شينجياڭ گازەتىنىڭ جالپىلىق اقپارات قۇرالدارى ءتىلشىسى شى شين، پراكتيكانت جياڭ يياۋ 7 - ايدىڭ 16 - كۇنى ۇرىمجىدەن حابارلايدى. ”بيىل كيەلى ەرمەن سياقتى جۇڭگوشا ءدارى شوپتەردىڭ ءوسۋى جاقسى، قازىر ەگىمشىلىك بازاسىنىڭ كولەمى 3500 مۋعا جەتىپ، جۇڭگوشا ءشوپ ءدارى ماتەريالدارىنىڭ كولەمدەنە دامۋىن جۇزەگە اسىرىپ قالماستان، توڭىرەكتەگى شارۋالاردىڭ كىرىسىنىڭ ارتۋىن جەبەدى“، - دەدى 7 - ايدىڭ 16 - كۇنى شينجياڭ لۇيجىكاڭ اۋىل شارۋاشىلىعى عىلىم - تەحنيكاسى شەكتى سەرىكتەستىگى فۋكاڭ بولىمشە سەرىكتەستىگىنىڭ جاۋاپتىسى ساۋ يىنلۋ.
فۋكاڭ قالاسى شينجياڭ جۇڭگوشا ءشوپ ءدارى شارۋاشىلىعىن دامىتۋ جاعدايىندا ءتۇيىندى ورنالاستىرۋ باسىمدىعى بار وڭىرلەردىڭ ءبىرى. شينجياڭنىڭ كۇن نۇرى، جىلۋ بايلىعى مول، كليمات ءتۇرى كۇردەلى، كۇندىز بەن ءتۇننىڭ تەمپەراتۋرا پارقى زور، جەرگىلىكتى ونىمدەردىڭ بايلىق ابزالدىلىعىن ساۋلەلەندىرۋگە ءتيىمدى، كوپ ءتۇرلى جۇڭگوشا ءدارى - دارمەك ماتەريالدارى تۇقىمىن ەنگىزۋگە جانە ەگۋگە ۇيلەسەدى، جۇڭگوشا ءدارى - دارمەك ماتەريالدارى بايلىعى مول، ساپاسى تاڭداۋلى، كوپتەگەن جۇڭگوشا ءدارى - دارمەك ماتەريالدارىنىڭ اتى ەل ءىشى - سىرتىنا ايگىلى.
اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى ءدارى ءشوپ ەگىمشىلىگى باسقارماسىنىڭ جاۋاپتىسى بىلاي دەپ تانىستىردى: شينجياڭنىڭ جۇڭگوشا ءدارى - دارمەك ەگىمشىلىگى سورتى، باستىسى، سەكپىل گۇل، اق تاسپا، ەتتى سۇڭعىلا، قىزىل ميا، بانلانگىن، ۇشقات، ت. ب. مۇنىڭ ىشىندە ىلە قازاق اۆتونوميالى وبلىسىندا وندىرىلەتىن ىلە سەكپىل گۇلى سىچۋان سەكپىل گۇلىمەن، جىجياڭ سەكپىل گۇلىمەن اتى قاتار اتالاتىن باعالى جۇڭگوشا ءدارى - دارمەك ماتەريالى؛ اق تاسپانىڭ ساپاسى مەن ءونىمدى قۇرامىنىڭ مولشەرى ىشكى وڭىرلەردە وندىرىلەتىن جەرلەردەگى ۇقساس سورتتىڭ 2 − 4 ەسەسىنەن اسادى.
