تيانشان تورىنىڭ حابارى (سۋرەتىن ءتۇسىرىپ حابارىن جازعان تىلشىلەر ليۋ مىڭمىڭ، دوۋ شيڭجۇن، جانات تولقىن). 7-ايدىڭ 20-كۇنى، اۆتونوميالى رايوندىق ۇكىمەتتىڭ اقپارات كەڭسەسى اقپار جاريالاۋ ءماجىلىسىن اشىپ، ءۇرىمجى قالاسىنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى جاعدايىن حابارلاندىردى ٴارى تىلشىلەردىڭ سۇراۋىنا جاۋاپ بەردى
7-ايدىڭ 19-كۇنى، اۆتونوميالى رايون ءارقايسى اۋدان، قالا، رايونداردىڭ حاۋىپ - قاتەر دارەجەسىن يكەمدى رەتتەۋ حابارلاندىرۋىن شىعاردى، سايباق رايونى مەن تيانشان رايونى حاۋىپ - قاتەر دارەجەسى جوعارى رايون قاتارىنا ەندى.
سايباق رايونىنىڭ ورىنباسار باستىعى ما شينپيڭنىڭ تانىستىرۋىنا قاراعاندا، ىندەتتەن ساقتانۋ - تىزگىندەۋ مەزگىلىندەگى قىزمەت وتەۋدى قامتاماسىزداندىرۋدى كۇشەيتۋ ءۇشىن، سايباق رايونى تومەندەگىدەي شارالاردى اتقاردى: ءبىرىنشى، اۋەلگى 74 الەۋمەتتىك اۋماقتاعى كوكونىستەردى تىكە ساتۋ دۇكەندەرىن نەگىز ەتە وتىرىپ، ۋاقىتتىق كوكونىستى تىكە ساتۋ ورنىنان 554ىن كوبەيتىپ قۇرىپ، شاعىن اۋماقتاردىڭ كوكونىسپەن جاپپاي قامدالۋىن جۇزەگە اسىردى؛ ەكىنشى، 3 ەرەن بازار (بەييۋانچۇن، ليڭچيڭ، جينلياڭيۋان)، 74 الەۋمەتتىك اۋماق كوكونىستەردى تىكە ساتۋ دۇكەنى، 320 دان اسا قوعامداعى كوكونىس دۇكەندەرى سونداي - اق ءدارى دۇكەنى، قولايلى دۇكەندەردىڭ قالىپتى تيجارات جۇرگىزۋىنە شىنايى كەپىلدىك ەتىپ، كۇرىش، ۇن، ماي، ەت، جۇمىرتقا، ءسۇت، كوكونىس قاتارلى زاتتارمەن قالىپتى قامداۋعا كەپىلدىك ەتەدى؛ ءۇشىنشى، قاراستى رايونداعى 10 ۇلكەن ساۋدا، ەرەن بازارىن جەلىدە ساتۋ، جەلىدەن تىس جەتكىزۋ ءتاسىلىن قولدانىپ زاتپەن قامداۋعا ۇيىمداستىرىپ، ءار ۇلت بۇقاراسىنا دەر كەزىندە تۇرمىستىق قاجەتتى بۇيىمدار جەتكىزىپ بەرەدى.
سونىمەن قاتار، قاراستى رايونداعى 60 مىڭنان استام ەرىكتىنى ۇيىمداستىرىپ، ىندەتتەن ساقتانۋ - تىزگىندەۋ بىلىمدەرىن كەڭىنەن ۇگىتتەپ، بۇقارانىڭ عىلمي قورعانۋ، ساقتانۋ تانىمىن جوعارىلاتتى؛ تۇرعىندارعا دەر كەزىندە تۇرمىستىق قاجەتتى بۇيىمدار مەن تەز جولدامالارىن جەتكىزىپ بەردى؛ 240تان استام مەيىر باعىشتاۋ قىزمەت وتەۋ اۆتوكولىگىن ورنالاستىرىپ، سىرتقا شىعاتىن تۇرعىندارعا قولايلىلىق جاراتتى؛ ۇيىندە مەديتسينالىق باقىلاۋعا الىنعانداردىڭ تۇرمىستىق قوقىستارىن دەر كەزىندە تازالاپ، تۇرعىندار اۋلاسىن جان - جاقتى، قالتارىسسىز زارارسىزداندىردى؛ تۇتاس رايونداعى 882 الەۋمەتتىك اۋماققا كەزەكشى ورنالاستىرىپ، الەۋمەتتىك اۋماق تۇرعىندارىن سىرتقا شىقپاۋعا ءناسيحاتتاپ، ايقاسپالى جۇعىمدالۋ قاتەرىن ازايتتى؛ 103 پسيحيكالىق جەتەكشى ۇيىمداستىرىپ، پسيحولوگيالىق قىسىمدى باسەيتىپ، پسيحيكالىق داعدارىستىڭ الدىن الۋ سىندى شارالاردى قولدانىپ، جۇرت كوڭىلىن ورنىقتىردى.
