تيانشان تورىنىڭ حابارى (سۋرەتىن ءتۇسىرىپ حابارلاعان تىلشىلەر ليۋ مىڭمىڭ، دوۋ شيڭجۇن، جانات تولقىن). 7-ايدىڭ 21-كۇنى تۇستەن كەيىن ساعات 5 تە، اۆتونوميالى رايوندىق ۇكىمەتتىڭ اقپارات كەڭسەسى اقپار جاريالاۋ ءماجىلىسىن اشىپ، ءۇرىمجى قالاسىنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى جاعدايىن حابارلاندىردى ٴارى تىلشىلەردىڭ سۇراۋىنا جاۋاپ بەردى.
ءۇرىمجى قالالىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى سۇي رۇڭنىڭ تانىستىرۋىنشا، بۇل جولعى ىندەت توسىننان تۋىلدى، ىندەتتىڭ سىرتقا تارالۋىنان قاتاڭ ساقتانۋ ءۇشىن، ءۇرىمجى قالاسى دەر كەزىندە قاتاڭ ساقتانۋ شارالارىن قولدانعان، ءار ۇلت بۇقاراسىن توتەنشە قاجەت بولماسا ۇرىمجىدەن شىقپاۋعا بەلسەنە اتتانىسقا كەلتىرىپ، ۇرىمجىدەن كەتۋدى قاجەت ەتەتىن تۇرعىندار مەن سىرتتان كەلگەن ساياحاتشىلاردىڭ نۋكلەين قىشقىلىن تەگىن تەكسەرىپ، قالىپتى بولعان جاعدايدا ۇرىمجىدەن شىعۋىنا جول قويادى ءارى قاتىستى ولكە، قالالارعا الدىن الا حابارلاندىرادى ەكەن.
ىندەت سەبەبىنەن، ۇرىمجىدەن شينجياڭنان شىعاتىن كەزەكشى ۇشاق پەن كەزەكشى پويەزدىڭ رەت سانى ۇقساماعان دارەجەدە ازايدى، سىرتتان ۇرىمجىگە ىسساپارمەن، ساياحاتتاي كەلگەن از ساندى ادامدار ۇرىمجىدە ايالداپ قالدى. قالالىق پارتكوم مەن ۇكىمەت مىناداي زەرتتەۋ شەشىمىن ورتاعا قويدى: تۇتاس قالاداعى بارلىق قالىپتى تيجاراتتاعى مەيمانحانالار ۇرىمجىدە ايالداپ قالعان جولاۋشىلاردى تاماق، جاتىن ورىنمەن اقىسىز قامداپ، اقىسىز اپارىپ - اكەلىپ، نۋكلەين قىشقىلىن اقىسىز تەكسەرەدى. ەگەر قيىنشىلىققا جولىقسا كەڭەس بەرۋ قىزمەت وتەۋ تەلەفونى 2351002، 2202370-0991عا تەلەفون سوعۋىنا بولادى، ءبىز بار كۇشىمىزبەن شەشىم ەتەمىز.
