چىن چۋانگو ءۇرىمجى قالاسىندا تەكسەرۋ - زەرتتەۋ جۇرگىزدى

چىن چۋانگو ءۇرىمجى قالاسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

نەگىزگى ساتىنىڭ نەگىزىن بەكەمدەپ، دامۋ قوزعاۋشى كۇشىن ارتتىرىپ، ىندەتتەن ساقتانۋ - تىزگىندەۋدى ۇدايىلاندىرۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋ كەرەك

شينجياڭ گازەتىنىڭ جالپىلىق اقپارات قۇرالدارى ءتىلشىسى سۇي جىجيان تۇسىرگەن

7 - ايدىڭ 13 - كۇنى اۆتونوميالى رايوندىق پارتكومنىڭ شۋجيى چىن چۋانگو ءۇرىمجى قالاسىندا تەكسەرۋ - زەرتتەۋ جۇرگىزدى. سۋرەتتە: چىن چۋانگو تيانشان رايونى گۋيۋانشياڭ الەۋمەتتىك اۋماعىنىڭ شياۋشياۋ جاسوسپىرىمدەر سارايىنا كەلىپ، الەۋمەتتىك اۋماقتىڭ بۇقاراعا قىزمەت وتەۋ جاعدايىن ۇعىستى.

　　شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 7 - ايدىڭ 13 - كۇنى ۇرىمجىدەن حابارلايدى. 7 - ايدىڭ 13 - كۇنى اۆتونوميالى رايوندىق پارتكومنىڭ شۋجيى چىن چۋانگو ءۇرىمجى قالاسىندا تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ ماڭىزدى ءسوزى مەن ماڭىزدى نۇسقاۋىنىڭ رۋحىن مۇقيات دايەكتىلەندىرىپ، تياناقتاندىرىپ، نەگىزگى ساتىنىڭ نەگىزىن بەكەمدەپ، رەفورما جاساۋدى، جاڭالىق اشۋدى تەرەڭدەتىپ، دامۋ قوزعاۋشى كۇشىن ارتتىرىپ، ىندەتتەن ساقتانۋ - تىزگىندەۋدى ۇدايىلاندىرۋ العى شارتىندا رەفورما، دامۋ، ورنىقتىلىق قىزمەتتەرىندە ۇزدىكسىز جاڭا جاعداي اشۋ كەرەك.

　　تيانشان رايونى سانشان الەۋمەتتىك اۋماعى مەن گۋيۋانشياڭ الەۋمەتتىك اۋماعىندا چىن چۋانگو ءبىر پۋنكتتىك قىزمەت وتەۋ زالىنا، بۇقارالىق مادەنيەت قيمىل ورتالىعىنا، شياۋشياۋ جاس وسپىرىمدەر سارايىنا كىرىپ، نەگىزگى ساتى پارتيا ۇيىمىنداعى جاۋاپتى جولداستارمەن جانە الەۋمەتتىك اۋماقتاعى ءار ۇلت بۇقاراسىمەن ىقىلاسپەن اڭگىمەلەسىپ، الەۋمەتتىك اۋماقتىڭ ىندەتتەن ساقتانۋ - تىزگىندەۋ، بۇقاراعا قىزمەت وتەۋ، ۇلتتار ىنتىماعى، پارتيا قۇرىلىسى سياقتى جاعدايلارىن ەگجەي - تەگجەيلى ۇعىستى. چىن چۋانگو بىلاي دەپ اتاپ كورسەتتى: نەگىزگى ساتىنى يگەرۋدى، نەگىز قالاۋدى ۇزاق بولاشاقتىق جوسپار جانە نەگىزدى بەكەمدەۋ شاراسى ەتۋگە تاباندى بولىپ، الەۋمەتتىك اۋماقتى جونگە سالۋدىڭ زاڭمەن جونگە سالىنۋ، عىلميلانۋ، ەگجەي - تەگجەيلى بولۋ دەڭگەيى مەن ۇيىمداسۋ ورەسىن جاپپاي جوعارىلاتۋ كەرەك.

　　چىن چۋانگو TS226 حالىققا قولايلى ساقشى ىستەرى پۋنكتىنە بارىپ، نەگىزگى ساتى ءبىرىنشى شەبىندەگى قىزمەتكەرلەرگە امانداستى، حال سۇرادى، ساقشى ىستەرى پۋنكتىنىڭ جۇمىس جاعدايىن ىشكەرىلەي ۇعىستى. ول بىلاي دەپ اتاپ كورسەتتى: حالىققا قولايلى ساقشى ىستەرى پۋنكتى ءار ۇلت حالىق بۇقاراسىنا قىزمەت وتەۋدەگى، قوعام ورنىقتىلىعىن قورعاۋداعى ماڭىزدى دانەكەر، بۇقارانىڭ ءىس جۇزىندىك قاجەتىن ءجىتى قاداعالاپ، حالىققا قولايلىلىق تۋدىرۋ، حالىققا پايدا جەتكىزۋ، حالىق ءۇشىن ىستەۋ شارالارىن ۇزدىكسىز بايىتىپ، كەمەلدەندىرىپ، قىزمەت وتەۋ قابىلەتى مەن دەڭگەيىن شىن مانىندە جوعارىلاتۋ كەرەك.

