تيانشان تورى
تيانشان تورى   ›   جاڭالىقتار   ›   ۇلتتىڭ گۇلدەنۋى جولىندا ەرجۇرەك قۇرباندار شەجىرەسى

جاڭ چاۋ: كوگىلدىر كوككە ۇلاسقان ارمان، تەڭىز بەن اۋەدەگى اسقاق جىگەر

جاڭ چاۋدىڭ سۋرەتى. شينحۋا اگەنتتىگى تاراتقان (سۋرەتتى لي ليچياڭ تۇسىرگەن)

  شينحۋا اگەنتتىگىنىڭ بەيجيڭنەن بەرگەن حابارى (ءتىلشى مەي چاڭۋي). بوحاي شىعاناعى جاعالاۋى، تەڭىزگە تاياۋ سالىنعان جاتتىعۋ الاڭىندا، جيان - 15 ۇشاعىنىڭ جويقىن گۇرىلى اسپاندى ءتىلىپ وتكەندەي ەدى − 2015 - جىلى 3 - ايدىڭ 14 - كۇنى 28 جاستاعى جاڭ چاۋ ءدال وسى ارادان اتتانىپ، اۋياماتكاعا قاراي ۇشۋ ساپارىن باستاعان بولاتىن.

  ول تەڭىز ارمياسىنىڭ توتەنشە تاڭداۋىمەن، ەرەن تاربيە العان اۆياماتكاداعى سوعىس ۇشاعى ۇشقىشتارىنىڭ ءبىرى، ونىڭ كلاستاس ۇشقىشتارى 2013 - جىلى ۇيرەنۋدى، جاتتىعۋدى باستاپ كەتكەن بولاتىن. بىلايشا ايتقاندا، جاڭ چاۋ ءبىر جىلدىڭ ىشىندە جاۋىنگەر سەرىكتەرىنىڭ 2 جىلدان استام ۋاقىتتا يگەرگەنىنە جەتىسۋى كەرەك. ەگەر ول ورىنداپ كەتە السا، جاڭا جاتتىعۋ جوباسىن جۇرگىزۋگە بولاتىندىعىن بىلدىرەدى، بۇل حالىقتىق تەڭىز ارمياسى اۋياماتكادا الىپ جۇرەتىن سوعىس ۇشاعى ۇشقىشتارىن تاربيەلەۋ اياق الىسىن زور دارەجەدە جەدەلدەتەدى.

  جاتتىعۋ مىندەتى اۋىر، قىسىم بەسەنەدەن بەلگىلى. الايدا بۇنىڭ ءبارى جاڭ چاۋ باستان كەشىرمەسە بولمايتىن ىستەر ەدى.

  اۋەلگى قىزمەت ورنى ونى بەرگىسى كەلمەگەن، جاڭ چاۋ ىلگەرىندى - كەيىندى 8 ءتۇرلى تۇرپاتتاعى سوعىس ۇشاعىن ۇشىرعان، وزگەرتىلگەن جيان - 8 ۇشاعىن، ەلىمىز وندىرگەن ءۇش ۇرپاق جاڭا تۇرپاتتى سوعىس ۇشاعىن ۇشىرعان، سونىڭ بارىندە ول وزىمەن ءبىر توپتاعى ۇشقىشتاردىڭ ىشىندە الدىمەن جەكە ۇشاتىن ۇشقىش، بۇكىل تۋانعا تانىمال ۇشۋ شەبەرى ەدى.

  اۋياماتكا الىپ جۇرەتىن ۇشاقتا ۇشۋدى تاڭداۋدىڭ ءوزى بارلىعىن جاڭادان باستاۋ بولاتىندىعىن جاڭ چاۋ ابدەن بىلەدى، بۇل ءتىپتى دە ۇلكەن حاۋىپ - قاتەردى كورسەتەدى. الايدا، ءتىپتى بيىك، ءتىپتى الىس القارا كوك تەڭىزدە ۇشۋ ونىڭ قايراتتانا ۇمتىلعان ارمانى ەدى. اۆياتسيا مەكتەبىنەن وقۋ تاۋىسقان كەزدە مەكتەپ ونى وقىتۋشىلىققا الىپ قالۋدى العا قويادى، جاڭ چاۋ سوعىس جۇرگىزۋشى قوسىنعا بارۋدى باتىل تالاپ ەتىپ، اقىرىندا ”تەڭىز، اۋە قورعاۋشىسى“ ۋاڭ ۋي ءتىرى كەزىندە تۇرعان قوسىنعا بولىنەدى.

