شىن ياپيڭ
ءۇرىمجى قالاسىندا جاڭا تيپتى ايدارشا ۆيرۋس وكپە قابىنۋ ىندەتىنىڭ دياگنوزى تۇراقتاندىرىلعان ناۋقاستىڭ تاعى بايقالعانى تۋرالى حابار ادامداردىڭ كوڭىلىنە ازدى - كوپتى سالقىنىن تيگىزدى. ءبىراق ءبىز الدىڭعى مەزگىلدەگى ماشاقاتقا تولى ىندەتكە قارسى تۇرۋدا جيناعان تاجىريبە نەگىزىمىز بار ەكەنىنە، تەك استە بەيعامدىققا سالىنباي، ۇدايىلانعان ىندەتتەن ساقتانۋ - تىزگىندەۋ قىزمەتىن شىنايى، ەگجەي - تەگجەيلى ىستەسەك بولعانى، ۇرەيلەنۋدىڭ ەش قاجەتى جوق ەكەنىنە سەنۋىمىز كەرەك.
سابىرلىلىق ساقتاساق بولعانى وسى جولعى ىندەتپەن شايقاس بارىسىندا ءوزىمىزدىڭ الدەقاشان بەرىك ساقتانۋ - تىزگىندەۋ مەحانيزمىن، قاتاڭ ساقتانۋ - تىزگىندەۋ شارالارىن قالىپتاستىرعانىمىزدى، تۇرمىس جانە ەمدەۋ زاتتىق ماتەريالدارىنىڭ دا تولىق قامتاماسىز ەتىلگەندىگىن بايقاي الامىز. سوندىقتان ءار ۇلت كادر - بۇقاراسى تولىق سەنىم ورناتۋى كەرەك. ءارقانداي ساسقالاقتاعان كوڭىل كۇيدىڭ، قالىپتان تىس اڭىستىڭ جۇمىسقا ەشقانداي پايداسى بولماۋىمەن قويماي، قايتا ىندەتتەن ساقتانۋ - تىزگىندەۋ كەلەلى جاعدايىن بىلىقتىرىپ، ورالعى بولۋ مۇمكىن.
كوڭىل كۇيدىڭ ورنىقتىلىعىن ساقتاۋ ءتيىس، ال يدەيادا جانە ارەكەتتە استە بەيعامدىققا سالىنباۋ كەرەك. فاكت مىنانى دالەلدەپ وتىر: ءبىزدىڭ جاڭا تيپتى ايدارشا ۆيرۋس وكپە قابىنۋ ىندەتى اراسىنداعى كۇرەسىمىز ءبىر رەتكى جاپا - ماشاقاتقا تولى قاتاڭ شايقاس. ءارقانداي بەيعامدىققا سالىنعان قۇنتسىزدىقتىڭ ءبارى ىندەتتەن ساقتانۋ شارالارىنىڭ بوساڭسۋىنا، ۆيرۋستىڭ ورشۋىنە وراي تۋدىرۋى مۇمكىن. ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن ويداعىداي جاقسى ىستەۋدە، ءسوزسىز، قايسار بولىپ، باستان - اياق تىڭعىلىقتى ءىس جۇرگىزۋىمىز قاجەت.
قوعامنىڭ ءبىر مۇشەسى بولعاندىعىمىز سەبەپتى، بارلىعىمىزدىڭ ىندەتتەن ساقتانۋ - تىزگىندەۋدە بۇلتارتپاس بورىشىمىز بار، قول جۋۋ، اۋا الماستىرۋ، ماسكى تارتۋ، توپتاسپاۋ سياقتى جەكەلىك تازالىق پەن الدىن الۋ، ساقتانۋ شارالارىن ۇزدىكسىز ساقتاۋ، ىندەتتەن ساقتانۋ - تىزگىندەۋ قىزمەتىنە قوسقان ەڭ پارمەندى قولداۋىمىز جانە ۇلەسىمىز بولماق.
(لەپتى لەبىز“ ايدارىنا ماقالا جولداۋ ادرەسى: xjrbplb@126.com)
