تيانشان تورى
تيانشان تورى   ›   جاڭالىقتار   ›   ءۇرىمجى

ٴۇرىمجى قالاسى”ۋاقىتشا توقتاتۋ كنوپكاسىن“باسقاننان كەيىن ٴتىلشى ناق مايداندا تىلشىلىك ىستەدى

ٴۇرىمجى قالاسى ىندەتتەن ساقتانۋ - تىزگىندەۋ ”شايقاستىق كۇيگە“ ەندى،

ٴتۇرلى شوعىرلى قيمىلدار توقتاتىلدى، الەۋمەتتىك اۋماقتار جابىق باسقارىلدى

  7 ـ ايدىڭ 17 ـ كۇنى ٴۇرىمجى قالاسى تيانشان رايونى رىيۋە - شيڭگۋاڭ شاعىن اۋماعىنداعى كوكونىستى تىكە ساتۋ دۇكەنىنىڭ قىزمەتكەرى شۇي چيڭحى تۇرعىندارعا كوكونىس جەتكىزىپ بەرۋدە. سۋرەتتى شينجياڭ گازەتى جالپىلىق اقپارات قۇرالدارىنىڭ ٴتىلشىسى جوۋ پىڭ تۇسىرگەن

  قازىر، تۇرعىنداردىڭ تۇرمىسى بەينە ”كىدىرىس كنوپكاسىن“ باسقانداي بولدى

   ولاردىڭ كۇندەلىكتى تۇرمىسى قالاي قامتاماسىز ەتىلدى، وسى جونىندە ورتالىق راديو-تەلەۆيزيا باس ستانسياسى ورتالىق تەلەۆيزياسىنىڭ ٴتىلشىسى ناق مايداندا تىلشىلىك ىستەدى

تۇرعىنداردىڭ شاعىن اۋماقتان شىقپاي كوكتات ساتىپ الۋىنا بولادى

” زات باعاسى تۇراقتى، زاتپەن قامداۋ جەتكىلىكتى “

  ٴتىلشى كولىككە وتىرعاندا، ٴۇرىمجى قالاسىنداعى مەترو مەن الەۋمەتتىك قاتىناستىڭ نەگىزىنەن توقتاتىلعانىن، جولداعى اۆتوموبيلدەر مەن جۇرگىنشىلەردىڭ تىم از ەكەنىن بايقادى

  رىيۋە- شيڭگۋاڭ شاعىن اۋماعى رىگۋاڭ تۇرعىندار رايونى شينجياڭ ٴۇرىمجى قالاسى تيانشان رايونى جاستار كوشەسىنە ورنالاسقان. بۇل ارادا 1794 وتباسى 4068 تۇرعىن تۇرادى.

  تۇرعىنداردىڭ تاماق ماسەلەسىن شەشۋ ٴۇشىن، بۇل شاعىن اۋماق زارارسىزداندىرۋ وتكەلىنەن وتكەن 14 جەمىس ـ جيدەك دۇكەنى، ەرەن بازار، ٴدارى ـ دارمەك دۇكەنىن تاڭداپ، ولاردىڭ ارتقى تەرەزەسى اشىلعاننان كەيىن تۇرعىندار شاعىن اۋماقتان شىقپاي ـ اق نەگىزگى تۇرمىس كەرەك - جاراقتارى مەن ٴدارى ـ دارمەك ساتىپ الاتىن بولدى.

  زاتپەن قامداۋدى قامتاماسىزداندىرۋ ٴۇشىن

   تيانشان رايونى تۇندەلەتىپ 140 كەبەجەلى جۇك اۆتوموبيلىن شىعارىپ

   تۇتاس رايونداعى 120 كوكونىسپەن قامداۋ ورنىنا زات جەتكىزىپ بەردى

   الەۋمەتتىك اۋماق تۇرعىندارى العاشىندا كوكونىس ساتىپ الا الماي، زات باعاسىنىڭ وسۋىنەن الاڭداعانىن ايتتى

 ” قازىر بايقايمىن بارلىعى قالىپتى كورىنەدى، باعا تۇراقتى، زات جەتكىلىكتى “

  ىندەتتەن ساقتانۋ - تىزگىندەۋ شارالارىنا تۇرعىندار تۇسىنىستىكپەن قارادى

  12 جاسقا تاياپ قالعان كىشكەنتاي جەتكىنشەك ٴوزىنىڭ ىندەتتەن قورىقپاعانىن، ٴاربىر ادام ماسكى تاقسا، ” قورعانۋ وسىنشا جاقسى، توتەنشە حاۋىپسىز بولادى“ ،-دەدى.

