شينجياڭ گازەتىنىڭ جالپىلىق اقپارات قۇرالدارى تىلشىلەرى
ىندەتتەن ساقتانۋ - تىزگىندەۋدى ۇدايىلاندىرۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋدە رايونىمىزداعى قالىڭ پارتيا مۇشەلەرى سەنىمدى، بەكەمدى نىعايتىپ، باتىلدىقپەن قيىندىقتان تايسالماي العا ۇمتىلىپ، ورنالاستىرۋلاردى، تالاپتاردى، نىسانالار مەن مىندەتتەردى ناقتى، ەگجەي - تەگجەيلى، تياناقتى تۇردە يگەرىپ، پارتيا مۇشەلەرىنىڭ اۋەلگى ماقساتى مەن بورىشىن ءىس جۇزىندىك ارەكەتتەرىندە ايگىلەدى.
ءبىرىنشى شەپكە ىشكەرىلەي بويلاپ، اماندىقتى قورعادى
7 - ايدىڭ 18 - كۇنى ءدال تۇستە ۇرىمجىدە اۋا تەمپەراتۋراسى ℃36قا جەتتى. اۆتونوميالى رايوندىق جۇقپالى اۋرۋلار شيپاحاناسى سالماقتى ناۋقاستار مەديتسينا ءبولىمىنىڭ مەڭگەرۋشىسى سۇن شيانليدىڭ اۋا وتپەستەي بەرىك تۇمشالانعان قورعانۋ كيىمىن كيىپ ناۋقاستار رايونىندا قىزمەت ىستەگەنىنە 10 نەشە ساعات بولدى. ”قورعاۋىش جارعاقپەن وراپ ساۋناعا بۋلاعانداي بولىپ تۇرمىن، تۇلا بويىم تەرگە شىلانىپ كەتتى“، - دەدى سۇن شيانلي. ءبىراق ونىڭ بۇعان قاراۋعا مۇرساسى دا تيمەي، ناۋقاستار رايونىندا شيپاحاناعا جاڭا جەتكىزىلگەن جاڭا تيپتى ايدارشا ۆيرۋس وكپە قابىنۋ دياگنوزى تۇراقتاندىرىلعان ناۋقاستاردىڭ جاعدايىن قاداعالاۋدا.
سۇن شيانلي 7 - ايدىڭ 16 - كۇنى تاڭعا جۋىق شيپاحانانىڭ شۇعىل تەلەفونىن العان سوڭ، ناۋقاستار رايونىنا تىزگىن ۇشىمەن جەتتى. ”پارتيا مۇشەسىمىن، الدىمەن اتتانۋىم كەرەك، شيپاگەرمىن، ءسوز جوق، اتتانۋىم كەرەك“، - دەدى سۇن شيانلي. جۇقپالى اۋرۋلار ارناۋلى ءبولىمىنىڭ شيپاگەرى رەتىندە، الدىڭعى كەزەكتەگى ىندەتتەن قۇتقارۋ - ەمدەۋ جۇمىستارىندا ول ناۋقاستار رايونىندا تۇپ - تۋرا 60 كۇن ىستەگەن ەدى. ول: ”وسى ۋاقىتتا مەن جانە مەنىڭ ۇجىمىم بۇرىنعى قۇتقارۋ - ەمدەۋ تاجىريبەلەرىن مۇقيات قورىتىندىلادىق، قازىر 7 شيپاگەر تۇگەل قۇتقارۋ - ەمدەۋ جۇمىسىنا ات سالىسىپ وتىرمىز، ءاربىر ناۋقاستىڭ جاعدايىنا قاراي قۇتقارۋ - ەمدەۋ جوباسىن جاسادىق، ناۋقاستاردىڭ تەزىرەك ساۋىعىپ قايتۋلارىن ءۇمىت ەتەمىز“، - دەدى.
