۋ كەلەلى مىندەتتەرىن ورنالاستىردى.

  ەكونوميكانىڭ جوعارى ساپالى دامۋىن ىلگەرىلەتۋ شينجياڭنىڭ قوعام ورنىقتىلىعى مەن باياندى تىنىشتىعىنا سايادى، ءار ۇلت بۇقاراسىنىڭ مۇددەسى مەن ىرىس - قۇتىنا سايادى. جەر - جەر، تاراۋلار ءماجىلىس رۋحىن تەرەڭ ءتۇسىنىپ جانە يگەرىپ، ۋاقىت كۇتىپ تۇرمايدى دەيتىن بورىشتىلىق سەزىممەن، بۇلجىماس جاۋاپكەرشىلىك سەزىممەن، ۋاقىتپەن جارىساتىن كوكەي تەستىلىك سەزىممەن، جاڭا دامۋ ۇستانىمىن دايەكتىلەندىرۋگە، جوعارى ساپالى دامۋدى ىلگەرىلەتۋگە مىقتاپ كۇش سالىپ، شىنايى كۇش سالىپ، ناقتى كۇش سالىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا مىعىم نەگىز قالاۋى كەرەك.

  ورنىقتىلىق بارىسىندا ىلگەرىلەۋ قىزمەت جالپى ارناسى مەن ۇلكەن بەتالىسىنا باستان - اياق تاباندى بولۋ كەرەك. ”التىنى ورنىقتىرۋ“ قىزمەتىن بار كۇشپەن جاقسى ىستەۋ، ”التىنى قامتاماسىز ەتۋ“ مىندەتىن تياناقتاندىرۋ − ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋدىڭ تابيعي تالابى ءارى جوعارى ساپالى دامۋدى ىلگەرىلەتۋدەگى كىندىك ءسوز. ”ورنىقتى“ كەلەلى جاعدايدى يگەرىپ، ”ىلگەرىلەتۋ“ بەتالىسىن يگەرىپ، ىشكى سۇرانىستى كەڭەيتۋ ستراتەگياسىن تاباندىلىقپەن اتقارىپ، ەكونوميكانىڭ ورنىقتى، اقاۋسىز دامۋىن ىلگەرىلەتكەندە عانا، رايونىمىز ەكونوميكاسىنىڭ جوعارى ساپالى دامۋىنىڭ بولاشاعى، ءسوز جوق، نۇرلى بولادى.

  جوعارى ساپالى دامۋدى ىلگەرىلەتۋدىڭ كۇش سالۋ ءتۇيىنىن مىقتاپ يگەرۋ كەرەك. جۇمىستاندىرۋ − ەكونوميكالىق، قوعامدىق دامۋدىڭ ەڭ نەگىزگى تىرەگى، ال كاسىپ سالاسىن دامىتۋ − كەدەيلىكتەن ارىلۋدى جۇزەگە اسىرۋدىڭ ءتۇبىرلى شاراسى، جۇمىستاندىرۋدى الدىمەن ويلاستىرۋعا تاباندى بولىپ، 1 -، 2 -، 3 - كاسىپتەردىڭ توعىسا دامۋىن جەبەۋ كەرەك. جۇمىستاندىرۋدى جەتەكشى ەتە وتىرىپ كاسىپ سالاسىنىڭ تيبىنىڭ وزگەرىپ، دارەجەسىنىڭ ءوسۋىن، ساپاسىنىڭ جوعارىلاپ، ونىمدىلىگىنىڭ ارتۋىن، جاڭالىق اشا دامۋىن جەبەۋ؛ بازاردى جەتەكشى ەتۋگە تاباندى بولىپ، قارجى قوسۋدىڭ، تۇتىنۋدىڭ، سىرتقى ساۋدانىڭ سايكەستى دامۋىن، بىرگە ىلگەرىلەۋىن جەبەۋ كەرەك. ءونىمدى قارجى قوسۋدى كەڭەيتىپ، ءتۇيىندى نەگىزدىك قۇرىلعى قۇرىلىستارىن جەدەل ىلگەرىلەتىپ، ينتەرنەت جەلىسىندە، جەلىدەن تىس توعىستىرۋدى ىلگەرىلەتىپ، تۇتىنۋدىڭ قايتا تولىقتانۋىن، دارەجەسىنىڭ جوعارىلاۋىن بەلسەندىلىكپەن جەبەپ، سىرتقى ساۋدانى كەڭەيتىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتىپ، شەكارا وتكەلى ەكونوميكاسىن جانداندىرۋ كەرەك.

