ليۋ چيانشىڭ
ەمدەۋ - كۇتىمدەۋ قىزمەتكەرلەرى اتويلاپ الدا ءجۇرىپ، بار كۇشىمەن ناۋقاستاردى قۇتقارۋدا، ەمدەۋدە؛ الەۋمەتتىك اۋماق قىزمەتكەرلەرى شوگەلدىكپەن، توزىمدىلىكپەن تۇرعىنداردىڭ قاجەتىن قامتاماسىز ەتۋدە؛ نەگىزگى ساتىداعى حالىق ساقشىلارى كۇندى - تۇنگە جالعاپ كەزەكشىلىك ىستەپ، بارلىعىمىزدىڭ اماندىعىمىزدى قورعاۋدا؛ جانەدە قالىڭ نەگىزگى ساتى كادرلارى، ورتا تازالىقشىلار، ەرىكتىلەر بار... ۇرىمجىدەگى ىندەت الدىندا، كوپتەگەن ادامدار كاسىبىن ارداقتاپ، كەزەكشىلىك ىستەپ، ءۇن - ءتۇنسىز ۇلەس قوسۋدا.
ءبىر اندە ”مەن ساعان العىس ايتامىن، ءومىرىمنىڭ ءار كۇنىندە“ دەپ شىرقالۋشى ەدى. ءدال وسى شاقتا ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدىڭ ءتۇرلى قىزمەتتەرىنىڭ ءبىرىنشى شەبىندە قايراتتانا كۇرەس جاساپ جاتقان ەرجۇرەك جاندارعا العىسىمىز بەن قۇرمەتىمىزدى بەينەلەۋىمىزگە وسىدان ارتىق ءسوز تابا الماسپىز. ءبىز شىن جۇرەكتەن بىلاي دەگىمىز كەلەدى: راقىمەت، جاپا شەكتىڭىزدەر! ونە بويلارىڭىزدان باتىل دا قايسارلىقتىڭ، ادالدىقپەن جاۋاپكەرشىلىك ارقالاۋ قۇنىنىڭ نۇر - شۇعىلاسى شاشىلۋدا؛ سىزدەردىڭ ىستەگەن ىستەرىڭىز ءبىزدىڭ ىندەتتەن ساقتانۋ - تىزگىندەۋ حالىقتىق شايقاسىندا، جالپى تۇلعالىق شايقاسىندا، توسقاۋىل شايقاسىندا، ءسوزسىز، جەڭىسكە جەتەمىز دەيتىن سەنىمىمىزدى بەكەمدەدى.
العىس ايتۋدىڭ ەڭ تاماشا ءتاسىلى − ”تىزە قوسا جورىققا اتتانۋ“. قىزمەت ورنىمىز ۇقسامايتىندىقتان، بارلىعىمىزدىڭ بىردەي ءبىرىنشى شەپكە اتتانۋىمىزدىڭ قاجەتى شامالى، ءاربىرىمىز ىندەتتەن ساقتانۋ - تىزگىندەۋدىڭ ءتۇرلى قىزمەتتەرىنە بەلسەنە سايكەسۋ جانە ونى قولداۋ ارقىلى، وسى شايقاستا جەڭىسكە جەتۋگە ءوز كۇشىمىزدى قوسۋىمىزعا بولادى. تەك ءاربىر ادام ءوز باسىنان باستاعاندا، ءوز توڭىرەگىنەن باستاعاندا عانا، قىزمەت بورىشتارىن ادا ەتىپ، جاۋاپكەرشىلىك ارقالاپ ىسكەرلىك كورسەتكەندە عانا، ىندەتتەن ساقتانۋدىڭ، ىندەتكە قارسى اتتانۋدىڭ قۇرىش قورعانىن، ءسوز جوق، سوعا الادى.
(”لەپتى لەبىزگە“ ماقالا جولداۋ حات ساندىعى: xjrbplb@126.com)
