شينحۋا اگەنتتىگىنىڭ حاربيننەن بەرگەن حابارى (ءتىلشى لياڭ شۋبين). ”ساقشى بولساڭ قاتەردەن قورقۋىڭا بولمايدى، ءىس تۋىلسا الدىمەن اتتانۋىڭ كەرەك!“ قىلمىستىق ىستەر ساقشىسى ياڭ ۋىنفىڭ كوزى تىرىسىندە وسىلاي دەگەن بولاتىن.
ياڭ ۋىنفىڭ 1968 - جىلى دۇنيەگە كەلگەن، كوزى تىرىسىندە حيلۇڭجياڭ ولكەسى چيچيحار قالاسى لۇڭشا قوعام حاۋىپسىزدىگى بولىمشە مەكەمەسىنىڭ قىلمىستىق ىستەر ساقشىسى بولعان، ساقشى بولعان 15 جىلدا داڭقپەن ءبىر رەت 2 - دارەجەلى، 4 رەت 3 - دارەجەلى ەڭبەك كورسەتىپ، كوپ رەت ماداقتالعان.
2015 - جىلى 5 - ايدىڭ 6 - كۇنى لۇڭشا قوعام حاۋىپسىزدىگى بولىمشە مەكەمەسى ۋاڭ XX 5 - ايدىڭ 3 - كۇنى ۇيدەن شىعىپ كەتكەننەن كەيىن ءىز - دەرەكسىز كەتتى دەگەن دەلو مالىمەتىن تاپسىرىپ الادى. بارلاپ - تەكسەرۋ ارقىلى ساقشى جاق مۇنىڭ اۋىر كىسى ءولىمى دەلوسى ەكەندىگىن تۇراقتاندىرادى.
6 - ايدىڭ 1 - كۇنى ارناۋلى دەلو گرۋپپاسى 2 قىلمىس كۇماندىسىنىڭ ءمالىم شاعىن اۋماقتىڭ اۆتوكولىك تۇراعىنا بارىپ دەلوعا شاتىلعان جەڭىل اۆتوكولىكتى الىپ كەتپەكشى بولعاندىعىنان حابار تابادى. ساعات 20 مولشەرىندە 2 قىلمىس كۇماندىسى ءبىر اۆتوبۋزشانى ايداپ اۆتوكولىك تۇراعىنا كەلەدى، ولاردىڭ ءبىرى جاڭ XX كولىكتەن تۇسە سالا دەلوعا شاتىلعان جەڭىل اۆتوكولىكتى ايداپ كەتپەكشى بولعاندا، تورۋىلداپ جاتقان حالىق ساقشىلارىنىڭ قولىنا تۇسەدى.
ياڭ ۋىنفىڭ مەن باسقا 3 حالىق ساقشىسى ەندى ءبىر قىلمىس كۇماندىسى گاۋ XX ايداعان اۆتوبۋزشانى قورشاۋعا الادى. ياڭ ۋىنفىڭ اتىلىپ شوفەر وتىرعان جاققا ءوتىپ، گاۋ XXكە اۆتوكولىكتەن ءتۇسۋدى بۇيىرادى، گاۋ XX ويلاماعان جەردەن وق اتادى. ”قارۋى بار ەكەن!“ ياڭ ۋىنفىڭ ارتىنداعى جاۋىنگەر سەرىكتەرىنە ايعايلاپ ەسكەرتە بەرگەندە، بۇزاقىنىڭ وعى باسىنان ءتيىپ قۇلاپ تۇسەدى. قىلمىس كۇماندىسى گاۋ XX سول مايداندا اتىپ ولتىرىلەدى.
ياڭ ۋىنفىڭ جارالانعاننان كەيىن دەرەۋ شيپاحاناعا جەتكىزىلەدى. اقىرىندا قۇتقارۋ ءونىم بەرمەي، باقىتقا قارسى قۇربان بولادى. وسى ءبىر 47 جاستاعى قىلمىستىق ىستەر ساقشىسى بەرگەن سەرتىن ومىرىمەن ايگىلەيدى.
