تيانشان تورى   ›   جاڭالىقتار   ›   ۇلتتىڭ گۇلدەنۋى جولىندا ەرجۇرەك قۇرباندار شەجىرەسى

شىن لياڭلياڭ: حالىق جۇرەگىندەگى بەيبىتشىلىكتى قورعاۋ قاھارمانى

شىن لياڭلياڭنىڭ سۋرەتى. شينحۋا اگەنتتىگى تاراتقان

  شينحۋا اگەنتتىگىنىڭ بەيجيڭنەن بەرگەن حابارى (ءتىلشى ليۋ شياۋحۇڭ). 78 - جيتۋانجۇن بەلگىلى قۇرىلىسشى اسكەر جانە حيميالىق قارۋلاردان قورعانۋ اسكەر لۇيى جۋىردا وتكىزگەن ”شىن لياڭلياڭ ەسكەرتكىش زالىنىڭ“ اشىلۋ سالتىندا قىزىل ءتۇستى“ قاھارماندار تاقتاسى“ قۇرباننىڭ سۋرەتىنىڭ الدىنا قويىلدى. تاقتاداعى 365 سايلاۋىت اسكەردىڭ اڭگىمەسى قاھارمانداردىڭ ءىزباسارى بارلىعىن ەسكەرتىپ، كوڭىلگە مەدەت بەرەدى.

  شىن لياڭلياڭ، ەر، 1987 - جىلى دۇنيەگە كەلگەن، حىنان ولكەسى ۋىنشيان اۋدانىنان، جۇڭگو كوممۋنيستىك پارتياسىنىڭ مۇشەسى. كوزى تىرىسىندە 78 - جيتۋانجۇن بەلگىلى قۇرىلىسشى اسكەر جانە حيميالىق قارۋلاردان قورعانۋ اسكەر لۇيىنىڭ نەگىزى بولعان اسكەري ءبولىمنىڭ جاۋىنگەرى ەدى، شاڭشى اسكەري شەنىن العان.2010 - جىلى 7 - ايدا جيلين قالاسى 2 - سۇڭحۋاجياڭ وزەنىندە تاسقىن تۋىلىپ، ول ليان - دۇيمەن بىرگە يۇڭجي اۋدانى كوۋچيان قالاشىعىندا قاتەردەن اراشالاۋ، اپاتتان قۇتقارۋ مىندەتىن اتقارادى. بەلگىلەنگەن ورىنعا جەتكەننەن كەيىن، ول ىزدەۋ - قۇتقارۋ بولىمشە اترەتىنە ءبىرىنشى بولىپ تىزىمدەلىپ قاتىناسادى. ارالىقتا، تالاي رەتكى قاتەرلى جاعدايدى باستان كەشىرسە دە، ول ەشتەڭەدەن تايىنباي، ارتقا ءبىر قادام دا شەگىنبەي، جاۋىنگەر سەرىكتەرىمەن بىرگە قامالىپ قالعان بۇقارادان 50 نەشە ادامدى قۇتقارىپ شىعادى.

  2013 - جىلى يىڭ ونى ماشينا باسقارماسىنىڭ جاۋاپتىسى ەتىپ تاعايىندايدى. ماشينا باسقارماسىندا قىزمەت ىستەگەن 3 جىلدا ءتۇرلى جابدىقتاردىڭ يقۋاتى، پارامەترى، كۇيى، ءتىپتى، قاتىناۋ ارالىعى، ۇنەمى كەزدەسەتىن كىلتيپاندارى سياقتىلاردى شىن لياڭلياڭ جاتقا ايتاتىن بولادى، ماشينا باسقارماسى جىل سايىن جوعارى ورىن جاعىنان وزات بولىپ باعالانادى.

  اسكەري قوسىنعا قاتىناسقان 11 جىلدان بەرى قىزمەت قاجەتىمەن ۇيىم ونى ىلگەرىندى - كەيىندى 7 قىزمەت ورنىندا قىزمەت ىستەۋگە ورنالاستىرادى، ول بۇلاردىڭ بارلىعىنا باتىل بويسۇنادى. اسىرەسە، ماليداعى بەيبىتشىلىكتى قورعاۋ مىندەتىنە قاتىناسۋ ءۇشىن، شىن لياڭلياڭ ىرىقتىلىقپەن قالىڭدىعىمەن اقىلداسىپ، ۇيلەنۋىن كەشەۋىلدەتەدى.

