تيانشان تورى   ›   جاڭالىقتار   ›   ۇلتتىڭ گۇلدەنۋى جولىندا ەرجۇرەك قۇرباندار شەجىرەسى

ۋاڭ ۋىنچىڭ: بار قايراتىن جۇمسادى، جۇمىس ۇستىندە قازا بولدى

  شينحۋا اگەنتتىگىنىڭ حىفيدان بەرگەن حابارى (تىلشىلەر جاڭ زىيۇن، ياڭ ديڭمياۋ). ”تەز بارىپ سۇراشى، سوعىلعان ادامنىڭ جاعدايى قالاي ەكەن؟“، 2014 - جىلى 4 - ايدىڭ 11 - كۇنى تۇندە اۋرۋ توسەگىندە جاتقان ۋاڭ ۋىنچىڭ ەڭ سوڭعى ءبىر اۋىز ءسوزىن قالدىردى. بۇل ونىڭ قىسقا عانا ءومىرىنىڭ ەڭ جاقسى انىقتاماسى − جۇرەگىندە وزگەلەردى ماڭگى ساقتاۋ.

  ۋاڭ ۋىنچىڭ 1973 - جىلى 6 - ايدا دۇنيەگە كەلگەن، كوزى تىرىسىندە انحۇي ولكەسى سۋجوۋ قالالىق قوعام حاۋىپسىزدىگى مەكەمەسى قاتىناس ساقشى تارماق اترەتى جوعارى قارقىندى تاس جول 1 - ۇلكەن اترەتى 2 - ورتا اترەتىنىڭ باستىعى بولعان.

  2014 - جىلى سول كۇنى كەشتە ۋاڭ ۋىنچىڭ ”ءبىر جەڭىل اۆتوكولىك جوعارى قارقىندى تاس جولدى كەسىپ وتكەن ادامدى سوعىپ ۇشىرىپ جىبەردى، ءولى - ءتىرىسى بەلگىسىز“ دەگەن مالىمدەۋ قابىلدايدى.

  ” ادامدى ءبىر مينۋت ەرتە تاپساق، قۇتقارىپ قالۋدىڭ ءۇمىتى دە سونشالىق كوپ بولادى“. ۋاقيعا تۋىلعان جەرگە جەتكەن ۋاڭ ۋىنچىڭ دەرەۋ سول ورىندا ىزدەستىرۋ - قۇتقارۋعا قولباسشىلىق ەتەدى. ءبىرتالاي ابىگەرلەنىپ ءجۇرىپ، اقىرىندا جولدىڭ باتىس جاعىنداعى نەشە ون مەتر جەردەن ءبىر ادامنىڭ سۇلباسىن كورەدى.

  ۋاڭ ۋىنچىڭ حاباردى ەستي سالا جولدىڭ تاعى ءبىر جاعىنان دەرەۋ جەتۋگە اسىعادى. وسى كەزدە ەشكىمنىڭ ويىنا كەلمەگەن جاعداي تۋىلادى، جاڭبىر جاۋىپ جول تايعاق بولعاندىقتان، ۋاڭ ۋىنچىڭ قاشادان اسىپ تۇسكەندە، 7 مەتر بيىك كوپىردىڭ جارىعىنان تايىپ قۇلاپ تۇسەدى، سىنعان قابىرعاسى وكپەسىن تەسىپ كەتىپ، ىشكى قۇرىلىسى اۋىر جارالانعاندىقتان قان كوپ كەتەدى، سوڭىندا قۇتقارۋ ءونىم بەرمەي، ۇكىمەت قىزمەتى ۇستىندە قۇربان بولادى.

  ”سول كەزدە ۋاڭ اترەت باستىعى نەشە ون مەتر جەردى ارتىق ءجۇرىپ اينالىپ كەلۋىنە بولاتىن ەدى، ادامدى قۇتقارۋعا قاتتى اسىقتى عوي“، - دەدى بىرگە اتتانعان ساقشى نيۋ جينگاڭ.

  ۋاڭ ۋىنچىڭدى جەرلەۋ سالتى كۇنى 1000نان استام بۇقارا وزدىكتەرىنەن كەلىپ ونى اتتاندىردى، جول بويى گۇل شەڭبەرىنە تولىپ، ادامدار كوز جاستارىن كولدەتە تۇرىپ، وزگەلەردى قۇتقارۋ جولىندا ءوزىن ارناعان قاھارمانمەن قيماستىقپەن قوشتاستى.

