قازىر، ٴۇرىمجى قالالىق بازار باقىلاۋ - باسقارۋ مەكەمەسى جانە ٴارقايسى رايون، اۋداندىق بازار باقىلاۋ - باسقارۋ مەكەمەلەرى تۇگەلدەي ”تۇتىنۋ ۇقىعىن قورعاۋدىڭ جەدەل، قولايلى شەشۋ ارناسىن“ قۇردى، بۇكىل قالاداعى بازار باقىلاۋ - باسقارۋ جۇيەسى جوعارى، تومەن بىرلىكتە ارەكەتتەنەتىن جەدەل ءبىر جاقتى ەتۋ مەحانيزمىن قالىپتاستىرىپ، بۇقارا مالىمدەگەن زات باعاسىن قىمباتتاتۋ ارەكەتتەرىن قاتاڭ، تەز تەكسەرىپ ءبىر جاقتى ەتەدى.
7 - ايدىڭ 17 - كۇنى، ٴتىلشىنىڭ ٴۇرىمجى قالالىق بازار باقىلاۋ ـ باسقارۋ مەكەمەسىنەن ۇعىسۋىنشا، ىندەتتەن ساقتانۋ - تىزگىندەۋ كەزىندە تەكسەرىپ ٴبىر جاقتى ەتىلگەن زاڭعا قايشى ارەكەتتەردى تۇگەلدەي سايكەستى زاڭ، زاڭ ەرەجەلەردىڭ جوعارى شەگى بويىنشا جازالايدى، ٴارى زاڭعا قايشىلىق جاساعان بازار سۋبيەكتىن قالىپسىز تىزىمدىككە ەنگىزىپ، قالىپتى بازار تيجاراتى ٴتارتىبىن قورعايدى.
قازىر، بۇكىل قالاداعى بازار باقىلاۋ - باسقارۋ جۇيەسى ماسكى، سپيرت سياقتى ىندەتتەن ساقتانۋ زاتتىق بۇيىمدارى مەن كوكونىس، استىق، ماي، ەت، جۇمىرتقا، ٴسۇت سياقتى حالىق تۇرمىسى تاۋارلارى باعاسىنىڭ جاعدايىنا قاداعالاي نازار اۋدارىپ، زات باعاسى ارىز، اشكەرەلەۋدى دەر كەزىندە قابىلداپ، ٴبىر جاقتى ەتەدى؛ سونىمەن بىرگە باقىلاپ - باسقارۋ تەبىنىن ارتتىرىپ، ساقتانۋ - تىزگىندەۋ زاتتىق ماتەريالدارىن تيجارات ەتۋشىلەرىن، اۋىل شارۋاشىلىق ساۋدا سارايلارىن، ساۋدا ەرەن بازارلارىن جانە تۇرعىندار رايونى توڭىرەگىندەگى كوكونىس تيجاراتىمەن شۇعىلدانۋشىلاردى ٴتۇيىندى تۇردە كوزدە ۇستاپ، باعانى باقىلاپ - باسقارۋدى ورىستەتەدى. تيجاراتشىلاردان اشىق باعا بەلگىلەپ، ساتىپ الۋ - ساتىپ بەرۋ پارىقتى باعا مولشەرىن %35تەن اسىرماۋدى تالاپ ەتتى.
ٴتىلشىنىڭ ٴۇرىمجى قالالىق بازار باقىلاۋ ـ باسقارۋ مەكەمەسىنەن ۇعىسۋىنشا، 7 - ايدىڭ 17 - كۇنىنەن باستاپ، بۇكىل قالاداعى بازاردى باقىلاۋ - باسقارۋ جۇيەسى بازاردى باقىلاپ - باسقارۋدى كۇشەيتىپ، باعانى تەكسەرۋدى، ارالاپ تەكسەرۋ جانە ەسكەرتۋ، اقىل بەرۋدى كۇشەيتىپ، بازار باعاسى ارەكەتىن ارناعا تۇسىرگەن. تۇتىنۋشىلار ماڭايىنداعى زات باعاسىن قىمباتتاتۋ جاعدايلارىن بايقاسا، 12315 نومىرىنە تەلەفون جالعاپ شاعىم ايتۋىنا بولادى.