  تاڭداۋ كەزىندە ەمتيحان الۋشىنىڭ ءبىرىنشى قويعان سۇراۋى: ”اۋياماتكاداعى سوعىس ۇشاعىن ۇشىرۋ دۇنيە جۇزىندە جاپپاي مويىندالعان ەڭ حاۋىپتى ۇشۋ ارەكەتى، كەلگىڭ كەلە مە؟“، - دەيدى. جاڭ چاۋ: ”حاۋىپتى ەكەنىن بىلەمىن، ءبىراق بارعىم كەلەدى“، - دەپ جاۋاپ بەرەدى.

  القارا كوك اسپان، كوك تەڭىز ارمانى مەن سانسىز ءۇمىتتى ارقالاعان جاڭ چاۋ اۋياماتكاداعى اۋە اسكەرلەرى قوسىنىنا قوسىلعان كۇننەن باستاپ، ”كۇش ۇستەۋ ۇلگىسىن“ ىسكە قوستى: 6 اي ۋاقىتتا ول جاتتىعۋ اياق الىسىن قۋىپ جەتتى؛ 10 اي ۋاقىتتا ول جيان - 15 ۇشاعىن تۇڭعىش ۇشىرىپ كوك اسپانعا كوتەرىلدى. بارلىق ساباق پاندەرىنەن باعالاۋ ناتيجەسى تۇگەلدەي ۇزدىك بولدى.

  2016 - جىلى 4 - ايدىڭ 27 - كۇنى جاڭ چاۋدىڭ قالعان جاتتىعۋ مىندەتىن ورىنداپ، اۋياماتكاعا ءساتتى شىعۋىنا 3 ۇشۋ كۇنى عانا قالعان بولاتىن. تەك اۋياماتكادا ۇشىپ - قونۋ ارەكەتى جاتتىعۋىن ورىنداپ، اۋياماتكاعا شىعۋ تولىمدىلىق كۋالىگىن العاندا عانا اۋياماتكاداعى ناعىز سوعىس ۇشاعى ۇشقىشىنا اينالۋعا بولادى.

  سول كۇنى جوسپار بويىنشا جاڭ چاۋ مەن جاۋىنگەر سەرىكتەرى 3 رەت تومەن كەڭىستىكتە، توتەنشە تومەن كەڭىستىكتە ۇشۋ جاتتىعۋىن جۇرگىزبەك بولادى. 2 - رەتكى ۇشۋ اياقتاعاندا تەڭىز بەتىندە تۇمان كوتەرىلىپ، كورۋ اياسى تارىلا باستايدى، 3 - رەتكى ۇشۋ قۇرلىقتىق ۇلگى بويىنشا اۋياماتكاعا قونۋ جاتتىعۋىنا رەتتەلەدى.

  ساعات 12دەن 59 مينۋتتا جاڭ چاۋدىڭ تىزگىنىندەگى 117 ءنومىرلى جيان - 15 ۇشاعى اۋياماتكاعا قونۋ اۋە جولىنا كىرەدى. ونىڭ اۋياماتكاعا قونۋداعى ۇشۋ ونەرى ەرەن بولاتىن، الدەقاشان ورىنداعان %93.24تىك ۇشۋ رەتىندە، ساندى مالىمەت باعالاۋى 3.12 نومىرگە جەتكەن، ال 2.75 ءنومىر السا بولعانى، اۋياماتكاعا شىعۋ تالابىنا ۇيلەسەتىن.