7 - ايدىڭ 18 - كۇنى ساعات 16دان 20 مينۋت شاماسىندا، ءۇرىمجى قالاسى توۋتۇنحى رايوندىق حالىق سوتى مەكەمەسىنىڭ گاڭچىڭ اۋماعى پيڭان الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى تاڭ جۋان قورعانۋ كيىمىن كيىپ، الەۋمەتتىك اۋماقتىڭ ەمدەۋ حالىققا قولايلى قىزمەت وتەۋ گرۋپپاسىنداعى كاسىپتەستەرىن باستاپ، قاراستى اۋماقتاعى الەۋمەتتىك ورىندارعا سول كۇنگى 2 - رەتكى زارارسىزداندىرۋ جۇمىسىن جۇرگىزدى. انە - مىنە دەگەنشە، ولاردىڭ قورعانۋ كيىمدەرى دىمداندى، كوزدەرى دە تەردەن قىزارىپ كەتتى.
زارارسىزداندىرۋ جۇمىسى اياقتالعان سوڭ، تاڭ جۋان كيىمىن اۋىستىرۋعا دا ۇلگىرمەستەن قىزمەت اترەتىنىڭ مۇشەسى چىن يۇيمەن بىرگە قاراستى اۋماقتاعى جالعىز تۇراتىن قارتتارعا بارىپ امانداستى ءارى ولارعا جۇمىرتقا، جەمىس، كوكونىس سياقتى ازىق - تۇلىكتەر مەن كۇندەلىكتى تۇرمىستىق بۇيىمدارىن اپارىپ بەردى. تاڭ جۋان: ”پارتيا مۇشەسى وسىنداي ساتتە كەۋدە كەرە العا شىعىپ، بۇقاراعا كوبىرەك ناقتى ىستەر ىستەپ بەرىپ، اۋەلگى ماقسات پەن بورىشتى ادا ەتۋى كەرەك“، - دەدى.
7 - ايدىڭ 18 - كۇنى ساعات 10نان 30 مينۋت وتكەندە، ءۇرىمجى قالاسى سايباق رايونى لۋيۋان كوشەسى اۋماعىن باسقارۋ كوميتەتى شۋاڭحى الەۋمەتتىك اۋماعىنىڭ تۇرعىنى سى يۇيفىڭ قولىنا زارارسىزداندىرۋ بۇرىككىشىن الىپ، تۇرعىندار عيماراتىنىڭ باسپالداقتارىن زارارسىزداندىردى. سى يۇيفىڭ بەتىندەگى تەردى ءسۇرتىپ: ”بۇگىن كۇن ىستىق ەكەن“، - دەدى. ول جاۋاپتى بولعان 3 عيماراتتىڭ ون نەشە بولەگىنىڭ بارلىعى كوپ قاباتتى ءۇي، ارى - بەرى شىعىپ - تۇسكەندە اياعى سىرقىراپ اۋىردى.
ىندەتتەن ساقتانۋ - تىزگىندەۋ قىزمەتىن جاقسى ىستەۋ ءۇشىن، 7 - ايدىڭ 16 - كۇنى كەشتە، شۋاڭحى الەۋمەتتىك اۋماعىنىڭ قىزمەتكەرلەرى ۋيچات توبىندا ەرىكتى قابىلداۋ ينفورماتسياسىن تاراتتى. سى يۇيفىڭ قوسىننان شەگىنگەن اسكەري ءارى 22 جىلدىق پارتيالىق ستاجى بار ساقا پارتيا مۇشەسى. ينفورماتسيانى كورگەن سوڭ، ول ەش ءارى - ءسارى بولماستان تىزىمدەلدى. ”كوممۋنيستىك پارتيا مۇشەسى رەتىندە، شەشۋشى ساتتە ەش ءارى - ءسارى بولماستان العا شىعۋىم كەرەك“، - دەيدى سى يۇيفىڭ.
