ءۇرىمجى قالاسىندا قازىرگى مەديتسينالىق باقىلاۋعا الىنعان ادامداردىڭ بارلىعىنا نۋكلەين قىشقىلىن تەكسەرۋ جۇرگىزىلىپ بولدى
شينجياڭ گازەتىنىڭ جالپىلىق اقپارات قۇرالدارى تىلشىلەرى لي چۇنشيا، جاۋ چۇنحۋا 7 - ايدىڭ 19 - كۇنى ۇرىمجىدەن حابارلايدى. 7 - ايدىڭ 19 - كۇنى تۇستەن كەيىن اۆتونوميالى رايوندىق ۇكىمەتتىڭ اقپارات كەڭسەسى اقپار جاريالاۋ ءماجىلىسىن اشىپ، ءۇرىمجى قالاسىنىڭ ىندەتتەن ساقتانۋ - تىزگىندەۋ قىزمەتىنىڭ ىلگەرىلەۋ جاعدايىن حابارلاندىردى. ساناققا نەگىزدەلگەندە، 7 - ايدىڭ 18 - كۇنى ساعات 12دەن 7 - ايدىڭ 18 - كۇنى ساعات 24كە دەيىن ءۇرىمجى قالاسىندا جاڭادان قوسىلعان جاڭا تيپتى ايدارشا ۆيرۋس وكپە قابىنۋ دياگنوزى تۇراقتاندىرىلعان ناۋقاس 13، اۋرۋ بەلگىسى جوق جۇعىمدالۋشى 18 بولعان. 7 - ايدىڭ 18 - كۇنى ساعات 24كە دەيىن ءۇرىمجى قالاسىندا قازىر دياگنوزى تۇراقتاندىرىلعان ناۋقاس 30، اۋرۋ بەلگىسى جوق جۇعىمدالۋشى 41 بولعان.
قازىر ءۇرىمجى قالاسى نۋكلەين قىشقىلىن تەكسەرەتىن جالپى 25 قۇرىلىم ورنالاستىرىپ، 1600دەن استام ەمدەۋ قىزمەتكەرىن شىعارىپ، مەملەكەتتىك دەنساۋلىق ساقتاۋ، سالاماتتىق كوميتەتى ۇيىمداستىرعان 10 ولكە، قالانىڭ نۋكلەين قىشقىلىن تەكسەرەتىن 10 ەمدەۋ اترەتىندەگى 200 نەشە اداممەن بىرگە رايوندى (اۋدان) بىرلىك ەتىپ، تۇتاس قالادا نۋكلەين قىشقىلىن تەكسەرۋ قىزمەتىن ورىستەتتى. ”تەكسەرۋگە تيىستىلەرىن مۇمكىندىگىنشە تەكسەرۋ“ قىزمەت تالابى بويىنشا، ءۇرىمجى قالاسى قازىرگى شوعىرلى اۋاشالاندىرىلىپ، مەديتسينالىق باقىلاۋعا الىنعان جانە ۇيلەرىندە اۋاشالاندىرىلىپ، مەديتسينالىق باقىلاۋعا الىنعان ادامدارعا جاڭا تيپتى ايدارشا ۆيرۋس وكپە قابىنۋ ىندەتى نۋكلەين قىشقىلىن تەكسەرۋ قىزمەتىن تۇگەلدەي ورىندادى.
ءۇرىمجى قالالىق اۋرۋدان ساقتانۋ جانە ونى تىزگىندەۋ ورتالىعى پارتيا باس ياچەيكاسىنىڭ ورىنباسار شۋجيى، مەڭگەرۋشى رۇي باۋليڭ بىلاپ دەپ تانىستىردى: ءۇرىمجى قالاسىندا دياگنوزى تۇراقتاندىرىلعان ناۋقاستار مەن اۋرۋ بەلگىسى جوق جۇعىمدالۋشىلاردىڭ سانى ارتقانىمەن، الايدا تۇگەلدەي اۋاشالاندىرىلىپ مەديتسينالىق باقىلاۋعا الىنعان ادامدار، قالا حالقىنىڭ تىم ۇرەيلەنۋىنىڭ قاجەتى جوق. كەزەكتە جۇعىمدالۋ قاينارىن تابۋ قىزمەتى جۇرگىزىلۋدە، ءۇرىمجى قالاسى ەپيدەميولوگيالىق تەكسەرۋ تەبىنىن اناعۇرلىم ارتتىرىپ، اۋرۋ قاينارىن تەز ارادا تەكسەرىپ انىقتاپ، ىندەتتىڭ ءورشۋىن باتىل تەجەيدى.
