تيانشان تورى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

7 مۋلىق كوكونىس اتىزى باۋىرلاستىق سۇيىسپەنشىلىككە كۋا بولدى

شينجياڭ گازەتىنىڭ جالپىلىق اقپارات قۇرالدارى ءتىلشىسى جاڭ يانفاڭ، ەرىكتى ءتىلشى شيايدا

  ”ۇيىڭدەگىلەردىڭ حال - جاعدايى جاقسى شىعار، كومەكتەسەتىندەي ءىس بولسا، ايتارسىڭ.“ 7 - ايدىڭ 13 - كۇنى تۇستەن بۇرىن بۇراتالا قالاسى چىندەل قالاشىعى توعۇسىنبۇح شىعىس قىستاعىنىڭ تۇرعىنى ابلات قۇدادەيىم كوكونىس اتىزىنا كەلىپ، ءوزىنىڭ جاقسى اعايىنى ۋاڭ فۋشىڭمەن كەڭەس قۇردى.

  ”جارايدى، جارايدى، قيىنشىلىق بولسا سەنى ىزدەيمىن عوي“، - دەپ ۋاڭ فۋشىڭ كۇلىمسىرەي جاۋاپ قاتىپ.

  كوكونىس اتىزى جاسىل تۇسكە بولەنگەن، جاپ - جاسىل، توق شىققان اسبۇرشاققا تولى ساباق باسى يىلگەن، لازى اتىزىندا جۋان دا ءدانى تولىق كوك لازىلار كۇن نۇرىندا ءتىپتى دە جاپ - جاسىل بولىپ كوزگە شالدىعادى...

  ”مىنا كوكونىستەر پىسقان كەزدە، قايسىسىن جەگىڭ كەلسە كەز كەلگەن ۋاقىتتا كەلىپ ءۇزىپ ال، استە تارتىنبا“، - دەدى ۋاڭ فۋشىڭ ابلاتقا. سول ساتتە، ابلات الدەقاشان ەڭكەيىپ، جەردەگى ارام ءشوپتى وتاي باستاعان ەدى. بۇل كوكونىس اتىزىنا اعايىندى ەكەۋىنىڭ ماڭداي تەرى سىڭگەن، سونداي - اق ولاردىڭ تەرەڭ سۇيىسپەنشىلىگىنىڭ كۋاسى بولاتىن.

  اڭگىمەنى سوناۋ 1993 - جىلدان باستاپ ايتۋعا تۋرا كەلەدى. 24 جاستاعى ۋاڭ فۋشىڭ حىناننان شينجياڭعا اپەكەسىنە قارا تارتىپ پانالاي كەلەدى، كەيىن بۇراتالا قالاسىنا كەلىپ، ۇساق - تۇيەك شارۋا ىستەپ، جەمىس - جيدەك ساتىپ كۇن كورىپ، ءۇپى - ءتاپى تۇرمىس كەشىرەدى.

  ”ۋاڭ فۋشىڭدى العاش كورگەنىم 1997 - جىلى، ول كەزدە ول بازاردا ۇنەمى الما ساتاتىن، مەن ءار رەت الما ساتىپ الۋعا بارعانىمدا، ول ۇنەمى ماعان بىرنەشەۋىن ارتىق بەرىپ، ۇيدەگى بالاڭا بەر دەيتىن، مەن بۇل ازاماتتى ادال جان دەپ سەزىنەتىنمىن“، - دەدى ابلات، ”كەيىن ول جەردى كوتەرمەگە الىپ ماقتا، كوكونىس ەكتى، مەنىڭ ۇيىمدە اۋىل شارۋاشىلىعى ماشيناسى بار بولاتىن، سونىمەن ۇنەمى ونىڭ جەرىنە بارىپ جۇمىس ىستەپ تۇردىق. ول كەزدە وتباسىمىز 5 سيىر باعاتىن، مەن دە ۇنەمى ۋاڭ فۋشىڭنىڭ كوكونىس اتىزىنا بارىپ، ءشوپ ورىپ سيىرلارعا بەرەتىنمىن. ۋاقىت ۇزارا كەلە بارعان سايىن ءوزارا ىشتەسىپ، سۇيىسپەنشىلىگىمىز تەرەڭدەي ءتۇستى“.

  2010 - جىلدىڭ ءبىر كۇنى ابلات كۇندەگىدەي ءشوپ ورۋعا بارعاندا، ۋاڭ فۋشىڭنىڭ كوڭىلسىز ەكەندىگىن بايقايدى.

  ”مەن كوتەرمەگە العان 12 مۋلىق كوكونىس اتىزىنىڭ مەرزىمى تولدى، بۇدان بىلاي قايتەمىن؟“، - دەيدى ۋاڭ فۋشىڭ كوڭىلسىزدەنە.

  ”اعايىن، مەنىڭ ۇيىمدە 7 مۋ جەر بار، الىسسىنباساڭ، سوندا بارىپ ەكسەڭ بولدى، جەڭبەيتىن قيىنشىلىق جوق“، - دەپ ابلات ۋاڭ فۋشىڭنىڭ يىعىنان قاعادى.