  ” نە قاجەت ەتسەڭىز بىزگە تەلەفون سوعىڭىز… “

وسىنداي جىلى سوزدەر ۇرىمجىدەگى ٴارقايسى الەۋمەتتىك اۋماقتاردا تارالدى

ماتەريال سۋرەت

  7-ايدىڭ 17-كۇنى تاڭەرتەڭ ساعات 9دان اسقاندا 89 جاستان اسقان گو جينحۇي قاريا ەسىك قاققان دىبىستى ەستىپ، ەسىك اشقاندا، ەسىك الدىندا بىرنەشە ادام كەلىپ: ”اجەي، سىزگە كوكونىس اكەلدىك“،-دەدى. سويلەگەندەر ٴۇرىمجى قالاسى ميدۇڭ رايوندىق باجى مەكەمەسىنىڭ ميدۇڭ وڭتۇستىك كوشەسى باسقارۋ كوميتەتى جين ـ ان الەۋمەتتىك اۋماعىندا تۇراتىن قىزمەت اترەتىنىڭ ٴبىرىنشى شۋجيى ساۋ گوچيڭ، ونىڭ سوڭىندا قىزمەت اترەتىنىڭ مۇشەسى يزاگۇل ابدۇحاقار قاتارلىلار بار ەدى. ولار بىرنەشە قالتا كوكونىس كوتەرىپ العان. ”وزدەرىڭە ايىرىقشا راقىمەت ايتامىن، ەندى الاڭسىز بولدىم“. قاريا قاتتى تەبىرەنىپ، جالما-جان كوكونىستى الدى. قارتتىڭ توڭازىتقىشىندا ٴالى ەت پەن جۇمىرتقا بارىن كورىپ، يزاگۇل قارتقا تاۋسىلعاننان كەيىن وزىنە تەلەفون سوقسا، ول جانە قىزمەتتەستەرىنىڭ دەرەۋ ساتىپ اكەلەتىنىن قاداعالاي تاپسىردى.

ماتەريال سۋرەت

  ٴتىلشى ٴۇرىمجى قالاسىنداعى كوپتەگەن الەۋمەتتىك اۋماقتاردان ىندەت جاعدايى الدىندا، ٴارقايسى الەۋمەتتىك اۋماق قىزمەتكەرلەرى مەن ەرىكتىلەر بەلسەنە اتتانىسقا كەلىپ، تۇرعىنداردىڭ قاجەتىن ماڭداي الدى ورىنعا قويىپ، تۇرعىندارعا قاناعاتتانارلىقتاي تۇرمىس قامتاماسىزداندىرۋ قىزمەت وتەۋىن جەتكىزىپ، تۇرعىنداردىڭ قالىپتى تۇرمىس تارتىبىنە كەپىلدىك ەتكەنىن ۇعىستى

  كوپ جەر كومەككە اتتاندى

بۇل تىلدەسۋ سانسىز ادامداردى اسەرلەندىرەدى

  تاياۋدا مەملەكەتتىك دەنساۋلىق ساقتاۋ، سالاماتتىق كوميتەتى 10 ولكە، قالانىڭ نۋكلەين قىشقىلىن تەكسەرۋ 10 ەمدەۋ اترەتىن شينجياڭنىڭ ٴۇرىمجى قالاسىنا كومەككە اتتانۋعا ۇيىمداستىردى

  18-كۇنى تۇستە حۋبەي ولكەسىنىڭ نۋكلەين قىشقىلىن تەكسەرۋ ەمدەۋ اترەتىنىڭ 21 ادامى ەڭ الدىمەن جەتتى

  ۇشاق قوناردا كەڭىستىكتەن كەنەتتەن اۋىق-اۋىق داۋىس جەتىپ، سانسىز توردوستى اسەرلەندىردى .