　　ءۇرىمجى قالاسىنىڭ قالا جوباسى سارايىندا، چىن چۋانگو ءۇرىمجىنىڭ قالا قۇرىلىسى جوباسى جاعدايى جونىندەگى مالىمەتتى مۇقيات تىڭدادى. ول بىلاي دەپ اتاپ كورسەتتى: جوبا ارقىلى جەتەكشىلىك ەتۋگە تاباندى بولىپ، قالانى جوبالاۋدى كۇشەيتىپ، عىلمي جوبالاپ، ورنالاستىرىپ، فۋنكتسيالىق ساپاسىن جوعارىلاتىپ، وڭىرلىك ەرەكشەلىكتى كورنەكتىلەندىرىپ، قالا ”گەنىن“ ساقتاپ، قالانى ادام مەن ادام، ادام مەن تابيعات جاراسىمدى قاتار ءومىر سۇرەتىن كوركەم مەكەن ەتىپ قۇرىپ شىعۋ كەرەك.

　　چىن چۋانگو تاعى ءۇرىمجى قالالىق اكىمشىلىك ىستەر قىزمەت وتەۋ ورتالىعىنا كەلىپ، ”تومەنگە بەرۋ، باسقارۋ، قىزمەت وتەۋ“ رەفورماسى مەن حالىققا قىزمەت وتەۋ سياقتى جاعدايلاردى ۇعىستى. ول: قىزمەت ءتارتىبىن ۇزدىكسىز ساپالىلاندىرىپ، قولايلى، ساپالى اكىمشىلىك ىستەر قىزمەت وتەۋىن قالىپتاستىرىپ، ينفورماتسيانى كوبىرەك جەتكىزىپ، بۇقارانى از شاپقىلاتىپ، حالىققا قولايلىلىق جاساۋ، حالىققا پايدا جەتكىزۋ دەڭگەيىن جاپپاي جوعارىلاتۋ كەرەك، - دەپ باسا دارىپتەدى.

