تيانشان تورىنىڭ حابارى (سۋرەتىن ءتۇسىرىپ حابارىن جازعان تىلشىلەر ليۋ مىڭمىڭ، دوۋ شيڭجۇن، جانات تولقىن). 7-ايدىڭ 21-كۇنى تۇستەن كەيىن ساعات 5تە، اۆتونوميالى رايوندىق ۇكىمەتتىڭ اقپارات كەڭسەسى اقپار جاريالاۋ ءماجىلىسىن اشىپ، ءۇرىمجى قالاسىنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى جاعدايىن حابارلاندىردى ٴارى تىلشىلەردىڭ سۇراۋىنا جاۋاپ بەردى.
ءۇرىمجى قالالىق دەنساۋلىق ساقتاۋ، سالاماتتىق كوميتەتىنىڭ ورىنباسار مەڭگەرۋشىسى چاڭ جيانمەيدىڭ تانىستىرۋىنشا، 7-ايدىڭ 19-كۇنىنە دەيىن، ءۇرىمجى قالاسى شوعىرلى مەديتسينالىق باقىلاۋداعى ادامدار مەن ءتۇيىندى ادامداردىڭ نۋكلەين قىشقىلىن تەكسەرۋ قىزمەتىن ورىنداپ بولدى. كوز الدا، ءۇرىمجى قالاسىنداعى ءارقايسى رايون، اۋداندارعا بىرتىندەپ تەكسەرۋ جۇرگىزۋدە، تيانشان رايونىن تەكسەرىپ بولدى، تەكسەرۋ قىزمەتى سايباق رايونىندا جاپپاي ورىستەتىلۋدە، باسقا رايون، اۋداندارعا تەكسەرۋ الدىنداعى ءارقايسى دايىندىق قىزمەتتەرى ىستەلۋدە. تەكسەرىلەتىن ادامداردان ەشقانداي قاراجات الىنبايدى، ءوز بەتىمەن اقشا الۋ ارەكەتى زاڭ بويىنشا قاتاڭ ءبىر جايلى ەتىلەدى، اقشا العان بولسا قالپىنشا قايتارىپ بەرىلەدى. ءۇرىمجى قالالىق ءتارتىپ تەكسەرۋ كوميتەتىنىڭ قابىلداۋ تەلەفونى: 4689245-0991، بارشا قالا تۇرعىندارىنىڭ باقىلاپ، اشكەرەلەۋىن قارسى الامىز.
