تيانشان تورى   ›   جاڭالىقتار   ›   ۇلتتىڭ گۇلدەنۋى جولىندا ەرجۇرەك قۇرباندار شەجىرەسى

لو چۇنۋي: لاۋلاعان ءورتتى ءوشىرۋ جولىندا باسىن ءباي تىكتى

لو چۇنۋي كوزى تىرىسىندە اۋىلعا بارىپ جاعداي ۇعىسۋدا.

سۋرەتتى شينحۋا اگەنتتىگى تاراتقان

  شينحۋا اگەنتتىگىنىڭ ناننيڭنەن بەرگەن حابارى (ءتىلشى لين فانشى). بۇرقىراعان قويۋ تۇتىندە ول تيتتەي دە ءارى - ءسارى بولماستان تەڭىزگە سەكىرىپ ءتۇسىپ، وت جالىنى اسپانعا شاپشىپ جاتقان بالىقشى كەمەسىنە قاراي جۇزە جونەلدى. ول − لو چۇنۋي ەدى، ءوزىنىڭ قىمباتتى ومىرىمەن حالىق بۇقاراسىنىڭ ءومىرىنىڭ، مال - مۇلكىنىڭ حاۋىپسىزدىگىن قورعاپ قالدى.

  لو چۇنۋي، حانزۋ، 1979 - جىلى 8 - ايدا گۋاڭشي جۋاڭزۋ اۆتونوميالى رايونى بەيحاي قالاسىندا دۇنيەگە كەلگەن، جۇڭگو كوممۋنيستىك پارتياسىنىڭ مۇشەسى. كوزى تىرىسىندە گۋاڭشي قوعام حاۋىپسىزدىگى شەكارا قورعانىسى باس اترەتى بەيحاي قالالىق قوعام حاۋىپسىزدىگى شەكارا قورعانىسى تارماق اترەتى ديانجيان شەكارا قورعانىسى ساقشى بولىمشەسىنىڭ باستىعى بولعان.

  ”لو بولىمشە باستىعى ءار رەت ساقشىلاردى باستاپ شىققاندا، ۇنەمى ەڭ الدىندا اتويلاپ جۇرەتىن“، - دەيدى لو چۇنۋيدىڭ بۇرىنعى قىزمەتتەسى، ديانجيان شەكارا قورعانىسى ساقشى بولىمشەسىنىڭ حالىق ساقشىسى جوۋ گاڭليڭ. ساقشى بولعان 19 جىلدا لو چۇنۋي جاۋىنگەر، قىزمەتكەر، ونان ساقشى بولىمشەسىنىڭ ورىنباسار باستىعى، ساياسي جەتەكشى، ساقشى بولىمشەسىنىڭ باستىعى بولعانعا دەيىن، مەيلى قايسى قىزمەت ورنىندا بولسىن، ول باستان - اياق وسكەلەڭ جاۋاپكەرشىلىك سەزىمى مەن شوگەلدىكتەن جازباي، مىندەتىن، جاۋاپكەرشىلىگىن ادا ەتىپ، قاراستى ءوڭىردىڭ حاۋىپسىزدىگى مەن ورنىقتىلىعىن قورعادى.

  قاھارمان تۋادا بولمايدى، قاھارماندىق ەرلىك ىستەر كەزدەيسوق تۋىلمايدى.

  2010 - جىلى 9 - ايدىڭ 21 - كۇنى 11 - ءنومىرلى تايفىڭ داۋىلى ”فانيابي“ بەيبۋ شىعاناعى تەڭىز ايدىنىنا ىقپال جاسايدى. سول كۇنى ساعات 10 مولشەرىندە بەيحاي قالاسى ۋيجوۋ ارالى نانۋان كوشەسىندەگى كەمەتۇراعىنىڭ تاياۋ ماڭىنا توقتاعان ءبىر كەمەنىڭ تايفىڭ داۋىلى سەبەبىنەن قوزعاۋشى كۇش جۇيەسى بۇزىلىپ، اۋدارىلۋعا شاق قالادى، كەمەدە بالىقشىلار بار بولاتىن. قاتەرلى ساتتە، لو چۇنۋي كيىمىن شەشىپ تەڭىزگە سەكىرىپ ءتۇسىپ، شىنجىر ارقانمەن بايلاپ كەمەنى ورنىقتىرادى. ول جاعاعا ءجۇزىپ كەلگەندە، ءال - قۋاتى قۇرىپ، توقتاۋسىز قۇسادى.

  2014 - جىلى 5 - ايدىڭ 16 - كۇنى ۋيجوۋ ارالى كەمەتۇراعىندا ءبىر سىرعىتپا كەمە اۋدارىلىپ، 28 ادام سۋعا ءتۇسىپ كەتەدى، لو چۇنۋي تەڭىزدەن 5 ادامدى قۇتقارىپ شىعادى.

