7-ايدىڭ 20 -كۇنى، اۆتونوميالى رايوندىق ۇكىمەتتىڭ اقپارات كەڭسەسى اقپار جاريالاۋ ءماجىلىسىن اشىپ، ءۇرىمجى قالاسىنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى جاعدايىن حابارلاندىردى ٴارى تىلشىلەردىڭ سۇراۋىنا جاۋاپ بەردى.
ٴۇرىمجى قالالىق دەنساۋلىق ساقتاۋ، سالاماتتىق كوميتەتىنىڭ ورىنباسار مەڭگەرۋشىسى چاڭ جيانمەي بىلاي دەدى: ”جاڭا تيپتى ايدارشا ۆيروس وكپە قابىنۋ ىندەتى سەبەبىنەن الەۋمەتتىك اۋماقتى جابىق باسقارۋ مەزگىلىندە، ەمدەۋ قۇرىلىمدارى ناۋقاستاردىڭ ەمدەلۋ قاجەتىنە نەگىزدەلىپ، تۇرگە ٴبولىپ ەمدەپ، ناۋقاستىڭ نەگىزگى ەمدەلۋ قاجەتىن قاناعاتتاندىرۋعا شىنايى كەپىلدىك ەتەدى“.
شۇعىل حارەكترلى اۋرۋعا قاراتا، ايتالىق، شۇعىل سيپاتتى جۇرەك، مي، قان تامىر اۋرۋى نەمەسە توسىن شىرعالاڭ تۋىلسا، 120عا تەلەفون سوعۋعا بولادى. 120 شۇعىل قۇتقارۋ اۆتوكولىگى ناۋقاستى دەر كەزىندە ەمدەۋ قۇتقارۋ قۋاتى بار شيپاحاناعا جەتكىزەدى.
سوزىلمالى حارەكترلى اۋرۋى بار ناۋقاستارعا قاراتا، بۇدان بۇرىنعى ىندەت تارالعان مەزگىلدەگى قاتىستى ەمدەۋ قامسىزداندىرۋ ساياساتى بويىنشا، قاتىستى ءدارى - رەتسەپتى جالعاستى ۇزاق ۋاقىت قولدانۋ بەلگىلەمەسىنە ساي، سوزىلمالى ناۋقاستاردىڭ ٴدارى ساتىپ الۋ قاجەتىن قامتاماسىزداندىرادى. ەگەر قاجەتتى تەكسەرۋ، داعدىلى قايتالاي تەكسەرۋگە تۋرا كەلسە، الەۋمەتتىك اۋماق قىزمەتكەرلەرىمەن بايلانىس جاساعاننان كەيىن، الەۋمەتتىك اۋماق اۆتوكولىك ورنالاستىرىپ، شيپاحاناعا اپارادى.
سالماقتى ناۋقاستارعا قاراتا، ايتالىق، بۇيرەك قىزمەتى السىرەگەن ناۋقاستار، راك اۋرۋى بارلار، سونداي - اق باسقا دا مەرزىم بويىنشا ەمدەلۋ قاجەت بولعان ناۋقاستار، ەڭ اۋەلى، الەۋمەتتىك اۋماقتاعى جاۋاپتى كادرلارعا تەلەفون بەرىپ، الەۋمەتتىك اۋماق ورنالاستىرعان اۆتوكولىكپەن شيپاحاناعا جەتكىزىلەدى.
جۇكتى، بوسانعان ايەلدەر، بالالار، قارتتاردى قامتىعان ەرەكشە ادامداردىڭ شۇعىل قاجەتى بولعاندا، الدىن الا كەلىسىۋ، ونان سوڭ ەمدەلۋ پرينسيبى بويىنشا، قاتىستى شيپاحانالاردىڭ ينفورماتسيا تەكشەسى ارقىلى ساتى بويىنشا الدىن الا كەلىسۋ كەرەك. جۇكتىلىكتىڭ ورتا مەزگىلىندەگى داعدىلى تەكسەرۋگە تۋرا كەلگەن جۇكتى ايەلدەردىڭ تۋىت تەكسەرۋ ۋاقىتىن ارتقا شەگەرىپ، ىندەت جاعدايىنىڭ اۋىر مەزگىلىن تاڭداماي، لايىقتى ۋاقىتتى تاڭداۋىن ۇسىنىس ەتەمىز.
ناۋقاس جانە ونىڭ وتباسىنداعىلار شيپاگەرگە كورىنۋ بارىسىندا ءوزىن قورعانۋ قىزمەتىن جاقسى ىستەۋى كەرەك.
