ءۇرىمجى قالالىق دەنساۋلىق ساقتاۋ، سالاماتتىق كوميتەتىنىڭ مەڭگەرۋشىسى جاڭ ۋي تىلشىلەردىڭ سۇراعىنا جاۋاپ بەردى.
7-ايدىڭ 19-كۇنى، اۆتونوميالى رايوندىق حالىق ۇكىمەتىنىڭ اقپارات كەڭسەسى اقپار جاريالاۋ ءماجىلىسىن اشىپ، ءۇرىمجى قالاسىنىڭ كەزەكتەگى جاڭا تيپتى ايدارشا ۆيرۋس وكپە قابىنۋ ىندەتى جانە ودان ساقتانۋ - تىزگىندەۋ قىزمەتى جونىندە حابارلاندىرۋ شىعاردى ءارى تىلشىلەردىڭ سۇراۋىنا جاۋاپ قايتاردى.
”ءۇرىمجى قالاسى ءارقايسى ورىنداردىڭ حاۋىپ - قاتەر دارەجەسىنە نەگىزدەلىپ، الدىمەن ءتۇيىندى ءوڭىر، ءتۇيىندى ادامدار شوعىرىن نۋكلەين قىشىقىلىن تەكسەرۋگە ۇيىمداستىرادى ءارى بىرتىندەپ تەكسەرۋ كولەمىن كەڭەيتىپ، توپقا ءبولىپ، ءتارتىپتى تۇردە تۇتاس قالادا نۋكلەين قىشقىلىن اقىسىز تەكسەرۋ قىزمەتىن ورىستەتىپ، ەرتە بايقاپ، ەرتە مالىمدەپ، ەرتە اۋاشالاپ، ەرتە ەمدەۋگە شىنايى كەپىلدىك ەتەدى. قازىر مەديتسينالىق باقىلاۋعا الىنعاندار مەن ءتۇيىندى ادامدار توبىنىڭ نۋكلەين قىشقىلىن تەكسەرىپ بولدى“،-دەدى ءۇرىمجى قالالىق دەنساۋلىق ساقتاۋ، سالاماتتىق كوميتەتىنىڭ مەڭگەرۋشىسى جاڭ ۋي.
كەزەكتە، نۋكلەين قىشقىلىن تەكسەرەتىن 25 قۇرىلىم، 1600دەن استام ەمدەۋ قىزمەتكەرى ورنالاستىرىلدى بۇلار مەملەكەتتىك دەنساۋلىق ساقتاۋ، سالاماتتىق كوميتەتى ۇيىمداستىرعان 10 ولكە قالادان كەلگەن 10 گرۋپپا نۋكلەين قىشقىلىن تەكسەرىپ - ەمدەۋ اترەتىندەگى 200دەن استام ەمدەۋ قىزمەتكەرىمەن سەلبەسىپ، رايونداردى (اۋدان) بىرلىك ەتىپ، تۇتاس قالادا نۋكلەين قشقىلىن تەكسەرۋ قىزمەتىن ورىستەتەدى. ءۇرىمجى ءارقايسى رايونداردا ۇلگى جيناۋ تۇيىندەرىن قۇرىپ، الەۋمەتتىك اۋماق تۇرعىنداردى تارتىپپەن تەكسەرۋگە ۇيىمداستىردى. قالا تۇرعىندارى وزدەرى تۇرعان الەۋمەتتىك اۋماقتىڭ ۇقتىرۋى مەن تالابى بويىنشا بەلگىلەنگەن ورىنعا بارىپ ۇلگى الىپ تەكسەرتۋى، جەكەلىك ساقتانۋدى ويداعىداي ىستەۋى، ءبىر مەتر حاۋىپسىز ارالىق ساقتاۋى، توپتالماۋى، جينالماۋى، تارتىپپەن نۋكلەين قىشقىلىن تەكسەرۋ قىزمەتىنە سايكەسۋى كەرەك.
تومەندە، قالا تۇرعىندارىنا نۋكلەين قىشقىلىن تەكسەرۋدە كوڭىل بولۋگە ءتيىستى تۇيىندەردى ۇقتىرامىز:
ءبىرىنشى، تەكسەرۋ ناتيجەسىنە ىقپال جەتكىزبەۋ ءۇشىن، نۋكلەين قىشقىلىن تەكسەرتۋدەن ەكى ساعات بۇرىن تاماق ىشپەۋى، ۇلگى الۋدان 30 مينۋت بۇرىن تەمەكى شەكپەۋى، اراق ىشپەۋى، ساعىز شايناماۋى كەرەك.
ەكىنشى، ءوزارا جۇعىمدالۋدان ساقتانۋ ءۇشىن، بارلىق تەكسەرتۋشىلەر ماسكى تاعۋى، زاپاس ماسكى الا ءجۇرۋى، ۇلگى الۋ اقىرلاسقان سوڭ الماستىرۋى كەرەك.
ءۇشىنشى، مۇرىن - جۇتىقىنشاقتان ۇلگى الىپ تەكسەرۋدەن بۇرىن ۇلگى الۋشىلارعا مۇرىن شەرشەۋىنىڭ ءيىلۋى نەمەسە بۇرىن وپەراتسيا جاساۋ تاريحى بار - جوقتىعىن ايتۋى كەرەك، ۇلگى الۋ بارىسىندا مۇرىن ءبولىمى اشۋى، جىبىرلاۋى، تۇشكىرۋى مۇمكىن، دەرەۋ قاعازبەن نەمەسە قولمەن باسۋى كەرەك.
ءتورتىنشى، نۋكلەين قىشقىلىن تەكسەرۋدىڭ الدى - ارتىندا قولدىڭ تازالىعىنا ءمان بەرۋ، زارارسىزداندىرۋ سۇيىقتىعىمەن ءسۇرتۋ نەمەسە سپيرتپەن قولدى ءسۇرتۋ كەرەك.
بەسىنشى، ۇلگى العان كەزدە ادامدار ارا ءبىر مەتردەن جوعارى ارالىق ساقتاۋى كەرەك.
التىنشى، ۇلگى العان كەزدە ءسوزسىز ازاماتتىق كۋالىگىن الا بارۋى كەرەك.
