شينحۋا اگەنتتىگىنىڭ ۇرىمجىدەن بەرگەن حابارى (ليۋ شين، ۋاڭ گويىن). تاكلاماكان ءشولىنىڭ وڭتۇستىك جيەگىن كۇزەتىپ جاتقان قارۋلى ساقشى شينجياڭ باس اترەتى جىلجىمالى 7 - بولىمشە اترەتى بەلگىلى ورتا اترەتى اسكەرلەر تۇراعىنىڭ الدىندا ”يىڭچاۋ ورمانى“ دەپ اتالعان جىڭعىل ورمانى بار، بۇل ورتا اترەتتەگى كوماندير - جاۋىنگەرلەردىڭ مىندەت وتەگەن كۇزەت ورنىندا قۇربان بولعان جاۋىنگەر سەرىگى لي يىڭچاۋدى ەسكە ءتۇسىرۋ ءۇشىن ارنايى وسىرگەن ورمانى ەدى...
لي يىڭچاۋ، حۋناننىڭ يۇڭجوۋىنان، 1992 - جىلى دۇنيەگە كەلگەن، 2012 - جىلى 12 - ايدا ارمياعا قاتىناسقان، حىبەيدىڭ باۋديڭ قارۋلى ساقشى بەلگىلى بولىمىندە اسكەرلىك مىندەت وتەگەن.
ارمياعا قاتىناسقانىنا كوپ ۇزاماي، ول تۇرعان اسكەري ءبولىم بۇيرىق بويىنشا شيزاڭعا بارىپ مىندەت اتقارادى. ەكىنشى جىلى اسكەري ءبولىمنىڭ شينجياڭداعى ءمالىم ورىنعا بارىپ مىندەت اتقارۋىنا تۋرا كەلەدى، لي يىڭچاۋ ىرىقتىلىقپەن ءوتىنىش ەتەدى.
2013 - جىلى 8 - ايدا ورتا اترەت جوعارى جاق ۇيىمداستىرعان تاۋلى وڭىردە شابۋىل جاساۋ شايقاسى ساباعى كورسەتپەلى جاتتىعۋ مىندەتىن ۇستىنە الادى. تاۋ قۇلاما قۇز، بۇتا - بۇرگەن قاۋلاپ وسكەن ەدى، 3 پاي تۇرلىشە جاقتان الما - كەزەك قورعاپ، وراعىتىپ العا ىلگەرىلەيدى. لي يىڭچاۋ توسىننان شىرماۋىققا شالىنىپ جىعىلىپ، ۇشكىر تاس ونىڭ اياعىن ءتىلىپ جاراقاتتايدى، ول قاتتى اۋىرعانىنا شىداي وتىرىپ شەپتەن كەتپەي، تاباندىلىقپەن مىندەتتى ورىندايدى.
2014 - جىلى 7 - ايدىڭ 25 - كۇنى تاڭ سارىدە ۇلكەن جولاۋشىلار اۆتوبۋزى قاراۋىل تۇيىنىندە كەزەكتى تەكسەرۋدەن وتەدى. لي يىڭچاۋ ءبىر ەركەكتىڭ بۇقپانتايلاپ تۇرعاندىعىن بايقاپ، باسقا جاۋىنگەر سەرىكتەرىنە ءۇن شىعارماي قورشاپ الۋعا يشارات بەرەدى. توسىننان لي يىڭچاۋ اتىلىپ بارىپ، ساقشى تاياعىمەن قارسى جاقتى ۇرىپ جىعادى. تەكسەرۋ ارقىلى بۇل ادامنىڭ ينتەرنەتتە قۋعىن سالىنعان قاشىپ جۇرگەن ادام ەكەندىگى انىقتالادى، ول ارت جاعىنا ءبىر وتكىر پىشاق جاسىرىپ العان بولاتىن. ەگەر دە لي يىڭچاۋ دەر كەزىندە بايقاماعان بولسا، زاردابىن تۇسپالداۋ قيىن ەدى. مىندەت اتقارعان 2 جىلعا تاياۋ ۋاقىتتا لي يىڭچاۋ حالىق ساقشىلارىنا كومەكتەسىپ، 26 رەتكى قارۋلى توبەلەستى تەجەپ، 10 قىلمىس كۇماندىسىن تۇتقىنداپ، تالاي رەت ”مىندەت اتقارۋ شەبەرى“ بولىپ باعالانادى.
2014 - جىلى 8 - ايدىڭ 29 - كۇنى حوتان قالاسى ”قاس تاسى مادەنيەت مەرەكەسىن“ وتكىزىپ، ەرەكشە دۋمانعا بولەنەدى. لي يىڭچاۋ باسقا 4 جاڭا اسكەرمەن كوشەنى كۇزەتەدى. توسىننان جارىلىس ءۇنى قاشىقتان ەستىلەدى. ول شۇعىل جاعدايعا توتەپ بەرۋ گرۋپپاسىن باستاپ قوشقىل ءتۇتىن شىققان جەرگە تىزگىن ۇشىمەن اتتانادى، ءاسىلى ءبىر كوفەحانانىڭ گاز ترۋباسىندا جارىلىس تۋىلىپتى. لي يىڭچاۋ مەن جاۋىنگەر سەرىكتەرى اتويلاپ العا ۇمتىلىپ، ءبىر جاعىنان، بۇقارانى بىتىراتسا، ءبىر جاعىنان، جارالىلاردى جوتكەيدى.
2014 - جىلى 9 - ايدا لي يىڭچاۋ تۇرعان اسكەري ءبولىم ۋاقىتتىق مىندەت رەتتەۋ سەبەپتى جۇمىس مىندەتى كوبەيەدى. لي يىڭچاۋ ىرىقتىلىقپەن شايقاسقا قاتىناسۋدى وتىنەدى، ءار كۇنگى مىندەت اتقارۋ ۋاقىتى 12 ساعاتقا جەتەدى. 9 - ايدىڭ 8 - كۇنى جۇڭچيۋ مەرەكەسى تۇنىندە لي يىڭچاۋ مىندەت اتقارىپ جاتقان كەزدە جۇرەك قاينارىندىق جۇرەك اۋرۋى توسىن قوزعالىپ، قاراۋىل ورنىندا باقىتقا قارسى قۇربان بولادى، سول جىلى نەبارى 22 جاستا ەدى.
”يىڭچاۋدىڭ كوزى جۇمىلعانىمەن، الايدا ول ماڭگى بىزبەن بىرگە كۇرەس جۇرگىزۋدە“. لي يىڭچاۋ قۇربان بولعاننان كەيىن، ول تۇرعان اسكەري ءبولىم ءتۇرلى تاسىلدەر ارقىلى قاھارماندار رۋحىن ۇيرەنىپ، اسقاقتاتىپ، قاھارمان - قۇربانداردىڭ مۇراتىن جالعاستىردى، ساۋلەلەندىردى.
