تيانشان تورىنىڭ حابارى (سۋرەتىن ءتۇسىرىپ حابارلاعان تىلشىلەر ليۋ مىڭمىڭ، دوۋ شيڭجۇن، جانات تولقىن). 7-ايدىڭ 20-كۇنى، اۆتونوميالى رايوندىق ۇكىمەتتىڭ اقپارات كەڭسەسى اقپار جاريالاۋ ءماجىلىسىن اشىپ، ءۇرىمجى قالاسىنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى جاعدايىن حابارلاندىردى ٴارى تىلشىلەردىڭ سۇراۋىنا جاۋاپ بەردى.
ءۇرىمجى قالالىق اۋرۋدىڭ الدىن الۋ-تىزگىندەۋ ورتالىعىنىڭ مەڭگەرۋشىسى رۇي باۋليڭ بىلاي دەدى: ”ەپيدەميولوگيالىق تەكسەرۋ — جۇقپالى اۋرۋدان ساقتانۋ - تىزگىندەۋدەگى ماڭىزدى قىزمەتتەردىڭ ءبىرى. وسى رەتكى ىندەت تۋىلعان سوڭ، ءبىز دەرەۋ تەكسەرۋ قوسىنىن ۇيىمداستىرىپ، كۇنى -ءتۇن دەمەي دياگنوزى تۇراقتاندىرىلعان ناۋقاستارعا، اۋرۋ بەلگىسى جوق جۇعىمدالۋشىلارعا تەكسەرۋ جۇرگىزدىك. تەكسەرۋ ينفورماتسياسىن دەر كەزىندە قالالىق قولباسشىلىق شتابىنا مالىمدەپ، سارالاپ، تىعىز جۋىسقانداردى انىقتاپ، الدىمەن جەر - جەردىڭ مەديتسينالىق باقىلاۋ شارالارىن تياناقتاندىرۋىنا مۇمكىندىك جاسادىق. ءبىز تۇتاس قالاداعى ءتۇيىندى ونىمدەرگە، ازىق - تۇلىكتەرگە، ءتۇيىندى وڭىرلەردىڭ سىرتقى ورتاسىن جانە لاس سۋدى ۇلگى الىپ تەكسەردىك، تەكسەرۋ ناتيجەسى تۇگەلدەي بولىمسىز بولدى؛ لاستانۋى مۇمكىن بولعان سىرتقى ورتانى تۇگەلدەي تۇبەگەيلى زاراسىزداندىردىق“.