بۇقارانىڭ قاجەتىن بار كۇشپەن قامتاماسىز ەتتى
”بۇل ارادا بارلىعى قالىپتى“. 7 - ايدىڭ 18 - كۇنى ساعات 13تە، قاتتى ىستىقتا، مەملەكەتتىك ەلەكتر تورى ءۇرىمجى ەلەكترمەن قامداۋ سەرىكتەستىگى حۇڭگۋاڭشان ەلەكترمەن قامداۋ بولىمشەسىنىڭ باستىعى شۇي تاۋ مەن كاسىپتەستەرى ينفرا قىزىل ساۋلەلى تەمپەراتۋرا ولشەۋ ناگانىمەن 10 كيلوۆولتتىق حىچيسى جەلىسىن شارلاپ تەمپەراتۋرا ولشەۋ قىزمەتىن ىستەپ جاتتى. ساعات 16 مولشەرىندە، شۇي تاۋ مەن كاسىپتەستەرى ءۇرىمجى قالاسىنداعى چيداۋۋان مەن باداۋۋان اراسىنداعى ءوڭىردىڭ ەلەكترمەن قامداۋ حاۋىپسىزدىگىن قامتاماسىز ەتەتىن 5 جەلىنى شارلاپ تەكسەرىپ بولدى.
وسى 2 كۇندە، شۇي تاۋ مەن 12 كاسىپتەسى ەلەكترمەن قامداۋ بولىمشەسىندە تاماقتانىپ، جاتىپ، 24 ساعات كەزەكشى بولىپ، قاراستى اۋماقتاعى 80 مىڭ ەلەكتر پايدالانۋشىنىڭ ەلەكتردەن حاۋىپسىز پايدالانۋىن قامتاماسىز ەتتى. شۇي تاۋ بىلاي دەدى: ”ءبىز قاراستى اۋماقتاعى بارلىق ەلەكتر جەلىسىن شارلاپ تەكسەرۋ جيىلىگىن ارتتىردىق، سونداي - اق 4 پارتيا مۇشەسىنەن قۇرالعان پارتيا مۇشەلەرى قىزمەت وتەۋ اترەتىن ۇيىمداستىرىپ، قاراستى اۋماقتاعى ەلەكتر ساتىپ الۋى قولايسىزداۋ ءىشىنارا تۇرعىنداردىڭ ەلەكتر ساتىپ الۋى ءۇشىن ۇيىنە بارىپ قىزمەت وتەپ، تۇرعىنداردىڭ ەلەكتردەن حاۋىپسىز پايدالانۋىن بار كۇشپەن قامتاماسىز ەتتىك“.
بيىل 34 جاستاعى مىڭ چيڭشي پارتياعا كىرۋ بەلسەندىسى، ول شينجياڭ ليڭچيڭ كوكونىس، جەمىس - جيدەك تولايىم ساتۋ بازارىندا كوكونىس تولايىم ساتۋ جۇمىسىمەن اينالىسادى. ”سوڭعى ەكى كۇندە تاڭعى ۋاقىت ساعات 6 − 7لەردەن باستاپ كوكونىس ساتتىق“، - دەدى مىڭ چيڭشي. ونىڭ ايتۋىنشا، كەي قالا تۇرعىندارىنىڭ ۇيىندە كوكونىس قالماعانىن بىلگەن سوڭ، كوكونىستى تۇرعىنداردىڭ ۇيىنە وزدىگىنەن جەتكىزىپ بەرىپتى.
7 - ايدىڭ 18 - كۇنى ساعات 8 دەن 30 مينۋتتا، جۇڭگو پوچتا توبى شەكتى سەرىكتەستىگى ءۇرىمجى قالالىق بولىمشە سەرىكتەستىگى جاڭا قالا رايوندىق پوچتا جولدامالارىن ءبولۋ ورتالىعىنىڭ يىڭبيڭ جولى تيجارات ءبولىمى تاسىمال قىزمەتكەرلەرىن كوكونىس تاسيتىن اۆتوموبيلدەردى تەكسەرۋگە، زارارسىزداندىرۋعا ورنالاستىرا باستادى. ساعات 10دا، اۆتوموبيل شينجياڭ زىجيڭ چۋانسو جوعارى جاڭا اۋىل شارۋاشىلىعى جارنا شەكتى سەرىكتەستىگىنىڭ كوكونىس بازاسىنان زات الۋ ءۇشىن ءدال ۋاعىندا جولعا شىقتى.
