تيانشان تورى   ›   جاڭالىقتار   ›   ۇلتتىڭ گۇلدەنۋى جولىندا ەرجۇرەك قۇرباندار شەجىرەسى

جاڭ گوچۇن: مۇراتى ءۇشىن جاساعان ”نوبايلاماشى اسكەر“

جاڭ گوچۇن سوعىستىق نوبايلاما جۇيەسىن جاقسارتۋ جونىندە بايانداما جاساۋدا.

 شينحۋا اگەنتتىگى تاراتقان (سۋرەتتى ياڭ جۇنگۋاڭ تۇسىرگەن)

  شينحۋا اگەنتتىگىنىڭ بەيجيڭنەن بەرگەن حابارى (ۋاڭ يتاۋ، لو جينمۋ). ارميانى قۇدىرەتتەندىرۋ امالياتىنا ءوزىن ارناعان سوعىستىق نوبايلاما مامانى جاڭ گوچۇننىڭ دۇنيەدەن وتكەنىنە 4 جىلدان استى، ءار جىلى 10 - ايدىڭ 15 - كۇنى مەملەكەت قورعانىسى داشۋەسى جانە ونىڭ جاۋىنگەر سەرىكتەرى ءتۇرلى فورمالارمەن ازا ءبىلدىرۋ قيمىلىن وتكىزەدى.

  جاڭ گوچۇن حيلۇڭجياڭنىڭ كىدۇڭىنان، 1969 - جىلى دۇنيەگە كەلگەن، 1987 - جىلى ۇزدىك ناتيجەمەن شي - ان تەلەبايلانىس ينجەنەرياسى شۋەيۋانىنا وتەدى. مەكتەپ بىتىرگەندە ساباقتاستار لەبىز داپتەرىنە ول ”مۇراتى ءۇشىن جاساۋداي“ مەملەكەت قورعانىسى ىستەرىنە ءوزىن ارناۋ سەرتىن جازادى.

  1994 - جىلى جاڭ گوچۇن مەملەكەت قورعانىسى داشۋەسىنە ءوتىپ، اسكەري ىستەر پايدالانۋ - جوسپارلاۋ ءىلىمىنىڭ ماگيسترلىك عىلمي اتاعى بويىنشا وقيدى. 1997 - جىلى ماگيسترلىك وقۋىن ءبىتىرىپ، ەندى عانا مەكتەپكە قالعان ول بۇيرىق بويىنشا ماڭىزدى جۇيەلىك ينجەنەريادان قامال الۋعا قاتىناسادى.

  كوپ وتپەي جاڭ گوچۇن تاعى ءبىر بۇكىل ارميالىق كەلەلى ينجەنەريانىڭ زەرتتەۋ - اشۋ مىندەتىنە قاتىناسادى. 6 جىل ىشىندە ول ۇجىم مۇشەلەرىمەن بىرگە نەشە ءجۇز مىڭ ماتەريال اقتارىپ، نەشە ونداعان ورىندى ارالاپ، ساندى مالىمەتتەردى سالىستىرۋدان اشۋ سىپاتتاۋىنا دەيىن، ودان ارى جوسپارلاپ جوبالاۋعا دەيىن، ەڭ سوڭىندا ولار الىپ شىققان ناتيجە بۇكىل ارميا جۇيەسىندە سوعىس جۇرگىزۋ ەلىكتەۋى جاتتىعۋىنىڭ ورىستەتىلۋىنە تىرەك بولادى.

  2007 - جىلى ورتالىق اسكەري ىستەر كوميتەتى مەملەكەت قورعانىسى داشۋەسىنە بۇكىل ارميانىڭ ستراتەگيالىق شايقاس سوعىستىق نوبايلاما جۇيەسىنىڭ زەرتتەۋ - اشۋ مىندەتىن جۇكتەيدى. زەرتتەۋ - اشۋ ۇجىمىنىڭ وزەكتى مۇشەسى رەتىندە، جاڭ گوچۇن مەن قىزمەتتەستەرى: ”دەربەس جاڭالىق اشۋ، دۇنيە جۇزىلىك دارەجەدەگى ەلەۋلى جاسامپازدىققا تالپىنۋ“ دەگەندى ورتاعا قويادى. ول كوپتەگەن ماڭىزدى جۇيەنىڭ جوبالاۋ جانە زەرتتەۋ - اشۋ اۋىر مىندەتىن ارقالاپ قانا قالماستان، تاعى تاجىريبەحانانىڭ قۇپيالىقتى ساقتاۋ قىزمەتىن ىرىقتىلىقپەن ارقالاپ، ءبىر ءوزى نەشە جۇزدەگەن عىلمي ماقالانى قاراۋدى، نەشە ون مىڭداعان ماتەريالداردى كوشىرۋدى، باسۋدى، ءتۇرلى جابدىقتاردى كۇتۋدى، تەكسەرۋدى ورىندايدى. كۇندىز - ءتۇنى، اپتا بويى ارىپتالاسىپ ىستەۋ ونىڭ قىزمەتىندەگى قالىپتى جاعدايعا اينالادى، ءتىپتى اۋىرىپ قالعان كەزىندە دە قايسارلىقپەن: ”زەرتتەۋ - اشۋدى كەشەۋىلدەتۋگە بولمايدى، اۋرۋحاناعا جاتاتىن ۋاقىت جوق، شىدايمىن!“ دەيدى.

