چىن چۋانگو، ليۋ جيا - ي، شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ قيمىلعا قاتىناستى
شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، جاڭ يۇنمەي، ۋاڭ شيڭرۇي 7 - ايدىڭ 16 - كۇنى ۇرىمجىدەن حابارلايدى. 7 - ايدىڭ 14 - كۇنىنەن 16 - كۇنىنە دەيىن، شاندۇڭ ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى ليۋ جيا - ي شاندۇڭ ولكەسىنىڭ پارتيا، ۇكىمەت ۋاكىلدەر ۇيىرمەسىن باستاپ شينجياڭعا كەلىپ، باعىتتامالى كومەكتەسۋ قىزمەتىن تەكسەردى. اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى ۋاڭ جۇنجىڭ قاتارلىلار قيمىلعا قاتىناستى.
شينجياڭداعى كەزىندە، شاندۇڭ ولكەسىنىڭ پارتيا، ۇكىمەت ۋاكىلدەر ۇيىرمەسى قاشقار ايماعىنىڭ ماكىت اۋدانى، يوپۇرعا اۋدانى، قاشقار ەكونوميكالىق اشۋ رايونى جانە بيڭتۋان 12 - شىسىنىڭ 104 - تۋانى، توۋتۇنحى ەگىس الاڭى سياقتى جەرلەرگە بارىپ، كاسىپورىنداردى، شيپاحانالاردى، مەكتەپتەردى، الەۋمەتتىك اۋماقتاردى، اۋىل - قىستاقتاردى ارالاپ، شينجياڭعا باعىتتامالى كومەكتەسۋ نىساندارىن تەكسەردى، كەدەي بۇقارانىڭ احۋالىن ۇعىسىپ، ولاردان حال سۇرادى، شينجياڭعا كومەكتەسۋشى كادر - دارىندىلارعا امانداسىپ، ولاردان حال سۇرادى، لۋكا ايگىلى، ساپالى ەرەكشە ونىمدەر كورمەسى قىزمەت وتەۋ ورتالىعىنىڭ جۇمىس باستاۋ سالتىنا قاتىناستى.
7 - ايدىڭ 16 - كۇنى تۇستەن بۇرىن شاندۇڭ ولكەسى · شينجياڭ ۇيعۇر اۆتونوميالى رايونى جانە شينجياڭ ءوندىرىس - قۇرىلىس بيڭتۋانى باعىتتامالى كومەكتەسۋ قىزمەتى اڭگىمە ءماجىلىسى ۇرىمجىدە اشىلدى. چىن چۋانگو اۆتونوميالى رايوندىق پارتكوم مەن ۇكىمەت، سونداي - اق بۇكىل رايونداعى ءار ۇلت حالقى اتىنان شاندۇڭ ولكەسىنىڭ ۇزاق ۋاقىتتان بەرى شينجياڭعا كورسەتكەن زور قولداۋى مەن قالتقىسىز كومەگىنە شىن جۇرەكتەن العىس ايتتى. چىن چۋانگو بىلاي دەدى: شاندۇڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ شاندۇڭ قىزمەتى جونىندەگى ماڭىزدى نۇسقاۋلارىن، تالاپتارىن جاپپاي دايەكتىلەندىرىپ، تياناقتاندىرىپ، ستراتەگيالىق ورايدى مىقتى يگەرىپ، ەسكىنى جاڭعىرتىپ، تۇگەلدەي جاڭالاۋعا، مويىماس رۋح پەن قايسار جىگەرگە تاباندى بولىپ، باتىلدىقپەن تىڭ جول اشۋ ءداستۇرىن ساۋلەلەندىرىپ، جوعارى ساپالى دامۋ جولىمەن جۇرۋدە قايراتتانا نىق قادام تاستادى. ءبىز مۇنى شىن جۇرەكتەن قۇتتىقتايمىز.