جۇڭگو پوچتا توبى شەكتى سەرىكتەستىگى ءۇرىمجى قالالىق بولىمشە سەرىكتەستىگى پارتكومىنىڭ شۋجيى، باس ديرەكتور داي حۇڭتاۋ بىلاي دەدى: سەرىكتەستىك پارتكومنىڭ ۇيىمداستىرۋ جانە جەتەكتەۋ رولىن ساۋلەلەندىرىپ، ىندەتتەن ساقتانۋ - تىزگىندەۋدىڭ مەيلىنشە قاتاڭ شاراسىن قولدانىپ، تۇتىنۋشىلاردىڭ پوچتا جولدامالارىن امان - ەسەن، الاڭسىز الۋىنا شىنايى كەپىلدىك ەتتى. بۇدان سىرت، قالا ىشىندە جەتكىزۋ كاسىبىن اشىپ، ىندەتتەن ساقتانۋ زاتتىق ماتەريالدارىن جانە تۇرمىستىق زاتتىق ماتەريالدارىن جەتكىزۋ قىزمەتىن بار كۇشپەن جاقسى ىستەدى.
باستاماشىلدىقپەن ناقتى ىستەپ، ءوندىرىستى جەبەدى
7 - ايدىڭ 18 - كۇنى تاڭەرتەڭ، اۆتونوميالى رايوندىق جاراتىلىستىق بايلىق مەڭگەرمەسىنىڭ ياركەن اۋدانى بەشكەنت قالاشىعىنىڭ ساڭبازار قىستاعىندا تۇراتىن ءبىرىنشى شۋجيى ۋاڭ ۋيجياڭ قىستاقتىڭ كەدەيلەردى سۇيەمەلدەۋ سەحىنا بارىپ، قىستاقتىڭ ءوندىرىس جاعدايىن تەكسەردى.
ۋاڭ ۋيجياڭ قىستاقتىڭ كەدەيلەردى سۇيەمەلدەۋ سەحى كيىم - كەشەك ءوندىرۋدى نەگىز ەتەتىنىن، ءار ايدا 20 مىڭنان استام تاپسىرىس قابىلدايتىنىن، جالپى 330 ادامدى جۇمىستانۋعا تارتقانىن، بۇلاردىڭ اراسىندا كەدەي وتباسىنان 110 ادام بار ەكەنىن ايتتى. ۋاڭ ۋيجياڭ بىلاي دەدى: ”بيىل بۇكىل قىستاق ۋاعىندا كەدەيلىكتەن ارىلىپ كەدەيلىك قالپاعىن الىپ تاستايدى. پارتيا مۇشەسى رەتىندە، مەن كەدەيلىكتەن ارىلتۋ ءبىرىنشى شەبىندەگى نەگىزگى كۇشتىك رولىمدى ويداعىداي ساۋلەلەندىرىپ، قىستاق تۇرعىندارىن كەدەيلىكتەن ارىلىپ كىرىستى ارتتىرۋعا باستاۋىم كەرەك“.
7 - ايدىڭ 18 - كۇنى تاڭعى ۋاقىت ساعات 3تە، سانجى قالاسىنداعى شينجياڭ چيفىڭ اۋىل شارۋاشىلىعى قوسىمشا ونىمدەرى ساۋدا بازارى كۇندەگىدەي جۇمىس باستادى. اۋىل شارۋاشىلىعى جانە قوسىمشا ونىمدەرى تيەلگەن جۇك اۆتوموبيلدەرىنىڭ بازارداعى 5 ساۋدا اۋماعىنا كىرگەنىن كورگەندە، سانجى مەملەكەتتىك اۋىل شارۋاشىلىعى عىلىم - تەحنيكا باقشاسى رايونى بازار باقىلاۋ - باسقارۋ مەكەمەسىنىڭ ورىنباسار باستىعى حى چىڭگاڭنىڭ جۇزىنە كۇلكى ءۇيىرىلدى.