ياڭ ۋىنفىڭ قۇربان بولعاننان كەيىن، ادام كۇشى بايلىعى جانە قوعامدىق قامتاماسىزداندىرۋ مينيسترلىگى، قوعام حاۋىپسىزدىگى مينيسترلىگى بىرلەسىپ بۇيرىق جاريالاپ، وعان ”مەملەكەتتىك قوعام حاۋىپسىزدىگى جۇيەسىندەگى 1 - دارەجەلى قاھارمان ۇلگى“ داڭقتى اتاعىن تولىقتاپ بەرەدى.
ساقشىلىققا قابىلداناردىڭ الدىندا، ياڭ ۋىنفىڭ اماندىق قورعاۋ سەرىكتەستىگىندە قىزمەت ىستەپ جۇرگەندە، باسقىنشىلىق جاساعان ءبىر قىلمىس كۇماندىسىنا جولىعادى. وزىنەن الدەقايدا مەلجەمدى، قولىندا وتكىر پىشاعى بار بۇزاقىمەن بەتپە - بەت كەلگەن ياڭ ۋىنفىڭ ونىمەن باسىن ءباي تىگە سايىسىپ، قۇرىقتاعاننان كەيىن ساقشى بولىمشەسىنە تاپسىرىپ بەرەدى. ساقشى جاق وسى ارقىلى 20دان استام توناۋشىلىق، باسقىنشىلىق جاساۋ دەلوسىن بارلاپ اشادى. ياڭ ۋىنفىڭ وسىعان بايلانىستى ”ەرجۇرەك قالا تۇرعىنى ۇلگىسى“ اتاعىنا يە بولادى. 2000 - جىلى 5 - ايدا ادىلەت جولىندا باسىن ءباي تىككەن ىزگى ءىسى كورنەكتى بولعاندىقتان، ول حالىق ساقشىسىنا قابىلدانادى.
ياڭ ۋىنفىڭ ساقشىلىق قىزمەتىن قىزۋ ءسۇيدى، ۇزدىكسىز وزگەرگەن قىلمىس وتكىزۋ تاسىلدەرى الدىندا ول ۇتىمدى بولعان ءبىر قىدىرۋ تەرگەۋ ادىستەرىن قورىتىندىلاپ شىقتى. ءبىر جولى ساقشى جاق ەسىرتكىنى زاڭسىز الىپ جۇرگەن، تۇتىنعان قىلمىس كۇماندىسى شۇي XXتى تۇتقىندايدى، شۇي XX جۇمعان اۋزىن اشپاي قويادى. ونىڭ مىنەز - قۇلىق ەرەكشەلىكتەرىنە، وتباسىلىق ورتاسىنا جانە دەنساۋلىق جاعدايىنا بىرلەستىرە وتىرىپ، ياڭ ۋىنفىڭ باعىتتامالى تەرگەۋ جوباسىن جاساپ شىعىپ، ونىڭ پسيحيكالىق قورعانىس شەبىن ءساتتى تۇردە تالقاندايدى ءارى جاۋىنگەر سەرىكتەرىمەن بىرگە دەرەك بويىنشا قۋالاي وتىرىپ، قوعام حاۋىپسىزدىگى مينيسترلىگى اتقارىلۋىن باقىلاپ وتىرعان دەلونى ءساتتى اشىپ، چيچيحار قالاسىنداعى تۇڭعىش ءمولدىر ەسىرتكى مانەرلەيتىن زاۆودتى تالقاندايدى.
ياڭ ۋىنفىڭ قۇربان بولعاننان كەيىن، چيڭميڭ كۇنى نەمەسە ونىڭ تۋعان كۇنى بولعان سايىن، جاۋىنگەر سەرىكتەرى ۋادەلەسىپ قويعانداي - اق ونىڭ قابىرىنا بارىپ، ونىڭ قۇلپىتاسىن ءسۇرتىپ، قابىرىنا ءبىر شوق جايناعان گۇل قويىپ قويادى.
