تيانشان تورى
تيانشان تورى   ›   جاڭالىقتار   ›   شينجياڭ حابارلارى

رايونىمىزدىڭ تاس جول قۇرىلىس نىساندارىنىڭ اياق الىسى ءساتتى بولدى

  شينجياڭ گازەتىنىڭ جالپىلىق اقپارات قۇرالدارى ءتىلشىسى لۋ فىڭباۋ 7 - ايدىڭ 19 - كۇنى ۇرىمجىدەن حابارلايدى. 7 - ايدىڭ 19 - كۇنى تۇستەن بۇرىن، G575 جەلىسىنىڭ باركولدەن قۇمىلعا دەيىنگى تاس جول نىسانىندا، جۇمىسشىلار جولعا اسفاليت توسەپ، توسەۋ ماشينالارى مەن تاپتاۋىش جابدىقتار سايكەستى ىلگەرىلەپ، اسفاليتتى جول العا سوزىلۋدا.

  وسى نىساننىڭ تىزگىندەۋ سيپاتتى ينجەنەرياسى − شىعىس تيانشان تۋنەلى دە قارقىندى قۇرىلىس جۇرگىزۋدە، قازىرگە دەيىن جالپى 8.8 كيلومەتر ىلگەرىلەي قازىلدى، تۋنەلدىڭ تۇتاساتىن ۋاقىتى دا جاقىنداپ قالدى. ”ءبىز ءبىر جاعىنان، ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن ويداعىداي ىستەپ، ەندى ءبىر جاعىنان، قىزمەتكەرلەر مەن جابدىقتاردى كوبەيتىپ، قازۋ ونىمدىلىگىن جوعارىلاتىپ، تۋنەلدىڭ ءدال ۋاعىندا تۇتاسۋىنا شىنايى كەپىلدىك ەتەمىز“، - دەدى G575 جەلى نىسانىنىڭ قۇرىلىس جۇمىسى 2 - مەردىگەرلىك بولىگىنىڭ وندىرىسكە جاۋاپتى ورىنباسار ديرەكتورى جاڭ ۋىن - ۋ تەلەفوندا تىلشىگە.

  قازىر رايونىمىزداعى ءتۇيىندى تاس جول نىساندارىنىڭ قۇرىلىس جۇمىسشىلارى ىندەتتەن ساقتانۋ - تىزگىندەۋ شارالارىن ويداعىداي ىستەۋمەن بىرگە، قۇرىلىس مەرزىمىن مىقتى ۇستاپ، قۇرىلىس اياق الىسىن جەدەلدەتىپ، ينجەنەريانىڭ ءدال ۋاعىندا اياقتاۋىنا شىنايى كەپىلدىك ەتتى.

  شياۋساۋحۋدان ۇرىمجىگە دەيىنگى وزگەرتىپ، كەڭەيتىپ سالۋ ينجەنەرياسى 7 - ايدىڭ سوڭىندا سالىنىپ بولىپ كولىك قاتىناتۋعا كۇش سالۋدا، قازىر نىسان قۇرىلىسى اياقتايىن دەپ قالدى. ”ءبىز قۇرىلىس مەرزىمىن مىقتى ۇستاپ، قوسىمشا قۇرىلعىلاردى سالىپ جاتىرمىز. كولىك قاتىناعاننان كەيىن، شينجياڭعا كىرىپ - شىعاتىن جوعارى قارقىندى تاس جولدىڭ ورتاڭعى ارناسىنىڭ قاتىناۋ قۋاتى زور مولشەردە جوعارىلايدى“، - دەدى وسى نىساننىڭ ۇنەمىلىك ىستەرگە جاۋاپتى ورىنباسار باس قولباسشىسى گۋان چىڭجياڭ.

  ءۇرىمجى − لوپنۇر جوعارى قارقىندى تاس جولىنىڭ تىزگىندەۋ ينجەنەرياسىنىڭ تيانشان شىڭلي تۋنەلىندە جۇمىسشىلار قازۋ جابدىقتارىن ىسكە قوسىپ، تۋنەلدى ازدان - ازدان ۇڭگىپ العا ىلگەرىلەۋدە، قازىر جيىنى 1100 مەتردەن استام قازىلدى.

  مۇنان تىس، باركولدەن موريعا دەيىنگى جوعارى قارقىندى تاس جول، ۇلاستايدان تايكەشكەنگە دەيىنگى تاس جول، لاۋيەمياۋ شەكارا وتكەلىنەن باركولگە دەيىنگى تاس جول سياقتى ۇلاستىرۋ، تۇتاستىرۋ نىساندارىنىڭ قۇرىلىسى دا جەدەل ىلگەرىلەتىلۋدە؛ تەكەستەن موڭعۇلكۇرەگە دەيىنگى 1 - دارەجەلى تاس جول جاڭادان قۇرىلىس باستاپ سالىنىپ، نومنان حۇڭليڭگە دەيىنگى، قۇمبۇلاقتان شىعىس تۇزكولگە دەيىنگى تاس جول نىساندارىنىڭ العاشقى مەرزىمدىك قۇرىلىستارى ويداعىداي ىستەلدى؛ ءدوڭمازاردان نىلقىعا دەيىنگى، دولاتى شەكارا وتكەلىنەن موڭعۇلكۇرەگە دەيىنگى بولىگىندە وسى جىل ىشىندە كولىك قاتىناۋدان ءۇمىت بار.

  بيىل رايونىمىزدىڭ قاتىناس قۇرىلىستارىنىڭ نەگىزگى مەجەلى نىساناسى − قاتىناس - تاسىمال تۇراقتى مۇلكىنە 54 ميلليارد 200 ميلليون يۋان قارجى قوسىپ، 49 تاس جول نىسانىن جوسپارلاپ اتقارۋ. قازىر ءارقايسى تاس جول قۇرىلىسى نىساندارى ءساتتى ىلگەرىلەپ، قۇرىلىسشىلار قارقىندى قۇرىلىس جۇرگىزىپ، ”شينجياڭ ىشىندە شەڭبەر قالىپتاستىرۋدى، شينجياڭعا كىرىپ - شىعۋدى تەزدەتۋ“ نىساناسىن جەدەل جۇزەگە اسىرۋدى ىلگەرىلەتۋدە.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.