  حۋبەي ولكەلىك نۋكلەين قىشقىلىن تەكسەرۋ ەمدەۋ اترەتىنىڭ جەتەكشىسى

   ۋحان قالالىق جينيىنتان شيپاحاناسى لاباروتاريالق ٴبولىمىنىڭ مەڭگەرۋشىسى شياڭ جيە بىلاي دەدى :

   ۇرىمجىنىڭ ىندەتكە قارسى تۇرۋىنا كومەكتەسۋ ۇقتىرۋى جاريالانعاننان كەيىن

   شيپاحانانىڭ ٴارقايسى بولىمدەرىندەگى قىزمەتكەرلەر بەلسەنە تىزىمدەلدى

   تىزىمدەلۋدەن قىزمەتكەرلەردىڭ ەسىمدىگى تۇراقتانعانعا

   تەك 3 ساعات قانا كەتتى

  ” حۋبەيدا ىندەت تارالعان كەزدە،

   شينجياڭ ىلگەرىندى - كەيىندى ٴۇش توپتا ەمدەۋ اترەتىن حۋبەيعا كومەككە جىبەردى،

   بۇل دوستىق سۇيىسپەنشىلىكتى حۋبەي حالقى ەستەرىندە ساقتاپ كەلدى،

   وسى جولى ٴۇرىمجىنىڭ ىندەت جاعدايىنا ازىراق ەسە قوسۋ،

   ٴبىزدىڭ باس تارتۋعا بولمايتىن بورىشىمىز! “

  ٴۇرىمجى قالالىق ورتا تازالىعى تاراۋلارى تازالاۋ،

ىندەتتەن ساقتانۋ قىزمەتىن بوساڭسىتپادى

ماتەريال سۋرەت

  ٴتىلشى ٴۇرىمجى قالالىق قالا باسقارۋ مەكەمەسىنەن (اكىمشىلىك زاڭ اتقارۋ مەكەمەسىنەن) قازىر ورتانى قورعاۋ تاراۋلارى ادام، ماشينا كۇشتەرىن ۇيلەسىمدى ورنالاستىرىپ، نەگىزگى، قوسالقى جول، تەز قارقىندى جول، تۇرعىندار شاعىن اۋماعى سياقتى ٴتۇيىندى وڭىرلەردى تازالاۋ، قوقىر ـ قوقسىقتى تاسۋ سياقتى قىزمەتتەردى قالىپتى ورىستەتكەنىن، سونىمەن بىرگە، ٴتۇرلى ورتانى قورعاۋ قۇرىلعىلارىن كۇندەلىكتى زارارسىزداندىرۋدى كۇشەيتكەنىن ۇعىستى.

  كەزەكتە تيانشان رايونىنداعى بارلىق قوقىر - قوقسىقتى وتكەرمەلى تاسىمالداۋ پۋنكتتەرى ارناۋلى ادام ورنالاستىرىپ، وسى قۇرىلعىلاردى ٴار كۇنى ٴۇش رەتتەن استام تازالاپ جانە زارارسىزداندىرىپ، بارلىق قوقىر-قوقسىق تاسىمالداۋ اۆتوموبيلدەرىن ٴبىر رەت تاسىسا، ٴبىر رەت زارارسىزداندىرۋدى ورىندادى.

 ٴۇرىمجى پوچتاسى تۇڭچىڭ زات اينالىمى جەتكىزىپ بەرۋدى قالىپتى ورىستەتتى

جولداما جەتكىزۋشىلەر ىندەتتەن ساقتانۋ بۇيىمدارىن تاپسىرىپ الىپ، جەتكىزۋدە.

  ٴتىلشى جۇڭگو پوچتا توبى شەكتى سەرىكتەستىگى ٴۇرىمجى قالالىق بولىمشە سەرىكتىگىنەن ىندەتتەن ساقتانۋ-تىزگىندەۋ قىزمەت وتەۋ، قامتاماسىزداندىرۋ قىزمەتىن جاقسى ىستەۋ ٴۇشىن، وسى سەرىكتەستىك تۇڭچىڭ جەتكىزۋ كاسىبىن قالىپتى ورىستەتىپ، جەتكىزۋ قوسىنىن كوبەيتىپ، كوكونىس، جەمىس ـ جيدەك، كۇرىش، ۇن، ماي سياقتى قاجەتتى تۇرمىستىق بۇيىمداردى قالا تۇرعىندارىنىڭ قولىنا جەتكىزىپ بەرگەندىگىن ۇعىستى.

