تاسقىننان ساقتانۋ، اپاتتان قۇتقارۋ قىزمەتىن اقىلداستى، ورنالاستىردى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى
شينحۋا اگەنتتىگىنىڭ 7 - ايدىڭ 17 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى 7 - ايدىڭ 17 - كۇنى ءماجىلىس اشىپ، تاسقىننان ساقتانۋ، اپاتتان قۇتقارۋ قىزمەتىن اقىلداستى، ورنالاستىردى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى ءارى ماڭىزدى ءسوز سويلەدى.
شي جينپيڭ بىلاي دەپ اتاپ كورسەتتى: 6 - ايدان بەرى، پارتيا ورتالىق كوميتەتىنىڭ پارمەندى باسشىلىعىندا ءار دارەجەلى پارتكوم مەن ۇكىمەت شۇعىل قيمىلداپ، شارالاردى كۇشەيتتى، مەملەكەتتىك تاسقىننان ساقتانۋ، قۋاڭشىلىققا قارسى اتتانۋ باس قولباسشىلىق شتابى، ءارقايسى قاتىستى تاراۋلار مەن ورىندار مىندەتىن اتقارىپ، جاۋاپكەرشىلىكتەرىن ادا ەتىپ، تىعىز سايكەستى، حالىق ازاتتىق ارمياسى مەن قارۋلى ساقشى اسكەري بولىمدەرى شەشۋشى ساتتە ەكپىندى قوسىندىق رولدارىن ساۋلەلەندىردى، قالىڭ كادر - جۇرتشىلىق ىنتىماقتاسا، قايراتتانا شايقاس جاسادى، تاسقىننان ساقتانۋ، اپاتتان قۇتقارۋ جۇيەسى ماڭىزدى رول اتقاردى، تاسقىننان ساقتانۋ، اپاتتان قۇتقارۋ قىزمەتى ءتارتىپتى، پارمەندى ىلگەرىلەپ، بەلسەندى ناتيجەگە قول جەتكىزدى.
شي جينپيڭ بىلاي دەپ باسا دارىپتەدى: تاسقىننان ساقتانۋ، اپاتتان قۇتقارۋ حالىقتىڭ ءومىرىنىڭ، مال - مۇلكىنىڭ حاۋىپسىزدىگىنە سايادى، استىق حاۋىپسىزدىگىنە، ەكونوميكالىق حاۋىپسىزدىككە، قوعامدىق حاۋىپسىزدىككە، مەملەكەت حاۋىپسىزدىگىنە سايادى. بيىل جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتەتىن، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزەتىن جىل ءارى ”13 - بەسجىلدىق“ جوبا اياقتالاتىن جىل، تاسقىننان ساقتانۋ، اپاتتان قۇتقارۋ قىزمەتىن ويداعىداي ىستەۋ ايرىقشا ماڭىزدى. قاتىستى وڭىرلەر، تاراۋلار جانە ورىندار باستان - اياق حالىقتىڭ ءومىرىنىڭ، مال - مۇلكىنىڭ حاۋىپسىزدىگىن ءبىرىنشى ورىنعا قويىپ، اناعۇرلىم پارمەندى شارالار قولدانىپ، تاسقىننان ساقتانۋ، اپاتتان قۇتقارۋ قىزمەتتەرىن شىنايى ويداعىداي ىستەۋ كەرەك.
شي جينپيڭ بىلاي دەپ اتاپ كورسەتتى: كەزەكتە بۇكىل ەل تاسقىننىڭ ”قاۋىرت“ كەزەڭىنە ءوتىپ، چاڭجياڭ وزەنى الابىنىڭ ورتاڭعى، جوعارعى اعار وڭىرىندە جاۋىن - شاشىن كوبەيدى، حۋاڭحى وزەنىنىڭ ورتاڭعى، جوعارعى اعارىندا، حايحى وزەنى، سۇڭحۋاجياڭ وزەنى، حۋايحى وزەنى الاپتارىندا ءبىرشاما اۋىر تاسقىن جاعدايى تۋىلۋى مۇمكىن، ءسوز جوق، وڭتۇستىك، سولتۇستىك تاراپتاعى داريا - وزەندەردىڭ تاسقىننان امان ءوتۋىن ءبىر تۇتاس جوسپارلاپ ويداعىداي يگەرىپ، ۇيىمدىق باسشىلىقتى جانە جاۋاپكەرشىلىكتى تياناقتاندىرۋدى كۇشەيتىپ، الدىن الۋدى، ساقتانۋدى شۇعىل جاعدايعا توتەپ بەرۋ بويىنشا ءبىر جاقتى ەتۋمەن بىرلەستىرۋگە تاباندى بولىپ، ءبىر تۇتاس جوسپارلاپ سايكەستىرۋدى كۇشەيتىپ، سايكەسۋدى، سەلبەسۋدى نىعايتىپ، تاسقىننان ساقتانۋ، اپاتتان قۇتقارۋ شارالارىن ناقتى، ەگجەي - تەگجەيلى يگەرۋ كەرەك. قاتىستى وڭىرلەردىڭ بارلىعى دايىندىق جوبا دايىنداۋدى، قوسىن دايىندىعىن، زاتتىق ماتەريالدار دايىندىعىن، تاسقىن سۋىن جيناۋ - ىركۋ اۋماقتارىن ىسكە قوسۋ دايىندىعىن ويداعىداي ىستەپ، ىستەتىلمەسە دە دايىنداپ قويۋعا، ىستەتەتىن كەزدە دايىندىقسىز قۇر الاقان وتىرۋعا جول بەرمەۋ كەرەك.