  2010 - جىلدىڭ سوڭىندا جۇيە العاش رەت جاسالىپ بولىپ، ون نەشە اكادەميكتىڭ: ”كوپتەگەن شەشۋشى تەحنيكالاردان ناتيجە جاراتىپ، حالىقارالىق وزىق ورەگە جەتتى“ دەگەن بىردەي باعاسىنا يە بولادى.

  ”سوعىستىق نوبايلامانى اسكەري ءبولىمنىڭ جاۋىنگەرلىك قۋاتىنىڭ قالىپتاسۋىنىڭ ەڭ الدىڭعى لەگىنە دەيىن ۇزارتۋ كەرەك“. جاڭ گوچۇن ماقساتىنان قايتپادى. سوعىستىق نوبايلاما جۇيەسى قولدانىلۋىنىڭ اسكەري ءبولىم جاتتىعۋىندا ول تۇگەلدەي نەگىزگى كۇش تىرەگى رەتىندە قامتاماسىزداندىرۋ مىندەتىن تولىق ورىنداپ، ىلگەرىندى - كەيىندى 10 نەشە رەت ەلەۋلى جاتتىعۋلاردى ءساتتى قامتاماسىز ەتتى.

  ”ونىڭ نازارىندا سوعىستىق نوبايلاما ىستەرى ومىردەن قىمبات“. بۇل قىزمەتتەستەرىنىڭ جاڭ گوچۇن جونىندەگى اسەرى. ودان ۇزدىكسىز باسى اۋىرۋ، كوزدەرى قانتالاۋ سياقتى اۋرۋ بەلگىلەرى بەلەڭ بەرگەندە، كوپشىلىك ونى شيپاحاناعا بارۋعا قايتا - قايتا قۋزايدى، الايدا سوعىستىق نوبايلاما ىستەرىنە ىشكەرىلەي ۇڭىلگەن جاڭ گوچۇن ءار جولى اۋىرعاندى باساتىن تاناشا جەپ، كوزىنە ءدارى تامىزىپ قانا جۇرەدى.

  كەيىن ونىڭ مي كوللويدى انا كلەتكاسى وسپەسى ناۋقاسى انىقتالىپ، شۇعىل وپەراتسيا جاساتۋعا تۋرا كەلەدى، ءبىراق ول كەرىسىنشە كەڭسەدە قىزمەتىن ونان ارى جالعاستىرادى. ول كەيىنگى وپەراتسيانىڭ ەستە ساقتاۋ قابىلەتى مەن كورۋ قۋاتىنا اۋىر ىقپال جاساۋىنان الاڭداپ، جۇمىستى ۇستەمەلەپ ىستەپ، ماتەريالداردى رەتتەيدى.

  2013 - جىلى 9 - ايدا 1 - رەت وپەراتسيا جاساتقاننان كەيىن، دەنساۋلىعىن تەزىرەك قالپىنا كەلتىرىپ، جۇمىسقا شىعۋ ءۇشىن، ول ءار كۇنى ماتەماتيكا سۇراۋلارىمەن ويلاۋ قۋاتىن جاتتىقتىرىپ، ۇنەمى تاۋعا شىعادى.

  2013 - جىلى 12 - ايدا جاڭ گوچۇن 2 - رەت وپەراتسيا جاساتادى.

  2014 - جىلى 10 - ايدىڭ 15 - كۇنى جاڭ گوچۇن دۇنيەدەن ءوتتى. 2015 - جىلى ورتالىق كوميتەت ۇگىت ءبولىمى جاڭ گوچۇنعا ”ءداۋىر ۇلگىسى“ داڭقتى اتاعىن تولىقتاپ بەردى، ورتالىق اسكەري ىستەر كوميتەتى وعان 1 - دارەجەلى ەڭبەكتى تولىقتاپ جازدى، تاعى بۇكىل مەملەكەتتىك ءمورال ۇلگىسى اتامالى سيلىعىن تولىقتاپ بەردى...

  ارميانى قۇدىرەتتەندىرۋ امالياتىنا ءوزىن ارناعان ءداۋىر ۇلگىسى رەتىندە، جاڭ گوچۇن مەن ۇجىمى كوپتەگەن كەلەلى اسكەري جاتتىعۋى ەلىكتەۋ جۇيەسىنەن قامال الۋعا قاتىناسىپ، ەلىمىزدىڭ تۇڭعىش ءىرى تيپتى سوعىستىق نوبايلاما بويىنشا جاتتىعۋ جۇيەسىنە زەرتتەۋ جاساپ، ارميامىزدىڭ اسكەري جاتتىعۋ ادىسىنە بۇرىلىس سيپاتتى وزگەرىس اكەلدى؛ ارميامىزداعى ەڭ ەرتەدە جۇيەلىك مودەل جاساۋ قىزمەتىمەن اينالىسقان مامان رەتىندە، ونىڭ «جۇيەلىك قارسىلاسۋ بويىنشا مودەل جاساۋ جانە ەلىكتەۋ كىرىسپەسى» اتتى شىعارماسى ەل ىشىندەگى العاشقى كەزدەگى وسى سالاداعى ماڭىزدى كاسىپتىك شىعارما بولدى؛ ونىڭ زەرتتەۋ تابىستارى مەملەكەتتىك جانە ارميانىڭ عىلىم - تەحنيكالىق كوپتەگەن ۇلكەن سيلىقتارىنا يە بولدى، جيىنى ءبىر ميلليون 100 نەشە مىڭ ءارىپ كەلەتىن 10 نەشە بايانداما، وقۋلىق جانە شىعارما جازىپ باسپادان شىعاردى...

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.