  1992 - جىلى 4 - ايدا قوعام حاۋىپسىزدىگى قىزمەتىنە قاتىناسقاننان بەرى، ۋاڭ ۋىنچىڭ باستان - اياق قاتىناس باسقارۋ قىزمەتىنىڭ ءبىرىنشى شەبىندە كۇرەس جاساپ كەلدى، ۇزاق ۋاقىت تاس جول ۇستىندە كەزەكشىلىك مىندەت وتەۋگە تاباندى بولدى. ءار رەت جاڭبىر، قار جاۋعان، تۇمان تۇسكەن جانە قاتىناستىڭ قاۋىرت مەزگىلىندە، ول ۇنەمى اتويلاپ الدا ءجۇرىپ، ىركىلىسسىزدىككە كەپىلدىك ەتىپ، قاتەردەن اراشالادى. جوعارى قارقىندى تاس جولدا ۋاڭ ۋىنچىڭ قانشاما رەت بۇزىلىپ قالعان اۆتوكولىكتەگى ناۋقاستاردى نەمەسە جۇكتى ايەلدەردى جەدەل شيپاحاناعا جەتكىزگەنى نەمەسە اۆتوكولىكتىڭ قوپارىلىس جاساۋ حاۋپىنە قاراماي، قاتىناس شىرعالاڭى بارىسىنداعى جارالىلاردى حاۋىپسىز جەرگە جەتكىزگەنى كاسىپتەستەرىنىڭ ەسىندە قالماپتى.

  ءار جىلعى جاڭا جىلعا قاراعان ءتۇندى ۋاڭ ۋىنچىڭ تۇگەلدەي كەزەكشىلىك ورنىندا قىزمەت ىستەۋمەن وتكىزەدى. قارت شەشەسىنىڭ جالعىزسىراپ قالماۋى ءۇشىن، ول ۇنەمى تۋىستارىن باس قوسۋعا ورنالاستىرعانىمەن، وعان تەك ءوزى عانا بارا الماي قالۋشى ەدى. ”جاڭا جىلعا قاراعان تۇندە شوفەرلاردىڭ بارلىعى ۇيىنە جەتۋگە اسىعادى، قار جاۋىپ، مۇز قاتقان جولدا شىرعالاڭ وڭاي تۋىلادى، سوندا مەن ۇيدە قالاي الاڭسىز وتىرا الامىن؟“، ۋاڭ ۋىنچىڭ ۇنەمى ايەلىن وسىلاي جۇباتاتىن.

  2015 - جىلى 5 - ايدىڭ 19 - كۇنى ۋاڭ ۋىنچىڭعا قوعام حاۋىپسىزدىگى مينيسترلىگى ”مەملەكەتتىك قوعام حاۋىپسىزدىگى جۇيەسىندەگى 2 - دارەجەلى قاھارمان ۇلگى“ اتاعىن تولىقتاپ بەردى؛ 2015 - جىلى 6 - ايدا قۇربان دەپ تۇراقتاندىردى.

  ”تاڭداۋلى كوممۋنيستىك پارتيا مۇشەسى بۇقارانىڭ قيىنشىلىعىنا بار كۇشىمدى سالدىم دەپ ايتپاۋى كەرەك، قايتا بار كۇشىن جۇمساۋى كەرەك“، وتباسىنداعىلار ۋاڭ ۋىنچىڭنان قالعان زاتتاردى رەتتەگەن كەزدە، ونىڭ «ۇزدىك پارتيالى كادردىڭ 13 ادەتى» دەگەن كىتاپتا وسى ءسوزدى قورشاپ ءارى ارنايى بەس جۇلدىز سىزىپ قويعانىن بايقايدى. بۇل ونىڭ ۇنەمى اۋزىنان تاستامايتىن ءبىر اۋىز ءسوزى ءارى ونىڭ ۇستانعان قاعيداسى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جۇڭگو - ەۆروپا كەزەكشى پويەزى ”عىلىم - تەحنيكانىڭ ۇلگىسىن“ كورسەتتى
  • باياندى تىنىشتىققا ارشىندى قادام تاستادى
  • حوتان - چارقىلىق تەمىر جولىنىڭ چەرچەن اۋدانىنداعى بولىگىنە رەليس توسەلدى
  • كۇزگى جيىن - تەرىن قاربالاستىعى
  • جەمىس - جيدەكتەر تۇتاس سۋىق تىزبەكتى تەمىر جول ارقىلى شينجياڭنان سىرتقا تاسىمالداندى