چىن چۋانگو مىنالاردى ءبىلدىردى: شاندۇڭ ولكەلىك پارتكوم مەن ولكەلىك ۇكىمەت شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل تياناقتاندىرىپ، شينجياڭعا كومەكتەسۋ قىزمەتىن باستان - اياق ماڭىزدى ورىنعا قويىپ، شينجياڭعا جاپپاي كومەكتەسۋگە، شينجياڭعا دالمە - ءدال كومەكتەسۋگە، شينجياڭعا ۇزاق ۋاقىت كومەكتەسۋگە تاباندى بولىپ، نازاردى دارىندى، كاسىپ سالاسى، مادەنيەت سياقتى سالالارعا شوعىرلاندىرىپ، ”ۇيىرمە ۇيىمداستىرۋ ۇلگىسىندەگى، جالپى تىزبەكتى، جالپى بارىستىق“ كومەكتەسۋ - سۇيەمەلدەۋدى كورنەكتىلەندىرىپ، باعىتتامالى كومەكتەسۋ قىزمەتىنىڭ جان - جاقتى، كوپ جىكتى، كەڭ سالالى ارناسىن قالىپتاستىرىپ، قاشقار ايماعى مەن بيڭتۋان 12 - شىسىنىڭ جاراسىمدىلىعىن، ورنىقتىلىعىن، كەدەيلىكتەن ارىلتۋدان قامال الۋىن، حالىق تۇرمىسىن جاقسارتۋىن، ەكونوميكالىق دامۋىن، ۇلتتار ىنتىماعىن پارمەندى جەبەپ، شينجياڭعا باعىتتامالى كومەكتەسۋدىڭ ساياسي، ەكونوميكالىق جانە قوعامدىق ونىمدىلىگىن ەڭ جوعارى شەكتە زورايتتى. شينجياڭداعى ءار ۇلت حالقى شىن جۇرەكتەن العىس ايتادى. شينجياڭ ونان ارى ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ىشكەرىلەي دايەكتىلەندىرىپ، تياناقتاندىرىپ، شاندۇڭنىڭ جاقسى تاجىريبەلەرىن، جاقسى ادىستەرىن مۇقيات ۇيرەنىپ، ۇلگى ەتىپ، تۇلعالىق رولىن ساۋلەلەندىرىپ، ۇشتاسۋدى، تياناقتاندىرۋدى كۇشەيتىپ، ناقتى سەلبەستىكتى ىلگەرىلەتىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن ۇزدىكسىز جوعارىلاتادى، ىندەتتەن ساقتانۋ - تىزگىندەۋدى ۇدايىلاندىرۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شىنايى قامقورلىعىن، شاندۇڭ حالقىنىڭ قالتقىسىز كومەگىن، شينجياڭعا باعىتتامالى كومەكتەسۋدىڭ ەرەكشە باسىمدىعىن شىن مانىندە شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋدىڭ ناقتى امالياتىنا اينالدىرىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزىپ، جاپپاي دوڭگەلەك داۋلەتتى قوعام ورناتادى.
ليۋ جيا - ي سوزىندە بىلاي دەدى: وسى جولى شينجياڭعا تەكسەرۋگە، ۇيرەنۋگە كەلگەنىمىزدە باس شۋجي شي جينپيڭنىڭ شينجياڭ قىزمەتى، بيڭتۋان قىزمەتى جونىندەگى ماڭىزدى نۇسقاۋلارىنىڭ، تالاپتارىنىڭ ىشكەرىلەي دايەكتىلەندىرىلگەندىگىن، شينجياڭداعى ءار ۇلت بۇقاراسىنىڭ بارعان سايىن باقىتتى تۇرمىس كەشىرگەنىن، ورنىقتىلىق كەلەلى جاعدايىنىڭ بارعان سايىن نىعايا تۇسكەنىن، دامۋ اۋقىمىنىڭ بارعان سايىن جاقسارعانىن، پارتيالى كادرلاردىڭ رۋحاني كۇيىنىڭ اسقاقتاي تۇسكەنىن شىنايى سەزىنىپ، ەرەكشە سۇيىندىك، بۇل جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ تەڭدەسسىز دانىشپاندىق ءارى دۇرىس ەكەنىن تولىق دالەلدەدى. سوڭعى جىلدارى