چيفىڭ اۋىل شارۋاشىلىعى قوسىمشا ونىمدەرى ساۋدا بازارى ءار كۇنى ءار ءتۇرلى اۋىل شارۋاشىلىعى قوسىمشا ونىمدەرىنەن 1000 تونناعا تاياۋ زاتتىق ماتەريالدى زاپاس ساقتاۋدى قاجەت ەتەدى. ۇزدىكسىز ورنىقتى تۇردە قامداۋعا شىنايى كەپىلدىك ەتۋ ءۇشىن، حى چىڭگاڭ مەن مەكەمەدەگى 30 كادر چيفىڭ اۋىل شارۋاشىلىعى قوسىمشا ونىمدەرى ساۋدا بازارىندا تۇرىپ، بازارداعى تيجارات تۇلعاسى ورىندارىنىڭ جەر - جەردەگى تولايىم ساتۋشىلارمەن، ەگىمشىلىك، باعىمشىلىق ءىرى وتباسىلارىمەن جانە كاسىپتىك سەلبەستىك كووپەراتيۆتەرىمەن سايكەسۋىنە بەلسەنە كومەكتەسىپ، زات قاينارىن جانە زات تاسىمالىن ويداعىداي ۇيىمداستىردى. سونىمەن قاتار، بولىكتەر بويىنشا كوتەرمەگە الۋ ارقىلى بازارداعى تيجاراتشىلاردىڭ ءتۇرلى ماسەلەلەردى شەشۋىنە كومەكتەسىپ، بازارداعى قامداۋدىڭ جەتكىلىكتى، تيجاراتتىڭ ورنىقتى، ءتارتىپتى بولۋىنا شىنايى كەپىلدىك ەتتى.
7 - ايدىڭ 18 - كۇنى قارامايلى جۇڭگو مۇناي يلۇڭ جوعارى سورتتى جۇمسارتقىش ماي شەكتى سەرىكتەستىگىنىڭ ءوندىرىس سەحىندا، جۇمسارتقىش ماي ونىمدەرىن ءبولىپ قوراپقا قۇيۋ، ارناۋلى پايدالانىلاتىن جۇمسارتقىش ماي ءونىمى، قويۋ ماي جەلىلەس ونىمدەرى سىندى 3 ءوندىرىس جەلىسى توقتاۋسىز ءوندىرىس جۇرگىزىپ، جۇمىسشىلار قاربالاس جۇمىس ىستەپ جاتتى.
”قازىر سەرىكتەستىك پارتيا مۇشەلەرىن اۆانگارد ەتىپ، ءاربىر ءوندىرىس بۋىنىندا ءوندىرىستى بار كۇشپەن قامتاماسىز ەتىپ، ايىنا ورتا ەسەپپەن 1500 توننا ءونىم ءوندىرىپ، شينجياڭ ىشىندەگى ماشينا - جابدىق كاسىپورىندارىنىڭ جۇمىستى، ءوندىرىستى قالپىنا كەلتىرۋىنە قامتاماسىزدىق ازىرلەدى“. جالپىلىق سايكەستىرۋگە جاۋاپتى ءوندىرىس جۇرگىزۋ ءبولىمىنىڭ مەڭگەرۋشىسى جاڭ جيڭ سەرىكتەستىكتىڭ قامداۋدى قامتاماسىز ەتۋ قىزمەتىن بەلسەنە جاقسى ىستەۋمەن قاتار، مايدى پايدالانۋعا ”ەگىس اتىزىنىڭ كۇتۋشىسى“ ۇلگىسىندە قىزمەت وتەپ، ەگىننىڭ دەر كەزىندە ورىلۋىنا، ءتارتىپتى جۇرگىزىلۋىنە شىنايى كەپىلدىك ەتكەنىن تانىستىردى.
(ءتىلشى جاڭ يۇنمەي، قاتىناسقان تىلشىلەر چاۋ جين، فۋ شياڭلۇڭ، لياڭ ليحۋا، چىن چياڭۋي، يە شياۋمين، لۋ فىڭباۋ، حان چين - يان، گى يوۋجۇن، حي حۇڭۋي، ەرىكتى تىلشىلەر حى ليڭ، شى جىحۇي، يىن شۋەجۋان)
