2020 - جىلى 7 - ايدىڭ 10 - كۇنى، ءبىر توپ بالا شينجياڭ ىلە قازاق اۆتونوميالى وبلىسى موڭعۇلكۇرە اۋدانىنداعى ”ەلەسكە تولى شامدى مۇنارا، توڭكەرىستىك شاعىن قالاشىقتى“ ەكسكۋرسيالادى.
حابارىن جازىپ سۋرەتىن تۇسىرگەن ەرىكتى ءتىلشى چين جە. تاياۋ جىلداردان بەرى، ”قىزىل ساياحات كورىنىس رايوندارىن ساياحاتتاۋ“ بىرتىندەپ ساياحات ەكونوميكاسىنداعى جاڭا قولامتالى تۇيىنگە اينالدى. موڭعۇلكۇرە اۋدانى موڭعۇلكۇرە قالاشىعى جالپى وڭىرلىك ساياحاتتىڭ دامۋ اياق الىسىنا ىلەسىپ، ساياحات كاسىبىن حالىقتى اۋقاتتاندىرىپ، اۋداندى قۇدىرەتتەندىرەتىن تىرەكتى كاسىپ رەتىندە جەتىلدىرىپ، قىزىل ساياحات كورىنىس رايوندارىنا قاتىستى بولمىستاردى ىشكەرىلەي ىزدەپ، توڭكەرىستىك مادەنيەتتى قورعاۋدى كۇشەيتىپ، شامدى مۇنارا اۋماعىندا ”ەلەسكە تولى شامدى مۇنارا، توڭكەرىستىك شاعىن قالاشىعى“ ساياحاتىن دامىتۋ نىسانىن اتقارىپ، جالپى وڭىرلىك ساياحاتتىڭ جاڭا جولىن اشتى.
”توڭكەرىستىك شاعىن قالاشىقتىڭ“ ورنى موڭعۇلكۇرە اۋدانى موڭعۇلكۇرە قالاشىعى تۇعىلشىن قىستاعىندا، اۋدان قالاشىعىنان 7 كيلومەتر قاشىقتىقتا، 1973 - جىلى شامدى مۇنارا مال فەرماسى بولىپ قۇرىلعان. مال فەرماسىنىڭ مۇشەلەرى نەگىزىنەن بەيجيڭ مەن شاڭحاي سياقتى جەردەن كەلگەن زيالى جاستار مەن جەرگىلىكتى مالشىلار. 2015 ـ جىلى وسى شاعىن قالاشىق ”جۇڭگو اۋىل ـ قىستاق ساياحاتىنان ۇلگى كورسەتەتىن قىستاق“ اتاعىن، 2020 ـ جىلى ”مەملەكەتتىك اۋىل ـ قىستاق ساياحاتىنداعى ءتۇيىندى قىستاق“ اتاعىن الدى.
موڭعۇلكۇرە اۋدانى موڭعۇلكۇرە قالاشىعى 2013 - جىلدان باستاپ، شامدى مۇنارا اۋماعىن وزگەرتىپ قۇرۋ قۇرىلىسىن جۇرگىزدى، جالپى 14 ميلليون يۋان قارجى قوسىلدى. ”ەلەسكە تولى شامدى مۇنارا، توڭكەرىستىك شاعىن قالاشىق“ ساياحاتىن دامىتۋ نىسانىن اتقارىپ، زيالى جاستار سارايىن وزەك ەتىپ، توڭىرەككە ىرگەسىن كەڭەيتىپ، ”ءبىر وزەك، ەكى ورتالىق، ءۇش اينالما جەلى“ (توڭكەرىستىك مادەنيەتتى وزەك ەتكەن، زيالى جاستار سارايىن، زيالى جاستار ورمانىن ورتالىق ەتكەن، ۇلتتىق سالت ـ سانا ساياحاتى، زيالى جاستار مادەنيەتى، ساياحاتتىق اۋىل شارۋاشىلىعى سىندى ءۇش اينالما جەلى) جالپى وڭىرلىك ساياحاتتى دامىتۋ ۇلگىسىن قالىپتاستىرىپ، توڭكەرىستىك مادەنيەتتى، حالىقتىق تۇسەلحانا ساياحاتىن، ساياحاتتىق اۋىل شارۋاشىلىعىن نەگىزگى جەلى ەتكەن وزگەشە كاسىپ سالاسىن تۇلعالاپ، توڭكەرىستىك مادەنيەت، ساياحاتتىق اۋىل شارۋاشىلىعى، ۇلتتىق سالت ـ سانانى سەزىنۋ، دەنساۋلىق ساقتاۋ، كۇتىنۋ، دەمالۋ ءبىر تۇلعالانعان تۇتاس وڭىرلىك ساياحات جۇيەسىن كۇش سالا قۇرىپ، قىرۋار ساياحاتشىلاردى وسى اراعا كەلىپ ەكسكۋرسيالاۋعا، ساياحاتتاۋعا باۋراپ، جەرگىلىكتى بۇقارانىڭ كىرىسىن ارتتىرىپ، اۋقاتتانۋىنا ۇزدىكسىز جەتەكشىلىك ەتتى.