  2015 - جىلى 6 - ايدا لو چۇنۋي قاراستى وڭىردەگى اماندىق جاعدايى توتەنشە كۇردەلى، كاسىپتىك جۇمىسى توتەنشە اۋىر ديانجيان شەكارا قورعانىسى ساقشى بولىمشەسىنە اۋىسىپ بارىپ، بولىمشە باستىعى بولادى. تەڭىز ايدىنى اماندىعىن باسقارۋ - مەڭگەرۋ قيىن بولۋ، زاڭسىز قىلمىستىق ىستەرگە سوققى بەرۋ قيىن بولۋ، مالىمەت دەرەگىن جيناۋ قيىن بولۋ سياقتى ماسەلەلەردى شەشۋ ءۇشىن، لو چۇنۋي ”ون كەمە بىرلەسىپ قورعانۋ“، ”ءبىر كۇندە ءبىر رەت شارلاۋ جۇرگىزۋ“ سياقتى قىزمەت ۇلگىسىن ورناتىپ، تەڭىز جاعالاۋىن باسقارۋ - مەڭگەرۋ ورەسىن جوعارىلاتادى.

  2016 - جىلى 5 - ايدىڭ 27 - كۇنى بەيحاي بالىقشىلار كەمەتۇراعىنا توقتاعان 3 بالىقشىلار كەمەسىنە ءورت كەتەدى. لو چۇنۋي قىزمەتتەستەرىن باستاپ، قاتەردى الاستاپ، ءورتتىڭ كەمەتۇراقتاعى 1000نان استام بالىقشىلار كەمەسىنە ءورشۋىنىڭ الدىن الادى.

  2016 - جىلى 10 - ايدىڭ 20 - كۇنى ساعات 11 مولشەرىندە بەيحاي قالاسى چياۋگاڭ قالاشىعى شەكارالىق ساۋدا كەمەتۇراعىندا 11 توننا ديزەل مايىن باسقان ءبىر بالىقشى كەمەسىنە ءورت كەتەدى. مالىمدەۋدى تاپسىرىپ العاننان كەيىن، لو چۇنۋي حالىق ساقشىلارىن باستاپ تىزگىن ۇشىمەن قۇتقارۋعا بارادى. سول كەزدە ءورت كەتكەن بالىقشىلار كەمەسى مەڭگەرۋدەن كەتىپ، كەمەجايدىڭ ىشىندە جالعاسا توقتاعان بالىقشىلار كەمەسىنە قاراي اعىزىپ كەلە جاتقان ەدى، بۇل كەمەلەرگە كوپ مولشەردە ديزەل مايى مەن سۇيىلتىلعان گاز تيەلگەن، ءورت كەتكەن بالىقشىلار كەمەسىندە ءورت تۇتاناتىن بولسا، زاردابىن مولشەرلەۋ قيىن ەدى. ءورتتىڭ ءورشۋىنىڭ الدىن الۋ ءۇشىن، ءسوزسىز، ءورت كەتكەن بالىقشى كەمەسىن جاعاعا جەتكىزۋ قاجەت بولادى.

  قاتەرلى ساتتە لو چۇنۋي دەرەۋ كيىمىن، شاقايىن شەشىپ تەڭىزگە تۇسپەكشى بولادى. ”لو بولىمشە باستىعى، قاتەرلى!“ دەپ جوۋ گاڭليڭ لو چۇنۋيدىڭ قولىنان تارتىپ، ونى بوگەپ قالماقشى بولادى. ”ماعان قاراماڭدار!“، لو چۇنۋي جوۋ گاڭليڭدى سىلكىپ تاستاپ، تەڭىزگە سەكىرىپ ءتۇسىپ، شىنجىر ارقاندى سۇيرەي، الدىعا قاراي جۇزە جونەلەدى.

  لو چۇنۋيدىڭ باستاۋىمەن سول اراداعى كوپتەگەن ادام ونىمەن ىلەسە تەڭىزگە سەكىرىپ ءتۇسىپ، كۇش بىرىكتىرە ءورت كەتكەن كەمەنى جاعاعا الىپ شىعىپ، سۇراپىل ءورت ءساتتى وشىرىلەدى. باقىتقا قارسى، لو چۇنۋي جاعاعا قايتىپ كەلە المايدى. ورتتەن قۇتقارۋ اياقتاعاننان كەيىن، سول كۇنى ساعات 15تەن 25 مينۋت وتكەندە لو چۇنۋيدىڭ سۇيەگى تەڭىز استىنان تابىلادى. لو چۇنۋي نە بارى 37 جاسىندا ومىردەن ءوتتى.

  لو چۇنۋي قۇربان بولعاننان كەيىن، جەرگىلىكتى تۇرعىندار ارت - ارتىنان وزدىكتەرىنەن كەمەتۇراققا بارىپ ازا ءبىلدىردى، كەمەتۇراققا توقتاعان قالىڭ بالىقشىلار كەمەسى گۋدەك شالىپ شىعارىپ سالدى... سول جىلى 10 - ايدىڭ 24 - كۇنى قوعام حاۋىپسىزدىگى مينيسترلىگى لو چۇنۋيدى قۇربان دەپ بەكىتتى ءارى مەملەكەت قورعانىسىنا ءوزىن ارناعان التىن ەستەلىك زناگىن بەردى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جۇڭگو - ەۆروپا كەزەكشى پويەزى ”عىلىم - تەحنيكانىڭ ۇلگىسىن“ كورسەتتى
  • باياندى تىنىشتىققا ارشىندى قادام تاستادى
  • حوتان - چارقىلىق تەمىر جولىنىڭ چەرچەن اۋدانىنداعى بولىگىنە رەليس توسەلدى
  • كۇزگى جيىن - تەرىن قاربالاستىعى
  • جەمىس - جيدەكتەر تۇتاس سۋىق تىزبەكتى تەمىر جول ارقىلى شينجياڭنان سىرتقا تاسىمالداندى