ءۇرىمجى كەشكى گازەتىنىڭ ءتىلشىسى گۋو ليڭ حابارلايدى. ءۇرىمجى قالاسىنىڭ كوكونىس، ەت، ءسۇت، جۇمىرتقا، كۇرىش، ۇن، استىق، ماي قاتارلى تۇرمىستىق قاجەتتى بۇيىمدارمەن قامداۋى جەتكىلىكتى بولدى، زات قاينارى قامتاماسىز ەتىلدى.
7-ايدىڭ 16-كۇنى، ءتىلشىنىڭ قالالىق ساۋدا ىستەرى مەكەمەسىنەن (استىق مەكەمەسى) ۇعىسۋىنشا، كەزەكتە تۇتاس قالاداعى ساۋدا ىستەرى جۇيەسى تۇرمىسقا قاجەتتى بۇيىمدارعا شۇعىل كەپىلدىك ەتۋ جوباسىن ىسكە قوسىپ، تاۋارلاردىڭ زاپاس مولشەرى جەتكىلىكتى، باعاسىنىڭ ورنىقتى بولۋىنا كەپىلدىك ەتىپ، حالىق بۇقاراسىنىڭ نەگىزگى تۇرمىس قاجەتىن قامتاماسىزداندىردى.
قالالىق ساۋدا ىستەرى مەكەمەسىنىڭ (استىق مەكەمەسى) باستىعى يان جۇن بىلاي دەدى: ”الەۋمەتتىك اۋماق كوكونىس قوسىمشا ازىق-تۇلىكتەردى تىكە ساتۋ ورنى (الەۋمەتتىك اۋماق سيىر، قوي ەتىن تىكە ساتۋ ورنىن قامتيدى) قالىپتى تيجارات جۇرگىزىپ، قالا تۇرعىندارىن كوكونىس، سيىر، قوي ەتىمەن قامدايدى“.
سونىمەن بىرگە، قالالىق شۇعىل قامداۋ كاسىپورىندارى بازاردىڭ اۋقىمدىق وزگەرىسىنە قاداعالاي نازار اۋدارىپ، زاپاس تاۋارلاردى ساتىپ الۋدى باسقارۋ، جوتكەۋ، تاسۋ جانە بازار قامداۋىن بار كۇشپەن جاقسى ىستەپ. تۇرمىستىق كەرەك - جاراقتاردى الۋعا، تەڭشەۋگە، ىستەتۋگە شىنايى كەپىلدىك ەتۋ كەرەك.
يان جۇن بىلاي دەدى: ”ءۇرىمجى قالاسى ءبىرىنشى دارەجەلى تولايىم ساتۋ بازارى جيۋديڭ كوكونىس تولايىم ساتۋ بازارىنىڭ ءار كۇنگى ساۋدا مولشەرى 3000دا 4000 توننا، ەكىنشى دارەجەلى تولايىم ساتۋ بازارى شينليان اۋىل شارۋاشىلىق ونىمدەرىن تولايىم ساتۋ بازارىنىڭ ءار كۇنگى كوكونىس ساۋدا مولشەرى 1500دە 2000 توننا. ال ءۇرىمجى قالاسىنىڭ تۇرعىندارىنىڭ ءار كۇنگى كوكونىس تۇتىنۋ قاجەتى مولشەرمەن 1500 توننا، سوندىقتان كوكونىسپەن قامداۋ تولىق كەپىلدىككە يە“.
قالالىق ساۋدا ىستەرى مەكەمەسى (استىق مەكەمەسى) شينجياڭ حۋاليڭ ەگىن - مال شارۋاشىلىق عىلىم - تەحنيكا اشۋ شەكتى سەرىكتەستىگى (نەگىزىنەن قوي ەتىن ساتادى)، شينجياڭ تيانشان حۋاڭنيۋ ەگىن - مال شارۋاشىلىق عىلىم - تەحنيكا اشۋ شەكتى سەرىكتەستىگى (نەگىزىنەن سيىر ەتىن ساتادى)، شينجياڭ تيانكاڭ ازىق-تۇلىك شەكتى جاۋاپكەرلىك سەرىكتەستىگى (نەگىزىنەن شوشقا ەتىن ساتادى) جانە پاكلان ازىق-تۇلىك شەكتى سەرىكتەستىگى (نەگىزىنەن تاۋىق ەتىن ساتادى) قاتارلى ورىنداردى قالىپتى قامداۋ ارقىلى بۇكىل قالانىڭ ەت ونىمدەرى بازارىن جەتكىلىكتى تاۋارمەن قامداۋعا ۇيىستىردى.
سونىمەن قاتار، قالالىق ساۋدا ىستەرى مەكەمەسى (استىق مەكەمەسى) قالالىق بازار باقىلاۋ - باسقارۋ تاراۋلارىمەن بىرلەسىپ، بازاردى باقىلاۋدى كۇشەيتىپ، زاتتاردى باسىپ قويۋ، دۇرمەككە ىلەسىپ باعا كوتەرۋ، جالعان زات جاساۋ، ساتۋ سىندى زاڭسىز ارەكەتتەرگە قاتاڭ سوققى بەرىپ، قالىپتى بازار ءتارتىبىن ساقتاۋعا كەپىلدىك ەتەدى.
