تيانشان تورى
تيانشان تورى   ›   جاڭالىقتار   ›   ءۇرىمجى

ٴۇرىمجى: جابىق باسقارۋ كەزىندە الەۋمەتتىك اۋماق ىشىندە وتباسىن ارالاپ، اۋلا ارالاپ، باس قوسىپ تاماقتانۋعا قاتاڭ تيىم سالىنادى

  تيانشان تورىنىڭ حابارى (سۋرەتىن ءتۇسىرىپ حابارىن جازعان تىلشىلەر ليۋ مىڭمىڭ، دوۋ شيڭجۇن، جانات تولقىن). 7 - ايدىڭ 21 - كۇنى تۇستەن كەيىن ساعات 5تە، اۆتونوميالى رايوندىق ۇكىمەتتىڭ اقپارات كەڭسەسى اقپار جاريالاۋ ءماجىلىسىن اشىپ، ءۇرىمجى قالاسىنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى جاعدايىن حابارلاندىردى ٴارى تىلشىلەردىڭ سۇراۋىنا جاۋاپ بەردى.

  ٴۇرىمجى قالالىق اۋرۋدى تىزگىندەۋ ورتالىعىنىڭ مەڭگەرۋشىسى رۇي باۋليڭنىڭ تانىستىرۋىنشا، 7- ايدىڭ 20 - كۇنى ساعات 0دەن 7 - ايدىڭ 20 - كۇنى ساعات 24كە دەيىن، ٴۇرىمجى قالاسىندا جاڭادان قوسىلعان دياگنوزى تۇراقتاندىرىلعان ناۋقاس 7، اۋرۋ بەلگىسى جوق جۇعىمدالۋشى 5 بولعان. 7 - ايدىڭ 20 - كۇنى ساعات 24كە دەيىن، ٴۇرىمجى قالاسىندا قازىر دياگنوزى تۇراقتاندىرىلعان ناۋقاس 53، اۋرۋ بەلگىسى جوق جۇعىمدالۋشىدان 55 بار.

  7 - ايدىڭ 20 - كۇنى، دياگنوزى تۇراقتاندىرىلعان ناۋقاستار مەن اۋرۋ بەلگىسى جوق جۇعىمدالۋشىلار الدىڭعى 3 كۇندەگىدەن نەداۋىر ازايدى. مۇنىڭ باستى سەبەپتەرى: ٴبىرىنشى، ىشكەرىلەي ەپيدەميولوگيالىق تەكسەرۋ جۇرگىزۋ ارقىلى ىندەتتىڭ باستاپقى مەزگىلىندە شوعىرلى باس قوسۋ قيمىلعا قاتىناسۋشىلاردى ٴونىمدى پارىقتادى ٴارى تۇگەلدەي مەديتسينالىق باقىلاۋعا الىپ، تارالۋ تىزبەگىن ٴونىمدى تۇردە ٴۇزدى؛ ەكىنشى، جاڭا تيپتى ايدارشا ۆيرۋس وكپە قابىنۋ ىندەتىنىڭ جاسىرىن مەزگىلى بويىنشا ەسەپتەگەندە، الدىڭعى مەزگىلدە مەديتسينالىق باقىلاۋعا الىنعان ءبىرىنشى بۋىن تىعىز جۋىسۋشىلار ىركەس - تىركەس دياگنوزى تۇراقتاندىرىلعان ناۋقاستار جانە اۋرۋ بەلگىسى جوق جۇعىمدالۋشىلارعا اينالدى؛ ٴۇشىنشى، ٴۇرىمجى قالاسى قالانى قاتاڭ باسقارۋ ـ مەڭگەرۋ شاراسىن دەر كەزىندە قولدانىپ، ادامداردىڭ ايقاسىپ اعىلۋىن ٴونىمدى ازايتىپ، ىندەتتىڭ تارالۋىن تەجەدى. ٴبىز ىندەت جاعدايىنا ونان ارى قاداعالاي نازار اۋدارىپ، ىندەت جاعدايىنان مالىمەت بەرۋدى كۇشەيتىپ، قىزۋ امبولاتورياسىنىڭ سەزگىرلىكتى ارتتىرىپ، شوعىرلى مەديتسينالىق باقىلاۋ تۇيىندەرىنىڭ اقاۋسىزدىعىن باسقارۋدى كۇشەيتىپ، جالپى حالىقتىڭ نۋكلەين قىشقىلىن تەكسەرۋ ارقىلى الەۋمەتتىك اۋماقتا تارالۋ حاۋىپ - قاتەر تۇيىندەرىن ىشكەرىلەي ىزدەپ، كوپ ٴتۇرلى شارانى قاتار قولدانىپ، ساقتانۋ تىزگىندەۋ شارالارىن ەگجەي - تەگجەيلى تياناقتاندىرىپ، بۇكىل قالانىڭ الەۋمەتتىك دەنساۋلىق ساقتاۋ قورعانىس تورىن بەكەمدەيمىز.

  قازىر ٴۇرىمجى قالاسىندا ىندەتتىڭ تارالۋ حاۋىپ ـ قاتەرى ٴالى دە بار، تۇرعىنداردىڭ بۇعان استە نەمقۇرايدى قاراۋىنا بولمايدى. وتە - موتە، الەۋمەتتىك اۋماقتا جابىق باسقارۋ مەزگىلىندە، الەۋمەتتىك اۋماقتا وتباسىن ارالاپ، اۋلا ارالاپ باس قوسۋ قيمىلىنا قاتىناسۋعا قاتاڭ تيىم سالىنادى، الەۋمەتتىك اۋماقتىڭ ساقتانۋ - تىزگىندەۋ شارالارىنا قاتاڭ بويسۇنۋ كەرەك. ۇيدە جاتىپ اۋاشالانعاندار ىندەتتەن ساقتانۋ تالاپتارىنا قاتاڭ بويسۇنىپ، ٴار كۇنگى دەنە تەمپەراتۋراسىن جانە اۋرۋ بەلگىلەرىن باقىلاۋ - ولشەۋدى ويداعىداي ىستەۋى، ٴارقانداي جايسىزدانۋ جايتى كورىلسە، دەر كەزىندە الەۋمەتتىك اۋماققا مالىمدەۋى كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.