  الايدا، جاڭ چاۋ مۇلتىكسىز كۇيگە تاياۋ دالمە - ءدال قونۋدى ورىنداعاننان كەيىن، جەرگە ءتيىپ سىرعي باستاعان ۇشاق اياق استىنان ”كىلتيپان سيگنالىن“ بەرىپ، ۇشاقتىڭ تۇمسىعى شورت نەداۋىر شالقايا كوتەرىلىپ، 80 گرادۋستىق شالقايۋ بۇرىشىنان اسقان كۇيدە كۇرت تومەن قۇلدىرايدى.

  ۇستىنەن تۇسىرىلگەن بەينە ەكران مەن ۇشۋ شاماسى مالىمەتىندە كورسەتىلۋىنشە، ساعات 12دەن 59 مينۋت 11.6 سەكۋندتا كىلتيپان بايقالعاننان 59 مينۋت 16 سەكۋندتا پاراشوتپەن سەكىرگەنگە دەيىنگى ارالىقتا، ارجاق - بەرجاعى 4.4 سەكۋند ىشىندە جاڭ چاۋ تەك ءبىر عانا ارەكەتتى ىستەگەن، ياعني بار كۇشىمەن مەڭگەرگىشتى يتەرىپ، ۇشاق تۇمسىعىن جوعارى كوتەرمەۋگە تىرىسىپ، ۇشاقتىڭ كۇيرەۋىنەن ساقتانۋمەن بولعان.

  الايدا، بيىكتىك وتە تومەن، تۇرعى ناشار بولعاندىقتان، جاڭ چاۋ اتىلىپ شىققان پاراشوتپەن سەكىرگەننەن كەيىن، نەشە ون مەتر جەردەگى شوپتەسىنگە گۇرس ەتىپ قۇلاپ، جۇرەگى، باۋىرى، كوك باۋىرى، وكپەسى اۋىر زاقىمدالادى. شيپاحاناعا اپارا جاتقان جولدا ول جاۋىنگەر سەرىگىنەن: ”ءولىپ قالامىن با، ەندىگارى ۇشا المايمىن با...“، - دەپ سۇرايدى.

  ساعات 15تەن 8 مينۋت وتكەندە، جاڭ چاۋدىڭ جاس جۇرەگى ماڭگى سوعۋدان توقتايدى.

  2016 - جىلى ورتالىق اسكەري ىستەر كوميتەتى جاڭ چاۋ جولداسقا ”تەڭىز بەن اۋەگە ارمانى ۇلاسقان ارميانى قۇدىرەتتەندىرۋدىڭ اتويشىسى“ داڭقتى اتاعىن تولىقتاپ بەردى.

  2018 - جىلى ورتالىق اسكەري ىستەر كوميتەتىنىڭ بەكىتۋىمەن، ”تەڭىز بەن اۋەگە ارمانى ۇلاسقان ارميانى قۇدىرەتتەندىرۋدىڭ اتويشىسى“ جاڭ چاۋ بۇكىل ارمياداعى سۋرەتىن تامعا ىلەتىن قاھارمان ۇلگىلەردىڭ قاتارىنا قوسىلدى.

  جۇڭگونىڭ اۋياماتكادا سوعىس ۇشاعىن ۇشىرۋ ىستەرىنە كوڭىل بولەتىندەر ونىڭ ەسىمىن ۇمىتپايدى −

  جاڭ چاۋ، ەر، حۋناننىڭ يۋەياڭىنان، 1986 - جىلى 8 - ايدا دۇنيەگە كەلگەن، 2004 - جىلى 9 - ايدا اسكەري قوسىنعا قاتىناسقان، 2009 - جىلى 5 - ايدا پارتياعا مۇشە بولعان، تەڭىز ارمياسىنىڭ اۋياماتكاداعى اۋە اسكەرلەرى قوسىنى ورىنباسار يىڭ دارەجەلى قىزمەتتەگى ورتا اترەت باستىعى، تەڭىز ارمياسىنىڭ شاڭۋي اسكەري شەنىن العان، 1 - دارەجەلى ۇشقىش.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.