تيانشان تورى حابارى (تىلشىلەر گو ليڭ، ۋاڭ جوۋ حابارلايدى) 7-ايدىڭ 17-كۇنى تۇستەن كەيىن، ٴتىلشىنىڭ ٴۇرىمجى قالالىق اۋرۋدىڭ الدىن الۋ - تىزگىندەۋ ورتالىعىنان ۇعىسۋىنشا، ٴۇرىمجى قالاسىنىڭ ىندەت جاعدايىن جالپى جاقتان تىزگىندەۋگە بولادى ەكەن، كوپشىلىك ۇرەيلەنبەڭىزدەر.
تيانشان تورى حابارى (تىلشىلەر گو ليڭ، ۋاڭ جوۋ حابارلايدى) 7-ايدىڭ 17-كۇنى تۇستەن كەيىن، ٴتىلشىنىڭ ٴۇرىمجى قالالىق اۋرۋدىڭ الدىن الۋ-تىزگىندەۋ ورتالىعىنان ۇعىسۋىنشا، ٴۇرىمجى قالاسىنىڭ ىندەت جاعدايىن جالپى جاقتان تىزگىندەۋگە بولادى ەكەن، كوپشىلىك ۇرەيلەنبەڭىزدەر.
” قازىرگى دياگنوزى تۇراقتاندىرىلعان ناۋقاستار مەن اۋرۋ بەلگىسى جوق جۇعىمدالۋشىلار تۇگەلدەي شوعىرلى مەديتسينالىق باقىلاۋدى قابىلداعاندار بولعاندىقتان، ٴۇرىمجى قالاسىنىڭ ىندەت جاعدايىن جالپى جاقتان تىزگىندەۋگە بولادى، كوپشىلىك ۇرەيلەنبەڭىزدەر “. ٴۇرىمجى قالالىق اۋرۋدان ساقتانۋ جانە تىزگىندەۋ ورتالىعى پارتيا باس ياچەيكاسىنىڭ ورىنباسار شۋجيى، مەڭگەرۋشىسى رۇي باۋليڭ بىلاي دەدى: قاتىستى تاراۋلارىمىز عىلىم جالپىلاستىرۋ ۇگىتىن كۇشەيتىپ، ٴار ۇلت حالىق بۇقاراسىن عىلمي قورعانۋدى جاقسى ىستەۋگە جەتەكتەپ، ىندەت جاعدايىن دەر كەزىندە حابارلاندىرىپ، قوعام ٴجىتى قاداعالاپ وتىرعان ىستەرگە ىرىقتىلىقپەن جاۋاپ قايتارادى.
ۇعىسۋعا قاراعاندا، ٴۇرىمجى قالالىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابى شۇعىل جاعدايدا اتتانىسقا كەلۋ جوباسىن ىسكە قوسىپ، دياگنوزى تۇراقتاندىرىلعان ناۋقاستار مەن اۋرۋ بەلگىسى جوق جۇعىمدالۋشىلاردىڭ جاعدايىنا مۇقيات تالداۋ جاساپ، ەپيدەمولوگيالىق تەكسەرۋ جانە تارالۋ قاينار كوزىن تابۋ قىزمەتىن بار كۇشپەن ورىستەتىپ، بىردە-ٴبىر ادامدى قاعىس قالتىرماۋعا شىنايى كەپىلدىك ەتكەن. دياگنوزى تۇراقتاندىرىلعان ناۋقاستار مەن اۋرۋ بەلگىسى جوق جۇعىمدالۋشىلار تۇگەلدەي ۇيلەسىمدى ەمدەلۋ، قۇتقارۋ جانە اۋاشا مەديتسينالىق باقىلاۋعا يە بولعان.
تارالۋ ارناسىن ٴۇزۋ ٴۇشىن، ٴۇرىمجى قالالىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابى نازاردى ٴتۇيىندى ادامدار شوعىرىنا، ٴتۇيىندى ورىندارعا شوعىرلاندىرىپ، قاتاڭ باسقارۋ ـ تىزگىندەۋ شارالارىن قولدانىپ، نۋكلەين قىشقىلىن تەكسەرۋدە تەكسەرۋگە تيىستىلەرىن مۇمكىندىكتىڭ بارىنشا تەكسەرىپ، كارانتين جاساۋعا تيىستىلەرىن مۇمكىندىكتىڭ بارىنشا كارانتين جاساپ، ىندەتتىڭ ونان ارى كەڭەيۋىن، ٴورشۋىن باتىل اۋىزدىقتاعان.
ٴۇرىمجى قالالىق اۋرۋدان ساقتانۋ جانە تىزگىندەۋ ورتالىعى قالىڭ قالا تۇرعىندارىنا مىنالاردى ەسكەرتتى: كۇندەلىكتى سىرتقا شىققاندا ماسكى تاعۋدى، قولدى ٴجيى جۋۋدى، ۇنەمى اۋا الماستىرۋدى، توپتاسپاۋدى ەستە بەرىك ساقتاۋ؛ جەكە قورعانۋ مەن ورتا تازالىعىن جاقسى ىستەۋدە تاباندى بولىپ، حاۋىپسىز قوعامدىق قارىم - قاتىناس ارالىعىن ساقتاپ، كەزىككەندە قول الىسپاۋ، الەۋمەتتىك قۇرىلعىلار مەن بۇيىمدارعا مۇمكىندىكتىڭ بارىنشا جۇعىسپاۋ؛ دەنەدە جايسىزدانۋ بەلگىلەرى بايقالعاندا، دەر كەزىندە جۇيەلى ەمدەلىپ، بوساڭسۋ، باق سىناۋ ويىن جويۋ كەرەك. ەگەر تۇرعىنداردىڭ دەنەسى جايسىزدانسا، دەر كەزىندە الەۋمەتتىك اۋماققا مالىمدەپ، قورعانۋ تالابى بويىنشا دەرەۋ ەمدەلىپ، اۋرۋ جاعدايى مەن تارالعىش اۋرۋلار تاريحىن قاز - قالپىندا مالىمدەۋ كەرەك. ٴارقايسى الەۋمەتتىك اۋماقتارىن، ٴارقايسى اۋاشالاۋ تۇيىندەرىن قاتاڭ باسقارىپ، قامتاماسىز ەتۋدى جاقسى ىستەپ، اۋاشالاۋ شارالارىنىڭ تياناقتانۋىنا كەپىلدىك ەتۋ كەرەك.
اۋدارعان: قادىر ماقان