ءماجىلىس مىنالاردى باسا دارىپتەدى: پارتيا ورتالىق كوميتەتى بيىلعى تاسقىننان ساقتانۋ، اپاتتان قۇتقارۋ قىزمەتىنە ايرىقشا ءمان بەرىپ وتىر، 5 - ايدىڭ 19 - كۇنى باس شۋجي شي جينپيڭ ورتالىق كوميتەت ساياسي بيۋروسى تۇراقتى كوميتەتى ءماجىلىسىن باسقارىپ اشىپ، قاتىستى قىزمەتتەردى اقىلداسقان كەزدە قاتىستى جاقتاردان بيىلعى تاسقىن مەزگىلىندەگى چاڭجياڭنىڭ ورتاڭعى، تومەنگى اعارىنداعى تاسقىن جاعدايىنا ايرىقشا ءمان بەرىپ، تاسقىننان ساقتانۋ قىزمەت جاۋاپكەرشىلىگىن ناقتىلاندىرىپ، ىندەتتىڭ ىقپالىن جەڭىپ، سۋ يگىلىگى ينجەنەريالارىن جوندەۋدى جەدەل يگەرىپ، زاتتىق ماتەريالدار دايىندىعىن كۇشەيتىپ، قاتەردەن اراشالاۋ بويىنشا باۋلۋ جانە جاتتىعۋ ۇيىمداستىرىپ، ورىستەتىپ، حالىقتىڭ ءومىرىنىڭ، مال - مۇلكىنىڭ حاۋىپسىزدىگىن بار كۇشپەن قامتاماسىز ەتۋ كەرەكتىگىن تالاپ ەتتى. باس شۋجي شي جينپيڭ تاعى كوپ رەت ماڭىزدى نۇسقاۋ بەرىپ، بەكىتۋ جازىپ، ءارقايسى وڭىرلەردەن جانە قاتىستى تاراۋلاردان حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولۋدى، ىندەتتەن ساقتانۋ - تىزگىندەۋ جانە تاسقىننان ساقتانۋ، اپاتتان قۇتقارۋ قىزمەتىن ءبىر تۇتاس جوسپارلاپ ويداعىداي ىستەۋدى تالاپ ەتتى؛ ءار دارەجەلى پارتكوم مەن ۇكىمەتتەن جاۋاپكەرشىلىكتى ناقتىلاندىرىپ، باتىلدىقپەن جاۋاپكەرشىلىك ارقالاپ، اناعۇرلىم پارمەندى، اناعۇرلىم ءونىمدى شارالار قولدانىپ، بار كۇشپەن قاتەردەن اراشالاپ، قۇتقارىپ، ەڭ زور قۇلشىنىس جاساپ حالىقتىڭ ءومىرىنىڭ، مال - مۇلكىنىڭ حاۋىپسىزدىگىن قامتاماسىز ەتۋدى تالاپ ەتتى.
