اۆتونوميالى رايون مەن ءۇرىمجى قالاسىنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتاپتارىنىڭ بىرلەسكەن ءماجىلىسى اشىلدى

ساقتانۋ - تىزگىندەۋدى عىلمي، دالمە - ءدال، ءونىمدى، ويداعىداي يگەرىپ، ىندەتتىڭ تارالۋىن، ءورشۋىن باتىل تەجەيىك

　　شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ جىيۇن 7 - ايدىڭ 19 - كۇنى ۇرىمجىدەن حابارلايدى. 7 - ايدىڭ 19 - كۇنى تۇستەن كەيىن اۆتونوميالى رايون مەن ءۇرىمجى قالاسىنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتاپتارىنىڭ بىرلەسكەن ءماجىلىسى اشىلدى. ءماجىلىس اۆتونوميالى رايوندىق پارتكومنىڭ قىزمەت ورنالاستىرۋلارىن دايەكتىلەندىرىپ، تياناقتاندىرىپ، اۆتونوميالى رايوننىڭ، ءۇرىمجى قالاسىنىڭ ساقتانۋ - تىزگىندەۋ قىزمەتى كۇشتەرىن ونان ارى ءبىر تۇتاس جوسپارلاپ، مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى ماماندار گرۋپپاسىنىڭ جەتەكشى پىكىرى بويىنشا كەزەكتەگى ىندەتتەن ساقتانۋ - تىزگىندەۋ قىزمەتىن ويداعىداي ىستەدى.

　　اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنىڭ قولباسشىسى لي پىڭشين ءماجىلىستى باسقاردى ءارى ءسوز سويلەدى.

　　مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى ماماندار گرۋپپاسىنىڭ مۇشەلەرى ماجىلىسكە قاتىناستى.

　　ءماجىلىس مىنالاردى باسا دارىپتەدى: حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، ىندەتتەن ساقتانۋ - تىزگىندەۋدى كەزەكتەگى ەڭ ماڭىزدى، ەڭ كوكەي تەستى مىندەت ەتىپ، ەڭ باتىل، ەڭ ءۇزىلدى - كەسىلدى، ەڭ قاتاڭ شارا قولدانىپ، تارالۋ جولدارىن باتىل ءۇزىپ، ىندەتتىڭ تارالۋىن، ءورشۋىن باتىل تەجەپ، حالىق بۇقاراسىنىڭ ءومىرىنىڭ حاۋىپسىزدىگىنە جانە دەنساۋلىعىنا شىنايى كەپىلدىك ەتۋ كەرەك.

　　ءماجىلىس مىنالاردى اتاپ كورسەتتى: كۇشتەردى شوعىرلاندىرىپ ەپيدەميولوگيالىق تەكسەرۋدى، ۆيرۋستىڭ تەگىن انىقتاۋدى ورىستەتىپ، اۆتونوميالى رايون، ءۇرىمجى قالاسى سىندى 2 دارەجەلى قىزمەت كۇشتەرىن بىرىكتىرىپ، ماماندار گرۋپپاسىمەن بىرلەسىپ، قىزمەت جوباسىن جاقسارتىپ، قىزمەت شارالارىن كەمەلدەندىرىپ، جاڭا تەحنيكالاردىڭ رولىن تولىق ساۋلەلەندىرىپ، ۆيرۋستىڭ جۇعىمدالۋ قاينارىن، تارالۋ جولدارىن جەدەل انىقتاپ، ىندەتكە قارسى اتتانۋ ءۇشىن دايەكتى نەگىز ازىرلەۋ كەرەك. ءبىر جاعىنان، ەپيدەميولوگيالىق تەكسەرۋ جۇرگىزۋگە، ءبىر جاعىنان، تەكسەرۋ - ولشەۋگە، ەندى ءبىر جاعىنان، ساقتانۋ - تىزگىندەۋگە تاباندى بولىپ، جۋىسقان ورىندار مەن بايلانىستى ادامداردى جەدەل تۇراقتاندىرىپ، تەكسەرۋگە تيىستىلەردى مۇمكىندىگىنشە تەكسەرۋدى، اۋاشالاۋعا تيىستىلەردى مۇمكىندىگىنشە اۋاشالاۋدى ورىنداپ، باسقارۋسىز قالۋدان، باسقارۋدا ساڭلاۋ قالۋدان باتىل ساقتانۋ كەرەك.

