تيانشان تورى   ›   جاڭالىقتار   ›   ۇلتتىڭ گۇلدەنۋى جولىندا ەرجۇرەك قۇرباندار شەجىرەسى

زوۋ بيحۋا: ۇجداندى سۋديا بولامىن

زوۋ بيحۋانىڭ سۋرەتى.

شينحۋا اگەنتتىگى تاراتقان

  شينحۋا اگەنتتىگىنىڭ شاڭحايدان بەرگەن حابارى (ءتىلشى حۋاڭ انچي). ”زاڭ − ءادىل دە ادىلەتتى، زاڭنىڭ رۋحىمەن ماسەلەلەردى شەشىپ، بۇقاراعا قىزمەت وتەيمىن“، زوۋ بيحۋا كەزىندە وسىلاي دەدى. سوناۋ جىلداردا ول شاڭحاي قالالىق جوعارى حالىق سوتى مەكەمەسىنە قىزمەتكە قابىلدانعاندىعىن ەستىگەندە، تەبىرەنگەنىنەن شەشەسىنە تەلەفون شالىپ ءشۇيىنشى سۇراعاندا، شەشەسى وعان: ” ءسوز جوق ۇجداندى سۋديا بول“ دەپ ەسكەرتەدى. بۇل زوۋ بيحۋانىڭ ومىرلىك ۇستانىمىنا اينالدى.

  زوۋ بيحۋا، ەر، حانزۋ، 1967 - جىلى 1 - ايدا دۇنيەگە كەلگەن، 1999 - جىلى 5 - ايدا پارتياعا مۇشە بولعان. شاڭحاي قالالىق جوعارى حالىق سوتى مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى بولعان. 2014 - جىلى 12 - ايدىڭ 10 - كۇنى زوۋ بيحۋا جولداس قىزمەت ۇستىندە شۇعىل جۇرەك ناۋقاسى قوزعالىپ، قۇتقارۋ ءونىم بەرمەي جۇمىس ۇستىندە نەبارى 47 جاسىندا قازا بولدى.

  زوۋ بيحۋا شاڭحاي قالاسى چاڭنيڭ رايونى حالىق سوتى مەكەمەسىندە 4 جىل مەكەمە باستىعى بولادى، وسى ارالىقتا ول ءبىر قىدىرۋ ناقتى رەفورمالاردى جۇرگىزىپ، كۇردەلى دەلولاردى قاراپ تەكسەرەدى.

  2009 - جىلى 5 - ايدا ەندى عانا 5 جاسقا شىققان، اق قان اۋرۋىنا شالدىققان ءبىر بالانى اكە - شەشەسى تاستاپ كەتەدى. اتا - اجەسىنىڭ جەتەگىندە، ول شاڭحاي قالاسى چاڭنيڭ رايونى حالىق سوتى مەكەمەسى دەلو تۇرعىزۋ زالىنا كەلىپ، ءوزىنىڭ تۋعان اكە - شەشەسىنىڭ ۇستىنەن ارىز بەرىپ، باعىم اقىسىن تالاپ ەتەدى، چاڭنيڭ رايونى سوت مەكەمەسىندە سول كەزدە پايدالانۋعا بولاتىن بۇل تارىزدەس دەلو بولماعان ەدى. زوۋ بيحۋا بۇل ىستەن حابار تاپقان سوڭ، بۇعان قالايدا دەلو تۇرعىزۋ كەرەك، - دەيدى. اقىرى بالانىڭ اكەسى ءوز اتىنداعى ءۇي مۇلكىن بالاعا اۋرۋ ەمدەتەتىن ءدارى - دارمەك اقىسى رەتىندە وتكىزىپ بەرەدى، بالا قايسارلىقپەن ءتىرى قالادى.

  ارىز - ارمان دەلولارىنىڭ كوپ بولۋ جاعدايىنا مەڭزەس، زوۋ بيحۋا قىزمەت ريتىمىن جەدەلدەتۋدى تالاپ ەتتى. ول ءوزى جەتەكشى بولا وتىرىپ ارىز - ارمان شاعىمدارىن باقىلاۋ - مەڭگەرۋ جۇيەسىن جاساپ، حات - قاعازبەن جىبەرىلگەن نەمەسە ءوزى كەلىپ ايتقان ارىز - ارمان ىستەرىن قابىلداۋدى قاعاز جۇزىنەن ينتەرنەتتىك تاسىلگە كوشىردى، ينفورماتسيانىڭ كوزگە كورىنەرلىك تاسىلگە اۋىسۋى بۇرىنعى ارىز - ارمان حات - قاعازدارىنىڭ قۇمعا سىڭگەن سۋداي جوق بولىپ كەتۋ جاعدايىنان ساقتاندى.