  24 ساعاتتا 787 دانا تاپسىرىس قابىلدادى

ۇرىمجىدەگى مىنا ەرەن بازارىنىڭ وتباسىلارىنا زات جەتكىزۋى راسىندا قاربالاس

  ىندەتتەن ساقتانۋ - تىزگىندەۋدى جاقسى ىستەۋ ٴۇشىن، شينجياڭ دوستىق (توبى) جارنا شەكتى سەرىكتەستىگىنىڭ (تومەندە قىسقاشا دوستىق توبى دەلىنەدى ) قاراستىلىعىنداعى بارلىق ەرەن بازارلارى قىزمەت وتەۋ ٴتاسىلىن وزگەرتىپ، ”زاتتى وتباسىلارىنا جەتكىزۋدى“ باستى ۇسىنىس ەتىپ، جەتكىزۋشى قىزمەتكەرلەردى زارارسىزداندىرۋ، قورعانۋ قىزمەتىن جاقسى ىستەپ، قاريدارلارعا ” جۋىپساي “ زات جەتكىزىپ بەردى ٴارى زاتتاردىڭ جەتكىلىكتى بولۋىنا ۋادە بەرىپ، باعانى استە وسىرمەي، تاۋلىك بويى تاپسىرىس قابىلدادى. زات ساتىپ الۋ بەلگىلى سوماعا جەتسە، ٴارقايسى دۇكەندەر توڭىرەگىندەگى 5 كيلومەتر كولەم ىشىندە بەلگىلەنگەن ورىنعا اقىسىز جەتكىزدى.

ماتەريال سۋرەت

   ” ۋاي، سالەمەتسىز بە، بۇل ارا دوستىق ەرەن بازارى، ٴسىز الگىندە تاپسىرىس بەرگەن مەكەنجاي… “ 7 ـ ايدىڭ 17 ـ كۇنى ساعات 0دەن باستاپ، دوستىق ساۋدا سارايىنىڭ تيجارات-تاسىمال ورتالىعىنىڭ قىزمەتكەرى چىن لەي بەلگىسىز تاپسىرىستى انىقتاۋعا جاۋاپتى بولىپ، ون نەشە ساعاتتان بەرى داۋىسى ٴبىراز قارلىعىپ قالدى. ” وسى ەرەكشە مەزگىلدە، ٴاربىر الارمانعا بارىنشا كومەكتەسۋىمىز كەرەك، مەن دە الارمانداردىڭ زاتتى ەرتەرەك الۋى ٴۇشىن قاربالاستاپ جاتىرمىن، سوندىقتان دەرەۋ انىقتاۋىم كەرەك “، ـ دەدى چىن لەي . قازىر زات ۇلەستىرۋشى بولىپ جۇرگەن دوستىق توبى باسقارۋ ٴبولىمىنىڭ باستىعى حان ۋيحۋا ٴبىر جاعىنان تاپسىرىس قابىلداپ، زات تاڭداپ ساتىپ السا، ەندى ٴبىر جاعىنان بىلاي دەدى: ”جەلىدەگى شاعىن پروگراممادان سىرت، تاعى 27 ٴۇنحات توبى بار، ٴاربىر توپتا 400 دەن استام ادام بار، ٴىس جۇزىندە باسىم ءبىرشاما زور“.

ماتەريال سۋرەت

  7-ايدىڭ 17 ـ كۇنى ساعات 24كە دەيىن وسى ەرەن بازارى تاپسىرىپ العان 787 دانا جاڭا تاپسىرىس ٴالى جالعاسۋدا …

شينجياڭ قايراتتان !

 ٴۇرىمجى قايراتتان !

 جەڭىس، ٴسوز جوق، بىزگە ٴتان

  اۋدارعان: قادىر ماقان

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.