تيانشان تورى   ›   جاڭالىقتار   ›   ۇلتتىڭ گۇلدەنۋى جولىندا ەرجۇرەك قۇرباندار شەجىرەسى

لي لەي: بەيبىتشىلىكتى قورعاۋ مايدانىنداعى قاھارمان جاۋىنگەر

لي لەيدىڭ سۋرەتى. شينحۋا اگەنتتىگى تاراتقان

  شينحۋا اگەنتتىگىنىڭ چىڭدۋدان بەرگەن حابارى (ءتىلشى مەي شىشيۇڭ). ءار جولعى چيڭميڭ مەرەكەسىندە ءبىر توڭكەرىستىك قۇرباننىڭ شەشەسى ياڭ بينگە امانداسۋ ءۇشىن كوپتەگەن ادامدار سىچۋان ولكەسى پۋجياڭ اۋدانى فۋشيڭ اۋىلى پىڭحى الەۋمەتتىك اۋماعىنا كەلەدى.

  ياڭ بيننىڭ ۇلى لي لەي، ءاسىلى 20 - جيتۋانجۇن ءمالىم ماشينالى جاياۋ اسكەرلەر لۇيى رەمونتتاۋ 1 - ليانىنىڭ جاۋىنگەرى بولاتىن، 2016 - جىلى 7 - ايدا وڭتۇستىك سۋدانداعى بەيبىتشىلىكتى قورعاۋ سوعىس مايدانىندا 22 جاستاعى جاستىق عۇمىرىن تارتۋ ەتتى.

  12 جاسقا كەلگەن جىلى اكەسى ناۋقاستان قايتىس بولىپ، لي لەي مەن شەشەسى ءبىر - بىرىنە ارقا سۇيەپ كۇن كەشىرەدى. ول كىشكەنە كەزىندە - اق ارمياعا قاتىناسىپ، وتانعا قىزمەت ەتۋدى ارماندايدى، 2011 - جىلى ارمانداعانىنداي ياڭ گىنسىنىڭ كوزى تىرىسىندە تۇرعان اسكەري ءبولىمنىڭ ءبىر جاۋىنگەرىنە اينالادى.

  اسكەرلەر جەڭىسكە جەتۋدى ماقسات تۇتادى، جاتتىعۋدا ءبىرىنشى بولۋعا ۇمتىلۋ كەرەك. اسكەري قوسىنعا كىرگەننەن كەيىن، لي لەي جاپالى جاتتىعىپ، كوپ ۇزاماي جالپىلىق ساپادا جان - جاقتى ىسىلعان تاڭداۋلى اسكەرگە اينالادى. 2012 - جىلى 3 - ايدا ول بۇرىنعى جينان تانكى رەمونتشىلارىن جاتتىقتىرۋ ۇلكەن اترەتىنە ۇيرەنۋگە تاڭداپ جىبەرىلەدى. وقۋ تاۋىسۋ ەمتيحانى كەزىندە ول تاربيەشى جاعىنان كومەكشى تاربيەشى بولىپ تۇراقتاندىرىلىپ، ەمتيحانى كەشىرىم ەتىلىپ، سول كەزەكتە تاربيەلەنگەن اسكەرلەر اراسىىنداعى بىردەن - ءبىر كومەكشى تاربيەشى جانە ەمتيحانى كەشىرىم ەتىلگەن تاربيەلەنۋشى اسكەرگە اينالادى. 2014 - جىلى ”قارىشتاۋ − 2014. جۋرىحى c“ قارسىلىقتى مانەۆرىندە ول ءبىر تيدۇي 92 ۇلگىدەگى جاياۋ اسكەرلەر دوڭگەلەكتى تانكىسىنىڭ تۇعىرىن رەمونتتاۋ مىندەتىن ارقالاپ، تيدۇيدىڭ 1500 كيلومەترلىك الىس ارالىقتى يكەمدى جىلجۋىن ءساتتى قامتاماسىز ەتىپ، 160 نەشە ورىنداعى ۇلكەندى - كىشىلى كىناراتتى الاستايدى. 2015 - جىلى لۇيدىڭ ”ياڭ گىنسى لوڭقاسى“ جۇمىس ورنىندا اسكەر جاتتىقتىرۋ سايىسكەرلىگىنە قاتىناسىپ، اعا جۇلدەگەرلىكتى ەنشىلەيدى.

  2015 - جىلى ءوزى تۇرعان اسكەري ءبولىم بەيبىتشىلىكتى قورعاۋ جاياۋ اسكەرلەر يىڭىن ۇيىمداستىرىپ قۇرىپ، سوناۋ وڭتۇستىك سۋدانعا بارىپ حالىقارالىق بەيبىتشىلىكتى قورعاۋ مىندەتىن اتقاراتىندىعىنان حاباردار بولعان ول شايقاسقا قاتىناسۋ ءوتىنىش حاتىن ءبىرىنشى بولىپ تاپسىرادى ءارى سارالاۋ ەمتيحانىندا اعالاپ العا شىعادى.