  ”قوزعاۋشى كۇشتى ارتتىرۋعا“، ”ومىرشەڭ كۇش ۇستەۋگە“ قاجىماي - تالماي كۇش سالۋ كەرەك. رەفورما جاساۋ، ەسىك اشۋ − دامۋدى ىلگەرىلەتەتىن ءتۇبىرلى قوزعاۋشى كۇش، ”تومەنگە بەرۋ، باسقارۋ، قىزمەت وتەۋ“ رەفورماسىن ۇزدىكسىز تەرەڭدەتىپ، شارۋاشىلىق - ساۋدا ورتاسىن ساپالىلاندىرىپ، ءتۇرلى كاسىپورىنداردى شينجياڭعا كەلىپ قارجى قوسىپ كاسىپتى گۇلدەندىرۋگە باۋراۋ؛ كاسىپورىندارعا تيىمدىلىك جەتكىزۋ ساياساتىن تياناقتاندىرىپ، فاكتور قامتاماسىزدىعىن كۇشەيتىپ، ءتۇرلى بازار تۇلعالارىنىڭ ومىرشەڭدىك كۇشىن قاۋلاتىپ، ءتۇرلى كاسىپورىنداردىڭ باسەكەلەسە دامۋىن جەبەۋ؛ بازارعا كىرۋگە رۇقسات ەتۋ ولشەمىن تومەندەتىپ، كەشكى ەكونوميكانى دامىتۋعا شابىتتاندىرىپ، دامۋ سەنىمى مەن قوزعاۋشى كۇشىن كوپ ءتۇرلى شارانى قاتار قولدانا وتىرىپ كۇشەيتۋ؛ پارتيا ورتالىق كوميتەتىنىڭ شينجياڭعا بەرگەن ەرەكشە ساياساتىنان ويداعىداي پايدالانىپ، ساياساتتاردىڭ بىرىككەن كۇش قالىپتاستىرۋىن، ناقتى تياناقتانۋىن، ونىمدىلىك بەرۋىن ىلگەرىلەتىپ، جوعارى ساپالى دامۋعا پارمەندى قوزعاۋشى قۋات ۇستەۋ كەرەك.

  بۇلجىماستان حالىق تۇرمىسىن ارقاۋ ەتىپ، دامۋدى يگەرۋ كەرەك. حالىق تۇرمىسىن يگەرۋدىڭ ءوزى دامۋدى يگەرۋ بولىپ تابىلادى. كەلەلى حاۋىپ - قاتەردەن ساقتانۋ جانە ونى جويۋ، كەدەيلىكتەن دالمە - ءدال ارىلتۋ، لاستانۋدان ساقتانۋ - جونگە سالۋ سىندى 3 ءىرى قامال الۋ شايقاسىن جوعارى ساپالى دامۋدى ىلگەرىلەتۋدىڭ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋدىڭ ۇلى امالياتىندا ورگانيكالى بىرلىككە كەلتىرۋ حالىققا دەگەن قويۋ سۇيىسپەنشىلىكتى ايگىلەيدى، 3 ءىرى قامال الۋ شايقاسىن باتىل تۇردە ويداعىداي جۇرگىزىپ، سان مىڭداعان وتباسىنىڭ كوكەي تەستى ارمان - تىلەگىنە جاۋاپ بەرۋ كەرەك. حالىقتى وزەك ەتكەن دامۋ يدەياسىنا تاباندى بولىپ، جۇمىستاندىرۋ، وقۋ - اعارتۋ، ەمدەۋ، قوعامدىق قامتاماسىزداندىرۋ، بەيقۇت ءۇي سياقتى ءتۇيىندى حالىققا تيىمدىلىك جاساۋ ينجەنەريالارىن ۇزدىكسىز ىلگەرىلەتىپ، بۇقارانى ۇزدىكسىز باقىتقا كەنەلتۋ كەرەك. قوعام ورنىقتىلىعىن ويداعىداي يگەرۋدەن بوساڭسىماي، نازاردى باس نىساناعا شوعىرلاندىرىپ، كەشەندى شارانى ويداعىداي جۇرگىزىپ، ەكونوميكانىڭ جوعارى ساپالى دامۋىنا قاجەتتى شارت - جاعداي ازىرلەپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك.

  نەعۇرلىم شەشۋشى ساتتە ، قايسارلىقپەن كۇرەسۋ، قيىندىقتان تايسالماي العا ىلگەرىلەۋ، جاۋاپكەرشىلىك ارقالاپ ىسكەرلىك كورسەتۋ رۋحى سولعۇرلىم قاجەت. ءبىز تياناقتاندىرۋدى اناعۇرلىم زور بەكىم، اناعۇرلىم كۇشتى سەرپىنمەن ويداعىداي يگەرىپ، ەكونوميكانىڭ جوعارى ساپالى دامۋىن كۇش سالا ىلگەرىلەتىپ، بۇكىل رايونداعى ءار ۇلت بۇقاراسىنىڭ بۇكىل ەل حالقىمەن بىرگە جاپپاي دوڭگەلەك داۋلەتتى قوعامعا قادام تاستاۋىنا شىنايى كەپىلدىك ەتۋىمىز كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.