«شينجياڭ ۇيعۇر اۆتونوميالى رايونىنىڭ ابزال اۋىل شارۋاشىلىعى ونىمدەرى وڭىرلەرىنىڭ ورنالاستىرىلۋ جوباسى (2025 − 2020 - جىلى)» بويىنشا، جۇڭگوشا ءشوپ دارىلەر ىلە وزەنى اڭعارىنداعى، قۇلىستاي ويپاتىنداعى، جوڭعار ويپاتىنىڭ وڭتۇستىك، سولتۇستىك جيەگىندەگى، تۇرپان ويپاتىنداعى، تارىم ويپاتىنداعى 8 ايماق، وبلىس، قالانىڭ 30 اۋدان، قالا، رايونىنا ءتۇيىندى ورنالاسقان. باستىسى، اۋىل شارۋاشىلىعىنداعى باستاماشى كاسىپورىندارعا ارقا سۇيەپ، تاپسىرىستىق جاساندى ەگىمشىلىك كولەمىن ۇلعايتىپ، ولشەمدەنگەن، كولەمدەنگەن ءوندىرىستى جالپىلاستىرىپ، كاسىپ سالاسىنىڭ دامۋ تىزبەگىن ۇزارتىپ، ونىمدەردىڭ قوسىمشا قۇنىن جوعارىلاتىپ، مانەرلەۋ، كادەگە جاراتۋ قابىلەتىن جوعارىلاتادى.
شينجياڭ يىندولان ۇيعۇر دارىگەرلىگى جارنا شەكتى سەرىكتەستىگى شينجياڭداعى ءدارى - دارمەك ماتەريالدارى ەگىمشىلىك بازاسى وزىندە بار، كەمەلدى كاسىپ تىزبەگىن قالىپتاستىرعان ۇلتتىق ءدارى - دارمەك جاسايتىن تۇڭعىش ءدارى - دارمەك سەرىكتەستىگى، سونداي - اق بۇكىل ەلگە باعىتتالعان ءدارى - دارمەك ماتەريالدارى ەگىمشىلىگى ۇلگى كورسەتەتىن تەرەزەگە اينالدى. يىندولاننىڭ القا باستىعى لي جۇن مىنالاردى ءبىلدىردى: شينجياڭنىڭ جۇڭگوشا ءشوپ دارىلەرى قامباسى تەرەڭدەي ۇڭىلۋگە تاتيدى، ءدارى - دارمەك جاساۋ كاسىپورىندارى مەملەكەتتىڭ دامۋ قادامىنا ءجىتى ىلەسىپ، دامۋ ورايىن مىقتاپ ۇستاپ، جۇڭگوشا ءدارى - دارمەك ۇلتتىق ءدارى - دارمەك شارۋاشىلىعىن وسىزامانداندىرۋدى جاڭالىق اشا ىلگەرىلەتۋى كەرەك. جاقىنعى 3 جىلدا يىندولاننىڭ زەرتتەپ اشۋعا جالپى قوسقان ۇسىنىلىمىنىڭ جىلدىق ساتۋ كىرىسىنەن ۇستايتىن سالىستىرماسى ％8تىڭ ۇستىندە. قازىر يىندولان زەرتتەپ اشىپ جاتقان ۇلتتىق ءدارى - دارمەك ونىمدەرى بەسەۋ، ۇلتتىق ءدارى - دارمەكتىڭ جاڭا ءدارىسى ”بيناپۋشي تۇيىرشىگى“ III مەرزىمدىك كلينيكادا ىسكە قوسىلسا، قوسپالى كيەلى ەرمەن تۇيىرشىگىنە جاڭادان قوسىلعان بالالار شوعىرى نىسانى اۆتونوميالى رايوننىڭ بالالارعا ارنالعان ءدارى - دارمەكتەردى كلينيكادا زەرتتەۋ ەلەۋلى ارناۋلى نىسانىنا ەنگىزىلدى.
2019 - جىلى بۇكىل رايوندا جۇڭگوشا ءدارى شوپتەردى ەگۋ اۋدانى 490 مىڭ 600 مۋعا، ءونىم مولشەرى 355 مىڭ تونناعا جەتتى. « جوبادا» مىنالار العا قويىلدى: 2022 - جىلعا جەتكەندە، بۇكىل رايوندا جۇڭگوشا ءدارى شوپتەردى جاساندى ەگۋ اۋدانى 450 − 550 مىڭ مۋعا جەتەدى. 2025 - جىلعا جەتكەندە، بۇكىل رايوندا جۇڭگوشا ءدارى شوپتەردى جاساندى ەگۋ اۋدانى 500 − 600 مىڭ مۋعا جەتەدى.