  باستاپتا اعايىندى ەكەۋى اقىلداسىپ، ءبىر مۋ جەردىڭ كوتەرمەگە الۋ اقىسى 350 يۋان دەسەدى، الايدا كەيىن ابلات بۇل ويدان قايتىپ، 7 مۋ جەردى ۋاڭ فۋشىڭنىڭ تەگىن ەگۋىنە بەرۋگە بەكيدى. وسىلايشا، 2011 - جىلدان كۇنى بۇگىنگە دەيىن ۋاڭ فۋشىڭ باستان - اياق ابلاتتىڭ 7 مۋ جەرىندە تەگىن كوكونىس ەگىپ كەلەدى.

  ”وتباسىڭدا ۇلكەن - كىشى بار، ءبىر ءۇيلى جاننىڭ بۇل ارادا ارقا سۇيەر ەشكىمى جوق، ماعان قاراعاندا قيىنشىلىعىڭ كوبىرەك، ءبارىمىز جاقسى اعايىنبىز، قولىمنان كەلگەنىنشە كومەكتەسەمىن“، - دەدى ابلات. بۇل عانا ەمەس، ۋاڭ فۋشىڭنىڭ ءۇيىنىڭ الىستىعىن، ەگىن ەگۋ كەزىندە ارلى - بەرلى شاپقىلاۋدىڭ قولايسىزدىعىن ويلاعان ابلات اقشا شىعارىپ، كۇش - قۋاتىن جۇمساپ، ۋاڭ فۋشىڭنىڭ كوكونىس اتىزىنىڭ قاسىنان ءبىرءۇي سالۋىنا، قۇدىق قازۋىنا كومەكتەسىپ، ونىڭ ءوندىرىسى مەن تۇرمىسىنا قولايلىلىق تۋدىرادى.

  ”بۇل 7 مۋ جەر وتباسىما تۇراقتى كىرىس قاينارىن اپەردى“، - دەدى ۋاڭ فۋشىڭ. جۇرەگى العىسقا تولعان ول ىرىقتىلىقپەن ابلاتتىڭ ءۇيىنىڭ بىرنەشە سيىرىن باعىپ، ۋاعىندا سۋارىپ، جەمدەپ تۇرادى.

  بىرنەشە جىلدىڭ الدىندا ابلاتتىڭ ءۇيى كوشىرىلىپ، ءۇي ىشىمەن بۇراتالا قالاسىنا بارىپ قونىستانادى، ەرلى - زايىپتى ەكەۋى قالا اۋماعىنان جۇمىس تابادى. ارالىق الىستاعانىمەن، الايدا ەكى ءۇي اراسىنداعى بارىس - كەلىسكە ىقپالى تيمەدى. ابلات قولى بوساي قالسا بولعانى ۋاڭ فۋشىڭدى ىزدەپ بارىپ، اعايىندى ەكەۋى اتىزدا ءشوپ وتاپ، كوكونىس ءۇزىپ، اڭگىمە دۇكەنىن قۇرادى. ادەتتە ابلاتتىڭ ۇيىندە ءدامدى تاماق جاسالسا، ۋاڭ فۋشىڭنىڭ ۇيىندەگىلەردى شاقىرىپ الادى. ءار جىلى مەرەكە - مەيرامدا ۋاڭ فۋشىڭ دا ابلاتتىڭ بالاسىنا حۇڭباۋ ۇسىنادى، بۇكپەسىز ارالاسقان ەكى ءۇيدىڭ قاتىناسى بارعان سايىن قويۋلاسىپ، ءبىر ءۇيلى جاندارداي بولىپ كەتەدى.

  ”بىزدە بىرەر ءىس بولا قالسا، ابلات ەڭ الدىمەن كومەككە كەلەدى، اۋىل شارۋاشىلىعى ماشينامىز بۇزىلسا جوندەپ بەرەدى، تيتتەي قولى بوساي قالسا بولعانى، كەلىپ ءشوپ وتاسادى، ەگىس جۇمىسى قاۋىرت كەزدە، ول تاعى جۇمىس باسىنا تاماق اكەلەدى، قۇددى مەنىڭ تۋعان باۋىرىمداي“، - دەدى ۋاڭ فۋشىڭ.

  قازىر قىستاقتاعى جەردىڭ ءار مۋىنىڭ جىلدىق كوتەرمەگە الۋ اقىسى 600 يۋانعا دەيىن كوتەرىلگەنىمەن، ءبىراق ابلات ءالى دە جەردى ۋاڭ فۋشىڭنىڭ تەگىن ەگۋىنە بەرىپ كەلەدى. ”ءبىز ەكەۋىمىز ءبىر جىل، ءبىر ايدىڭ ءتولىمىز، بۇيرىقشا كەزدەسىپپىز، بۇدان كەيىن دە مەن ۋاڭ فۋشىڭ ەگىن سالعىسى كەلمەگەنگە دەيىن جەردى وعان تەگىن ەگۋگە بەرەمىن، وسىناۋ باۋىرلاستىق سۇيىسپەنشىلىكتەن ماڭىزدى ەشتەڭە جوق“، - دەدى ابلات.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جۇڭگو - ەۆروپا كەزەكشى پويەزى ”عىلىم - تەحنيكانىڭ ۇلگىسىن“ كورسەتتى
  • باياندى تىنىشتىققا ارشىندى قادام تاستادى
  • حوتان - چارقىلىق تەمىر جولىنىڭ چەرچەن اۋدانىنداعى بولىگىنە رەليس توسەلدى
  • كۇزگى جيىن - تەرىن قاربالاستىعى
  • جەمىس - جيدەكتەر تۇتاس سۋىق تىزبەكتى تەمىر جول ارقىلى شينجياڭنان سىرتقا تاسىمالداندى