　　چىن چۋانگو تەكسەرۋ - زەرتتەۋ بارىسىندا بىلاي دەپ باسا دارىپتەدى: ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن جاپپاي تياناقتاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، ”التىنى ورنىقتىرۋ“ قىزمەتىن تىڭعىلىقتى ويداعىداي ىستەپ، ”التىنى قامتاماسىز ەتۋ“ مىندەتىن جاپپاي تياناقتاندىرىپ، ءۇرىمجىنىڭ رەفورما، دامۋ، ورنىقتىلىق قىزمەتتەرىنىڭ تاعى دا تىڭ ساتىعا كوتەرىلۋىن ىلگەرىلەتۋ كەرەك. باستان - اياق بايسالدى بولۋدان جازباي، ىندەتتەن ساقتانۋ - تىزگىندەۋدى ۇدايىلاندىرۋدى ويداعىداي يگەرۋ كەرەك. سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ شاراسىنا تاباندى بولىپ جانە كەمەلدەندىرىپ، ءتۇيىندى وڭىرلەردەگى، ءتۇيىندى ورىندارداعى، ءتۇيىندى ادامدار شوعىرىنداعى دالمە - ءدال ساقتانۋ - تىزگىندەۋدى كۇشەيتىپ، ساقتانۋ - تىزگىندەۋدىڭ تومەنگى شەگىن باتىل ساقتاۋ كەرەك. جاڭا دامۋ ۇستانىمىنا تاباندى بولىپ، جوعارى ساپالى دامۋدى ۇزدىكسىز ىلگەرىلەتۋ كەرەك. ەكونوميكانىڭ دامۋ تاسىلىنە جەدەل بۇرىلىس جاساپ، كاسىپ سالاسىنىڭ تيبىنىڭ وزگەرىپ دارەجەسىنىڭ ءوسۋىن جەدەلدەتىپ، جاڭا، كونە قوزعاۋشى قۋاتتاردىڭ اۋىسۋىن جەدەلدەتىپ، ۇزدىكسىز تۇردە جاڭا قامداۋدى جارىققا شىعارىپ، جاڭا سۇرانىستاردى تۋىنداتىپ، جاڭا قوزعاۋشى قۋاتتى جەتىلدىرىپ، ەكونوميكانىڭ جوعارى ساپالى دامۋىنىڭ ساپاسىنىڭ ءوسىپ، ونىمدىلىگىنىڭ ارتۋىن ىلگەرىلەتۋ كەرەك. ماڭىزدى ءتۇيىندى تومەنگە بەيىمدەۋگە تاباندى بولىپ، نەگىزگى ساتىنىڭ نەگىزىن ۇزدىكسىز بەكەمدەۋ كەرەك. نەگىزگى ساتى پارتيا ۇيىمى قۇرىلىسىن مىقتى، ناقتى يگەرىپ، بۇقارامەن بايلانىس ورناتۋ، قىزمەت وتەۋ جاعىندا كوبىرەك سۇيىسپەنشىلىك ارناۋعا، بۇقاراعا ۇگىت جۇرگىزۋ، تاربيەلەۋ جاعىندا زەيىن - زەردەنى كوبىرەك جۇمساۋعا، بۇقارانى ۇيىمداستىرۋ، ۇيىستىرۋ جاعىندا كوبىرەك كۇش جۇمساۋعا كۇش سالىپ، پارتيانىڭ بيلىك جۇرگىزۋ نەگىزىن ۇزدىكسىز بەكەمدەۋ كەرەك. ادامدى نەگىز ەتۋگە تاباندى بولىپ، حالىق تۇرمىسىن زور كۇشپەن قامتاماسىز ەتۋ جانە جاقسارتۋ كەرەك. حالىقتى وزەك ەتكەن دامۋ يدەياسىنا تاباندى بولىپ، حالىققا تيىمدىلىك جاساۋ ساياساتىن ناقتى، ەگجەي - تەگجەيلى تياناقتاندىرىپ، ءتۇيىندى قاۋىمنىڭ جۇمىستانۋىن كورنەكتى تۇردە ويداعىداي يگەرىپ، حالىق تۇرمىسىنداعى ناقتى ىستەردى ۇزدىكسىز جاقسى ىستەپ، ەرەكشە قيىنشىلىعى بار قاۋىمدى قامتاماسىز ەتۋمەن تولىق قامتۋدى كۇشەيتىپ، ءار ۇلت حالىق بۇقاراسىنىڭ ىرىس - قۇتىن ۇزدىكسىز ارتتىرۋ كەرەك. قىزمەت وتەۋدى كۇشەيتۋگە تاباندى بولىپ، شارۋاشىلىق - ساۋدا ورتاسىن كۇش سالا ساپالىلاندىرۋ كەرەك. كاسىپورىندارعا تيىمدىلىك جاساۋ ساياساتىن جاپپاي تياناقتاندىرىپ، كاسىپورىنداردىڭ اۋىرتپالىعىن شىن مانىندە جەڭىلدەتىپ، ”تومەنگە بەرۋ، باسقارۋ، قىزمەت وتەۋ“ رەفورماسىن ۇزدىكسىز تەرەڭدەتىپ، قىزمەت وتەۋ دەڭگەيىن جوعارىلاتىپ، ءىس ءبىتىرۋ ونىمدىلىگىن ءوسىرىپ، بازار تۇلعالارىنىڭ ومىرشەڭدىك كۇشىن اناعۇرلىم زور دارەجەدە قاۋلاتۋ كەرەك. ارالاسۋعا، ىشتەسۋگە، توعىسۋعا تاباندى بولىپ، ۇلتتار ىنتىماعىن نىعايتۋ، دامىتۋ كەرەك. ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ىشكەرىلەي ورىستەتىپ، ۇلتتاردىڭ كەڭ كولەمدە ارالاسۋىن، جاپپاي ىشتەسۋىن، تەرەڭ توعىسۋىن جەبەپ، جۇڭحۋا ۇلتى ورتاق تۇلعا تانىمىن مىقتاپ ورناتۋ كەرەك. ساقتىق دابىلىن ۇدايى قاعۋعا تاباندى بولىپ، قوعام ورنىقتىلىعىن باتىل قورعاۋ كەرەك. نازاردى باس نىساناعا شوعىرلاندىرىپ، كەشەندى شارالاردى ويداعىداي جۇرگىزىپ، ورنىقتىلىقتى قورعاۋدىڭ ۇتىمدى شارالارىنا اۋىتقىماي تاباندى بولىپ، بۇقارالىق قىزمەتتى ىشكەرىلەي ىجداعاتتىلىقپەن ىستەپ، ءوندىرىس حاۋىپسىزدىگىن كۇش سالا ويداعىداي يگەرىپ، قوعامدىق كەلەلى جاعدايدىڭ جاراسىمدىلىعىن، ورنىقتىلىعىن باتىل قورعاۋ كەرەك.

　　اۆتونوميالى رايوندىق پارتكومنىڭ تۇراقتى مۇشەسى، ءۇرىمجى قالالىق پارتكومنىڭ شۋجيى شۇي حايرۇڭ قاتارلىلار بىرگە تەكسەرۋ - زەرتتەۋ جۇرگىزدى.