ءماجىلىس مىنالاردى اتاپ كورسەتتى: ءار دارەجەلى پارتكوم مەن ۇكىمەت تاسقىننان ساقتانۋ، اپاتتان قۇتقارۋ تۇلعالىق جاۋاپكەرشىلىگىن جالپى بەتتىك تياناقتاندىرىپ، باسشىلىقتى كۇشەيتىپ، ءوز جاۋاپكەرشىلىگىن ادا ەتىپ، حالىقتىڭ ءومىرىنىڭ، مال - مۇلكىنىڭ حاۋىپسىزدىگىن قامتاماسىز ەتۋدى شىنايى تۇردە ءبىرىنشى ورىنعا قويۋ كەرەك. اپاتتان ساقتانۋ، اپات زيانىن ازايتۋ، اپاتتان قۇتقارۋ ءتۇزىلىس رەفورماسىنىڭ باسىمدىعىن ساۋلەلەندىرىپ، قاتىستى جاقتار ءبىر تۇتاس جوسپارلاۋ - سايكەستىرۋدى كۇشەيتىپ، اركىم ءوزىنىڭ كاسىپتىك ارتىقشىلىعىن ساۋلەلەندىرىپ، ولكە - قالالار ارا، تاراۋلار ارا، ارميا مەن جەرگىلىكتى ورىندار ارا، جوعارعى - تومەنگى اعار، وڭ - سول جاعالاۋلار كۇش بىرىكتىرە ىستەستىك جاسايتىن تاسقىننان ساقتانۋ، اپاتتان قۇتقارۋ جاعدايىن قالىپتاستىرۋ كەرەك. جاۋاپكەرشىلىكتى تاسقىننان ساقتانۋدىڭ، اپاتتان قۇتقارۋدىڭ جالپى بارىسىنا، ءار دەڭگەي - ساتىسىنا تياناقتاندىرىپ، قىزمەت ورىندارىنا، ادامعا دەيىن تياناقتاندىرىپ، تاسقىن مەزگىلىندەگى قۇرىلىستاردى شارلاپ تەكسەرۋ، قورعانۋ جاۋاپكەرشىلىگى ءتۇزىمىن تياناقتاندىرۋ كەرەك. ءار دارەجەلى باسشى كادرلار ءبىرىنشى شەپكە بارىپ، الدىڭعى شەپتە تۇرىپ قولباسشىلىق ەتىپ، جۇمىس باسىندا قۋزاپ - تەكسەرىپ، تاسقىننان ساقتانۋدىڭ، اپاتتان قۇتقارۋدىڭ ءبىرىنشى شەبىندە جاۋاپكەرشىلىك ارقالاۋدى ايگىلەپ، قالىڭ كادر - بۇقارانى ەل بىرلىگىنەن بەرىك قامال تۇرعىزىپ، قايسارلىقپەن كۇرەس جۇرگىزۋگە ۇيىمداستىرۋ كەرەك.
ءماجىلىس مىنالاردى باسا دارىپتەدى: الدىن الا ءدال ساقتاندىرىپ، قاتاڭ ساقتانىپ، جاۋىن - شاشىن جاعدايى، سۋ جاعدايى سياقتى اۋا رايى ساندى مالىمەتتەرىن دەر كەزىندە، ءدال، توقتاۋسىز قايتالاپ حابارلاپ، الدىن الا مالىمەت بەرىپ، تۋىندامالى اپاتتاردان الدىن الا مالىمەت بەرۋدى كۇشەيتۋ، اسىرەسە، ءىشىنارا وڭىرلەردەگى قالىڭ جاۋىن، تايفىڭ، سەل، لاي - شاعىل كوشكىنى سياقتىلاردى بولجاۋ جانە ودان الدىن الا مالىمەت بەرۋ دەڭگەيىن جوعارىلاتىپ، الدىن الا ساقتاندىرۋ ينفورماتسيالارىن قىستاقتارعا، وتباسىلارعا، ادامدارعا دەيىن جەتكىزۋ كەرەك. ماڭىزدى توسپالاردى، ماڭىزدى قۇرىلعىلاردى قورعاۋدى كۇشەيتىپ، سۋ يگىلىگى ينجەنەريالارىن عىلمي جايعاستىرىپ، توسپالاردى شارلاپ حاۋىپتەردى تەكسەرۋدى كۇشەيتىپ، قاتەرلى جاعداي بايقالسا دەر كەزىندە جەدەل قورعاپ، ماڭىزدى نەگىزدىك قۇرىلعىلاردىڭ حاۋىپسىزدىگىنە شىنايى كەپىلدىك ەتۋ كەرەك. بار كۇشپەن قاتەردەن اراشالاپ، كومەكتەسىپ، اپاتتان قۇتقارىپ، ءتۇرلى قاتەردەن اراشالاۋ، كومەكتەسۋ كۇشتەرىن ءبىر تۇتاس جۇمىلدىرۋ، الدىن الا ورنالاستىرىپ، جەدەل اتتانىسقا كەلىپ، جوعارى ونىمدىلىكپەن قۇتقارىپ - كومەكتەسىپ، ءتۇرلى زيانداردى ەڭ تومەنگى شەككە تۇسىرۋگە قۇلشىنۋ كەرەك. ىندەتتەن ساقتانۋ - تىزگىندەۋ جانە قاتەردەن اراشالاۋ، اپاتتان قۇتقارۋ قىزمەتىن ءبىر تۇتاس جوسپارلاپ ويداعىداي ىستەپ، ءتۇرلى ساقتانۋ - تىزگىندەۋ شارالارىن قاتاڭ تياناقتاندىرىپ، ىندەتتىڭ قايتا بەلەڭ بەرۋىنەن ساقتانۋ كەرەك.