ىندەتتەن ساقتانۋ - تىزگىندەۋ كەزىندە ءۇرىمجى قالاسى ەمدەۋ قامسىزداندىرۋىندا حالىققا قولايلىلىق جاساۋدىڭ ءبىر قىدىرۋ شاراسىن شىعاردى. ءبىر جاعىنان، سوزىلمالى اۋرۋعا شالدىققانداردىڭ ءدارى ساتىپ الۋ سۇرانىسىن قامتاماسىز ەتۋ ءۇشىن، ۇزاق ۋاقىتتىق رەتسەپكە قاتىستى باسقارۋ بەلگىلەمەسىن جالعاستى پايدالانادى، جوعارى قان قىسىمى، قانتتى نەسەپ اۋرۋى سياقتى سوزىلمالى اۋرۋعا شالدىققاندار دياگنوز قويىپ - ەمدەگەن شيپاحانا شيپاگەرلەرىنىڭ ساراپتاۋىنان وتكەننەن كەيىن، اۋرۋ جاعدايى ورنىقتى بولعان ءدارى ىستەتەتىن ناۋقاستاردىڭ رەتسەپ ءدارى ىستەتۋ مولشەرىن 3 ايعا دەيىن كەڭەيتىپ، قامسىزداندىرۋعا قاتىناسقان ناۋقاستاردىڭ ءدارى ىستەتۋىنىڭ ءۇزىلىپ قالماۋىنا شىنايى كەپىلدىك ەتەدى. سوزىلمالى اۋرۋ ءدارىسىن بولشەك ساتاتىن بەلگىلەنگەن 68 ءدارى دۇكەنى دە ءدارى - دارمەكپەن قامداۋ قىزمەت وتەۋىن ءۇرتىس ويداعىداي ىستەپ، ناۋقاستاردىڭ ءدارى ىستەتۋ قاجەتىن قامتاماسىز ەتەدى. ەندى ءبىر جاعىنان، ءۇرىمجى قالاسى ەمدەۋ قامسىزداندىرۋ كاسىبىنىڭ ۋاقىتىن ۇزارتىپ ءبىتىرۋ، الاقاندا ءبىتىرۋ، تەلەفوندا ءبىتىرۋ، پوچتادا جولداپ ءبىتىرۋ، دەر كەزىندە ءبىتىرۋ، حالىققا قولايلىلىق جاساپ ءبىتىرۋ، الدىن الا كەلىسىپ ءبىتىرۋ سياقتى ”جەتى ءتۇرلى جولمەن بىتىرۋدەي“ حالىققا قولايلىلىق جاساۋ قىزمەت وتەۋىن العا قويىپ، قامسىزداندىرۋعا قاتىناسقان بۇقارانىڭ ەمدەۋ قامسىزداندىرۋى جۇمىسىن بىتىرۋىنە قولايلىلىق جاسادى.
ىندەت كەزىندە زات باعاسىنىڭ تۇراقتىلىعىن قامتاماسىز ەتۋ، قالا حالقىنىڭ مۇددەسىن قورعاۋ ءۇشىن، جاقىندا ءۇرىمجى قالالىق بازار باقىلاۋ - باسقارۋ مەكەمەسى 7 تەكسەرۋ گرۋپپاسىن قۇرىپ، اۋىل شارۋاشىلىق (شوعىرلى) بازارلارىنا، ساۋدا سارايلارىنا (ەرەن بازار)، اس - سۋ دۇكەندەرىنە، كوكونىس (استىق، ماي، قوسىمشا ازىق - تۇلىك) دۇكەندەرىنىڭ ساتىپ الۋ - ەنگىزۋ ارناسىنا، ءونىم ساپاسى مەن ساتۋ باعاسىنا ءتۇيىندى تەكسەرۋ جۇرگىزىپ، الەۋمەتتىك اۋماق پەن تۇرعىندار شاعىن اۋماعىنداعى كوكونىس دۇكەندەرىنىڭ باعادا زاڭعا قايشىلىق جاساۋ ارەكەتىن تەكسەرىپ جازالاۋ تەبىنىن ارتتىرىپ، بولشەك ساتۋ بۋىنىندا باعانىڭ ءوسۋىن تىزگىندەدى. تولايىم ساتۋ بازارلارىن باقىلاۋ - تەكسەرۋدى كۇشەيتىپ، تولايىم باعانى قاتاڭ تىزگىندەپ، زات باعاسىنىڭ ورنىقتىلىعىنا شىنايى كەپىلدىك ەتتى. سونىمەن بىرگە، ءدارى - دارمەك تيجاراتىن جۇرگىزەتىن، پايدالاناتىن 232 ورىنعا باقىلاۋ - تەكسەرۋ جۇرگىزىپ، ۆيرۋسقا قارسى دارىلەر، ماسكى، سپيريت سياقتى ىندەتتەن ساقتانۋ زاتتىق ماتەريالدارىنىڭ قاينارىن قاراستىرۋعا، ساپاسىنىڭ تولىمدى بولۋىنا، قامداۋدىڭ جەتكىلىكتى بولۋىنا، باعانىڭ تۇراقتى بولۋىنا شىنايى كەپىلدىك ەتتى.