شاندۇڭ باس شۋجي شي جينپيڭنىڭ ماڭىزدى نۇسقاۋلارىن، تالاپتارىن مۇقيات دايەكتىلەندىرىپ، اۆتونوميالى رايونداعى، بيڭتۋانداعى جولداستارمەن بىرگە، حالىق تۇرمىسىن جاقسارتۋدى ىلگەرىلەتۋ، كەدەيلىكتەن ارىلتۋدان قامال الۋعا دەم بەرۋ، ەرەكشە كاسىپتەردى دامىتۋ، اقىل - پاراساتتىق قولداۋدى كۇشەيتۋ، ىشتەسۋ، توعىسۋدى جەبەۋ جاقتارىندا ءبىر قىدىرۋ قىزمەتتەر ىستەپ، بەلسەندى ىلگەرىلەۋشىلىكتەرگە قول جەتكىزدى، ءبىراق ءالى دە جاقسارتۋعا، جوعارىلاتۋعا ءتيىستى كوپتەگەن جاقتار بار. ءبىز، ءسوز جوق، باعىتتامالى كومەكتەسۋ ساياسي جاۋاپكەرشىلىگىن باتىل ارقالاپ، شينجياڭعا كومەكتەسۋ قىزمەتىن شىن مانىندە ءوز ءىسىمىز، ادا ەتۋگە ءتيىستى جاۋاپكەرشىلىگىمىز دەپ قاراپ، اۋەلگى ماقسات ارقىلى كومەكتەسۋدى يگەرىپ، بورىش ارقالاپ دامۋعا دەم بەرىپ، ءىس جۇزىندىك ارەكەتىمىز ارقىلى ”ەكىنى قورعاۋدى“ ورىندايمىز. كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە جاپپاي دەم بەرىپ، كەدەيلىكتەن ارىلتۋ تابىستارىن ۇزدىكسىز بەكەمدەپ، ءوسىرىپ، ”ۇيىرمە ۇيىمداستىرۋ ۇلگىسىندەگى“ كومەكتەسۋ - سۇيەمەلدەۋدى تەرەڭدەتىپ، قارجىلىق ۇسىنىلىم، نىسانداردى تياناقتاندىرۋ، كاسىپ سەلبەستىگى سياقتى قىزمەتتەردىڭ سەرپىنىن ونان ارى كۇشەيتەمىز. شاندۇڭ مەن شينجياڭنىڭ ارالاسۋىن، ىشتەسۋىن، توعىسۋىن ونان ارى تەرەڭدەتىپ، جۇرت تىلەگىن ۇيىستىرۋدى، ۇلتتار ىنتىماعىن كۇشەيتۋدى شينجياڭعا باعىتتامالى كومەكتەسۋدىڭ ءار سالاسىمەن جانە جالپى بارىسىمەن ساباقتاستىرىپ، جۇپ قۇراپ تۋىس بولۋدى، ارالاۋدى، اۋىس - كۇيىستى، سەلبەستىكتى ۇزدىكسىز ورىستەتىپ، سوتسياليستىك وزەكتى قۇن كوزقاراسىن سومدايمىز، تامىر تارتتىرامىز. اۆتونوميالى رايون مەن بيڭتۋاننىڭ جاقسى تاجىريبەلەرىن، جاقسى ادىستەرىن مۇقيات ۇيرەنىپ، وسى جاقسى تاجىريبە - ادىستەر مەن قاتاڭ ستيلدى ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتتەرىن ءبىر تۇتاس جوسپارلاۋدا ايگىلەپ، باعىتتامالى كومەكتەسۋدىڭ ءتۇرلى مىندەتتەرىن تياناقتاندىرۋدا ايگىلەپ، شاندۇڭ مەن شينجياڭ حالىقتارىن اناعۇرلىم تاماشا باقىتقا كەنەلتەمىز.
اڭگىمە ماجىلىستە شوكىرات زاكىر، ۋاڭ جۇنجىڭ جەكە - جەكە اۆتونوميالى رايوننىڭ، بيڭتۋاننىڭ ورنىقتىلىق، دامۋ جانە شينجياڭعا باعىتتامالى كومەكتەسۋ قىزمەتىنىڭ جاعدايىن تانىستىردى، شاندۇڭ ولكەلىك پارتكومنىڭ تۇراقتى مۇشەسى، ۇنەمىلىك ىستەرگە جاۋاپتى ورىنباسار ولكە باستىعى ۋاڭ شۋجيان شاندۇڭنىڭ شينجياڭعا باعىتتامالى كومەكتەسۋ قىزمەتىنىڭ جاعدايىن تانىستىردى.
شاندۇڭ ولكەسىنىڭ باسشىلارىنان ۋاڭ كى، ليۋ چياڭ، اۆتونوميالى رايون مەن بيڭتۋاننىڭ باسشىلارىنان لي يفي، جاۋ چيڭ، ياۋ شينمين قاتارلىلار جوعارىداعى قيمىلدارعا قاتىناستى.