  اناعۇرلىم جاقسى سۋديا بولۋ ءۇشىن، زوۋ بيحۋا زاڭ كاسىبىن تاباندىلىقپەن ۇيرەنىپ، دەن قويا زەرتتەۋ جۇرگىزدى. وزەكتى باسىلىمداردا 20دان استام عىلمي ماقالا جاريالاۋدىڭ سىرتىندا، ول «سەرىكتەستىك زاڭىنداعى ءدۇدامال، قيىن ماسەلەلەرگە تالداۋ»، «جۇڭگو سۋديا كومەكشىلەرى ءتۇزىمى رەفورماسىنا زەرتتەۋ»، «سوت ۇستىندەگى پسيحولوگيا» سياقتى 10 نەشە ەڭبەكتى قۇراستىرۋعا جاۋاپتى بولدى نەمەسە جازىپ شىقتى. مۇنىڭ ىشىندە «ماڭىزدى دەلولار سوتىنداعى 9 قادامدىق ءادىس» زاڭ سالاسىندا ۇلكەن ءدۇمپۋ قوزعاپ، ۇدايى 2 جىل زاڭ باسپالارىنىڭ ءوتىمدى كىتابى بولدى. ءبىرىنشى شەپتەگى كوپتەگەن سۋديالار بۇل كىتاپتى ”لوگيكاسى ايقىن، وي جەلىسى مىعىم، سوت كەزىندە قاراپ پايدالانۋعا بولادى، بۇل دەلو ءبىتىرۋ ونىمدىلىگىن ايتارلىقتاي جوعارىلاتتى“ دەپ باعالادى. تاعى بىرەۋلەر ءتىپتى ماڭىزدى دەلولار سوتىنداعى 9 قادامدىق ءادىس ”سوت ۇستىندەگى الداسپان“ دەپ ازىلدەدى.

  2014 - جىلى 7 - ايدا شاڭحاي بۇكىل مەملەكەت بويىنشا ەڭ الدىمەن ءادىليا ءتۇزىلىسى رەفورماسىن تۇيىندە سىناق ەتۋدىڭ شىمىلدىعىن اشتى. سول كەزدە، شاڭحاي قالالىق جوعارى حالىق سوتى مەكەمەسى ءادىليا ءتۇزىلىسى رەفورما كەڭسەسىنىڭ مەڭگەرۋشىسى مىندەتىندەگى زوۋ بيحۋا شاڭحاي سوت مەكەمەسى ءادىليا ءتۇزىلىسى رەفورما جوباسىن دايىنداۋشى نەگىزگى ادامداردىڭ ءبىرى بولدى. زوۋ بيحۋا نەگىزىن سالعان دەلولار سالماق كوەففيتسەنت نازارياسى عىلمي ساراپتاۋ جۇيەسىن ونان ارى اقاۋسىزداندىردى.

  زوۋ بيحۋا ”جاستار مەن جۋاس ادامداردىڭ زيان تارتۋىنا جول بەرمەۋ“ پرينسيبىنە تاباندى بولدى. ”ارناۋلى شتاتتى قىزمەتكەر ءتۇزىمىن اتقارۋ بارىسىندا ’ءبىر شىبىقپەن ايداۋدان‘ ساقتانۋ قاجەت، وڭاي، قولايلى بولسىن دەپ، جاس سۋديالاردى باسىنباۋ كەرەك، كومەكشى سوتشىنى ءدال قىزمەت ورنىندا سۋديا كومەكشىسىنە اينالدىرۋ كەرەك، ءسوز جوق، ءبىر عىلمي باعالاۋ ولشەمى بولۋ، سوت قىزمەتىن شىن مانىندە اتقارا الاتىن ۇزدىك سۋديالاردىڭ ارناۋلى قىزمەتكەر شتاتىنا كىرۋىنە مۇمكىندىك جاساۋ قاجەت“ دەگەن ەدى زوۋ بيحۋا.

  ۇزبەي شايقاس جاساپ قالجىراۋدان زوۋ بيحۋا ناۋقاسقا شالدىقتى. 2014 - جىلى 12 - ايدىڭ 10 - كۇنى زوۋ بيحۋانىڭ جۇرەك ناۋقاسى شۇعىل قوزعالىپ، 47 جاسىندا ومىردەن وزدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.