  مىندەت وڭىرىنە جەتكەننەن كەيىن، لي لەي قاراۋىل ورنىندا ۇزاق ۋاقىت مىندەت اتقارادى، الايدا ماشينا جوندەۋ تەحنيكاسىن توقتاتىپ قويعان جوق. بوس ۋاقىتى شىعا قالسا يىڭ اۋماعىنىڭ ماشينا الاڭىنا بارىپ، ساقا بانجاڭنان ماشينا جوندەۋ شەبەرلىگىن ۇيرەنەدى. ول تاعى ءوزى كەزدەستىرگەن كىناراتتاردى، جوندەگەن ماشينالارىن تۇگەلدەي ەستەلىك داپتەرىنە ەگجەي - تەگجەيلى جازىپ وتىرادى، جوندەۋ تەحنيكاسى دا كۇن سايىن جاقسارىپ، كوپ ۇزاماي الىس - جاقىنعا اتى تانىمالى ماشينا جوندەۋ شەبەرىنە اينالادى.

  ەفيوفيا بەيبىتشىلىكتى قورعاۋ يىڭىنىڭ ءبىر جاياۋ اسكەرلەر تانكىسى بۇزىلىپ، 2 اپتا بويى جوندەلمەي تۇرادى. ولار جۇڭگو بەيبىتشىلىكتى قورعاۋ جاياۋ اسكەرلەر يىڭىنا كەلىپ كومەك سۇرايدى، يىڭ لي لەيدى كومەكتەسۋگە جىبەرەدى. تۇستەن كەيىنگى جارتى كۇندە - اق لي لەي كىناراتتاردى الاستايدى.

  قاتەر توسىننان ءتوندى.

  وڭتۇستىك سۋدان ۋاقىتى بويىنشا 2016 - جىلى 7 - ايدىڭ 8 - كۇنى وڭتۇستىك سۋدان ۇكىمەت ارمياسى مەن ۇكىمەتكە قارسى ارميا اراسىندا سۇراپىل سوعىس تۋىلادى، جۇڭگو بەيبىتشىلىكتى قورعاۋ جاياۋ اسكەرلەر يىڭى تىزگىن ۇشىمەن 1 - دارەجەلى شايقاس دايىندىعىنا وتەدى.

  سول كۇنى ءدال لي لەيدىڭ 22 جاسقا كەلگەن تۋعان كۇنى بولاتىن. سول كەزدە لي لەي تۇرعان جاياۋ اسكەرلەر ءبىرىنشى ليانى 1 - ءنومىرلى بوسقىندار لاگەرىندە ساقتىق جاساۋ، بەكىتۋ - تىزگىندەۋ مىندەتىن ارقالايدى، ول بوسقىندار لاگەرىنەن تاپجىلمايدى، وسى ارالىقتا كوپتەگەن بوسقىندار داۋالدان اسۋعا، لاگەردىڭ ەسىگىنەن شىعۋعا ۇرىنادى، ول باستاماشىلدىقپەن الدا ءجۇرىپ ولاردى بوگەيدى.

  7 - ايدىڭ 9 - كۇنى مىندەتىن اياقتاتقاننان كەيىن، ول ۋيچات دوستار شەڭبەرىنە ءومىرىنىڭ ەڭ سوڭعى اسەرىن جازىپ قالدىرادى: ”بۇل تۋعان كۇن تارتۋى نەدەگەن ۇلكەن، بارلىق جاۋىنگەر سەرىكتەرىمنىڭ امان - ەسەن بولۋىن تىلەيمىن!“.

  7 - ايدىڭ 10 - كۇنى ساعات 18دەن 39 مينۋت وتكەندە لي لەي وتىرعان 105 ءنومىرلى جاياۋلار سوعىستىق ماشيناسى توسىن ءبىر زىمىران وعىنىڭ شابۋىلىنا ۇشىرايدى. ول اۋىر جارانالادى، باس، كەۋدە ءبولىمىنىڭ ءبىرتالاي جەرىنە وق جارقىشاعى ءتيىپ، اقىرى شۇعىل قۇتقارۋ ءونىم بەرمەي، ەرلىكپەن قۇربان بولادى.

  لي لەيگە ءبىرىنشى دارەجەلى ەڭبەك تولىقتاپ جازىلادى ءارى توڭكەرىستىك قۇربان دەپ بەكىتىلەدى. جاۋىنگەر سەرىكتەرى بىلاي دەدى: لي لەي ومىرىمەن ”تورتكە يە“ جاڭا ۇرپاق توڭكەرىسشىل اسكەرلەردىڭ پارتيا مەن وتانعا دەگەن ادالدىعىن، سەنىمىن ايگىلەدى، ”كوك دۋلىعالى باتىرلاردىڭ“ دۇنيە ءجۇزىنىڭ بەيبىتشىلىگىن قورعاۋداي اقيقاتتى ارقالايتىندىعىن جازدى، جاڭا داۋىردەگى ”قاھارماندار ماداق جىرىن“ شىرقادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.