  اسكەري ءبولىمنىڭ ماليعا بەيبىتشىلىكتى قورعاۋعا باراتىندىعىن ەستىگەننەن كەيىن، شىن لياڭلياڭ ۇدايى 2 جىل ليان، يىڭ، تۋان ءۇش دارەجەلى پارتيا ۇيىمىنا شايقاسقا بارۋ ءوتىنىشىن تاپسىرادى. بەيبىتشىلىكتى قورعاۋ مىندەت وڭىرىنە بارعاننان كەيىن، ول ۋيچات قولتاڭباسىنا ”ەرلىك، ەرلىك“ دەپ جازادى. اپەكەسى وعان: حاۋىپسىزدىككە كوڭىل ءبول، - دەپ قايتا - قايتا تاپسىرادى، ول اپەكەسىنەن: ”اكە - شەشەمىزگە بىلدىرمە، ولاردى الاڭداتپا“، - دەپ وتىنەدى.

  مالي جەرگىلىكتى ۋاقىتى بويىنشا 2016 - جىلى 5 - ايدىڭ 31 - كۇنى ساعات 20دان 50 مينۋت وتكەن مولشەردە شىن لياڭلياڭ مەن جاۋىنگەر سەرىگى سى چۇڭچاڭ بەيبىتشىلىكتى قورعايتىن يىڭ اۋماعىنىڭ 2 - قاقپاسى مىندەت ورنىندا ساقتىق مىندەتىن وتەپ تۇرعاندا، بەيساۋات اۆتوموبيل جوعارى قارقىنمەن يىڭ قاقپاسىنا قاراي اعىزىپ كەلە جاتادى. باس قاراۋىل شىن لياڭلياڭ دەرەۋ شايقاس جاساۋ كەزەكشى بولمەسىنە مالىمدەيدى ءارى ساقتىق دابىلىن قاعىپ، يىڭ اۋماعىنا ساقتىقتى جاقسى ىستەۋدى ۇقتىرادى، سونىمەن بىرگە باتىلدىقپەن سى چۇڭچاڭنىڭ نىساناعا توسقاۋىلداپ سوققى بەرۋىنە قولباسشىلىق ەتەدى، اۆتوموبيل قوپارىلىس جاساعان قاس - قاعىم ساتتە ول سى چۇڭچاڭدى قاراۋىلحانادان يتەرىپ تۇسىرەدى.

  اسىلىندە، شىن لياڭلياڭنىڭ تاسالانۋعا ۋاقىتى، ورايى بار بولاتىن، ءبىراق ول ءوزىنىڭ جەكە باسىنىڭ اماندىعىن قايىرىپ قويىپ، باستان - اياق قاراۋىل ورنىنان تاپجىلماي، مىندەت - جاۋاپكەرشىلىگىن اتقارىپ، بومبى اۆتوموبيلىنىڭ يىڭ اۋماعىنا باسىپ كىرۋىن توسۋ جولىندا نە بارى 29 جاسىندا ەرلىكپەن قۇربان بولدى. ونىڭ قاھارماندىق ەرلىك ءىسىنىڭ ارقاسىندا، بەيبىتشىلىكتى قورعاۋ اسكەري قوسىنىنىڭ كوماندير - جاۋىنگەرلەرى ءتىپتى دە زور جارالانۋ مەن ءولىم - جىتىمنەن امان قالدى، ول ءومىرى ارقىلى ءبىر اسكەريدىڭ بورىش - جاۋاپكەرشىلىگىن امالياتتا ايگىلەدى.

  قاھارماننىڭ مۇراتىنا مۇراگەرلىك ەتۋ ءۇشىن، بۇل لۇي ۇزاق ۋاقىت بويى ”قاھارماننىڭ داڭقتى ىزگى ىستەرىنەن ۇيرەنەيىك، قاھارماننىڭ ەسەيۋ جولىمەن جۇرەيىك“ اتتى قيمىلىن ورىستەتىپ، قاھارماندى ارداقتايتىن، قاھارماننان ۇيرەنەتىن، قاھارماندى قورعايتىن قويۋ راي قالىپتاستىردى. قازىر كوماندير - جاۋىنگەرلەردىڭ %90تەن استامى تاسقىنعا قارسى اتتانىپ، اپاتتان قۇتقارۋ، شەتەلگە شىعىپ بەيبىتشىلىكتى قورعاۋ، سىرتقا شىعىپ بىرلەسپە جاتتىعۋعا قاتىناسۋ سياقتى شۇعىل، قيىن، قاتەرلى، كەلەلى مىندەتتەرگە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.