　　ءماجىلىس مىنالاردى اتاپ كورسەتتى: ناۋقاستاردى قۇتقارۋ - ەمدەۋ قىزمەتىن عىلمي ورىستەتۋ كەرەك. بەلگىلەنگەن شيپاحانالاردىڭ، زاپاسقا دايىندالعان شيپاحانالاردىڭ قۇتقارۋ - ەمدەۋ شارت - جاعدايىن جەدەل كەمەلدەندىرىپ، مەديتسينالىق جابدىقتار مەن ساقتانۋ - قورعانۋ بۇيىمدارىن تولىق، جەتكىلىكتى دايىنداپ، مەديتسينالىق قۇتقارۋ - ەمدەۋ ماماندار قوسىنىن عىلمي جۇمىلدىرىپ، جۇڭگوشا شيپاگەرلىك پەن باتىسشا شيپاگەرلىكتى ۇشتاستىرا وتىرىپ ەمدەۋ - قۇتقارۋ ورىستەتۋگە تاباندى بولىپ، حالىق بۇقاراسىنىڭ ءومىرىنىڭ، دەنساۋلىعىنىڭ حاۋىپسىزدىگىن ەڭ جوعارى شەكتە قورعاۋ كەرەك. ەمدەۋ قىزمەتكەرلەرىنىڭ ساقتانۋ - قورعانۋ شارالارىن جالپى بەتتىك كۇشەيتىپ، بۇقارانىڭ اۋرۋ كورسەتۋ ارنالارىن ىركىلىسسىزدەندىرۋ كەرەك.

　　ءماجىلىس مىنالاردى اتاپ كورسەتتى: نۋكلەين قىشقىلىن تەكسەرۋدى توپقا ءبولىپ، ءتارتىپتى تۇردە ورىستەتۋ كەرەك. جەڭىلى مەن سالماقتىسىن، باياۋى مەن شۇعىلىن ايىرىپ، ءتۇيىندى قاۋىمدى، ءتۇيىندى اۋماقتى، ءتۇيىندى سالانى كورنەكتىلەندىرىپ، نۋكلەين قىشقىلىن تەكسەرۋدى ءتۇيىندى تۇردە توپقا - رەتكە ءبولىپ ورىستەتۋ كەرەك. قىزمەت جوباسىن كەمەلدەندىرىپ، قىزمەت ءتارتىبىن كەمەلدەندىرىپ، ۇلگى جيناۋ، تەكسەرۋ - ولشەۋ، ساندى مالىمەتتەرگە تالداۋ جاساۋ، قوسىن سەپتەۋ سياقتى ءتۇرلى بۋىنداردىڭ ۇشتاسۋىنىڭ تىعىز، ىركىلىسىسز دە جوعارى ءونىمدى بولۋىنا شىنايى كەپىلدىك ەتىپ، تەكسەرۋگە تيىستىلەرىن مۇمكىندىگىنشە تەكسەرۋدى، تەكسەرتۋدى قالايتىنداردى مۇمكىندىگىنشە تەكسەرۋدى جەدەل، ءونىمدى ورىنداۋ كەرەك.

　　ءماجىلىس مىنالاردى تالاپ ەتتى: بيڭتۋان مەن جەرگىلىكتى ورىن ءبىر تۇتاس جۇيە، بۇكىل شينجياڭ ءبىر تۇتاس جۇيە دەپ قاراۋعا تاباندى بولىپ، ءار دارەجەنىڭ ساياسي جاۋاپكەرشىلىگىن، تۇلعالىق جاۋاپكەرشىلىگىن، قىزمەت جاۋاپكەرشىلىگىن تياناقتاندىرۋدى كۇشەيتىپ، ءبىر تۇتاس جوسپارلاپ بىرلەسە قيمىلداۋدى، سايكەسىمدى، جوعارى ءونىمدى بولۋدى ورىنداپ، ءبىر نيەتپەن جۇمىلا، بىلەك بىرىكتىرە وتىرىپ ىندەتتەن ساقتانۋ - تىزگىندەۋدىڭ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە جەتۋ كەرەك.

　　اۆتونوميالى رايوننىڭ باسشىلارىنان شۇي حايرۇڭ، تيان ۋىن، ۋاڭ ميڭشان، ماڭلىك سەيت، ليۋ جيانشين، ۋان حايچۋان، ياڭ يۇڭ ماجىلىسكە قاتىناستى.