ءماجىلىس مىنالاردى اتاپ كورسەتتى: اپاتتان كەيىنگى قالپىنا كەلتىرۋدى، قايتا قۇرۋدى دەن قويا جوسپارلاپ، اپاتتان قۇتقارۋ قارجىلارىن دەر كەزىندە ءبولىپ، اپاتتان قۇتقارۋ زاتتىق ماتەريالدارىن جەتكىزىپ، اپات بولعان رايونداردىڭ ءوندىرىس، تۇرمىس ءتارتىبىن جەدەل قالپىنا كەلتىرىپ، سۋ، ەلەكتر، قاتىناس، حابارلاسۋ سياقتى نەگىزدىك قۇرىلعىلاردى دەر كەزىندە شۇعىل جوندەپ، اپاتقا ۇشىراعان بۇقارانى ءوندىرىستى قالپىنا كەلتىرۋگە، مەكەندەرىن قايتا قۇرۋعا ۇيىمداستىرۋ، باستاۋ كەرەك. اپاتقا ۇشىراعان ءتۇرلى ءوندىرىس كاسىپورىندارىنىڭ جۇمىستى، ءوندىرىستى قالپىنا كەلتىرۋىنە قولداۋ كورسەتىپ، اپاتتان كەيىنگى قالپىنا كەلتىرۋ، قايتا قۇرۋ جانە كەدەيلىكتەن ارىلتۋدان قامال الۋ قىزمەتىن ءبىر تۇتاس جوسپارلاپ، كەدەي وڭىرلەر مەن اپاتقا ۇشىراعان، قيىنشىلىعى بار بۇقاراعا قولداۋ كورسەتىپ، اپات سەبەبىنەن كەدەيلەسۋدەن، قايتا كەدەيلەسۋدەن ساقتانۋ كەرەك.
ءماجىلىس مىنالاردى باسا دارىپتەدى: اپاتتان قورعانۋ قابىلەتىن جالپى بەتتىك جوعارىلاتىپ، قورعانۋدى نەگىز ەتۋگە، قورعانۋدى، قارسى اتتانۋدى، قۇتقارۋدى بىرلەستىرۋگە تاباندى بولىپ، ماڭىزدى ينجەنەريا قۇرىلىستارىنداعى، ماڭىزدى نەگىزدىك قۇرىلعىلارداعى ولقىلىقتاردى تولىقتاۋ، قالانى سۋ باسۋدى جونگە سالۋ، اپاتتان ساقتانۋ، اپاتقا دايىندالۋ جۇيەسى جانە قابىلەتى قۇرىلىسى سياقتىلاردى ”14 - بەسجىلدىق“ جوباعا ەنگىزىپ ءبىر تۇتاس ويلاستىرۋ كەرەك.
ءماجىلىس مىنالاردى اتاپ كورسەتتى: ءار دارەجەلى پارتكوم مەن ۇكىمەت ءبىر ءوڭىردىڭ دامۋىن جەبەۋ، ءبىر ءوڭىردىڭ اماندىعىن ساقتاۋ سىندى ساياسي جاۋاپكەرشىلىكتەرىن ارقالاۋ، نەگىزگى ساتى پارتيا ۇيىمدارى مەن قالىڭ پارتيا مۇشەلەرى، كادرلار جاۋىنگەر قورعاندىق رولىن جانە اۆانگارد ۇلگىلىك رولىن تولىق ساۋلەلەندىرىپ، ىرىقتىلىقپەن جاۋاپكەرشىلىك ارقالاپ، جۇرەكتىلىكپەن اتويلاپ الدا ءجۇرىپ، حالىق بۇقاراسىنا تىعىز سۇيەنىپ، پارتيانىڭ ساياسي ابزالدىلىعىن، ۇيىمدىق ابزالدىلىعىن، بۇقارامەن تىعىز بايلانىس جاساۋ ابزالدىلىعىن تاسقىننان ساقتانۋدىڭ، اپاتتان قۇتقارۋدىڭ قۋاتتى ساياسي ابزالدىلىعىنا اينالدىرىپ، پارتيا تۋىن تاسقىننان ساقتانۋدىڭ، اپاتتان قۇتقارۋدىڭ ءبىرىنشى شەبىندە اسقاق جەلبىرەتۋ كەرەك.
ءماجىلىس باسقا دا ىستەردى اقىلداستى.
