شينجياڭ گازەتىنىڭ جالپىلىق اقپارات قۇرالدارى تىلشىلەرى لي چۇنشيا، جاۋ چۇنحۋا 7 - ايدىڭ 20 - كۇنى ۇرىمجىدەن حابارلايدى. ىندەتتەن ساقتانۋ - تىزگىندەۋ كەزىندە، ءۇرىمجى قالاسىنداعى ءارقايسى شاعىن اۋماقتاردا جابىق كۇيدە باسقارۋ اتقارىلدى. وسىعان بايلانىستى، ءۇرىمجى قالاسىنداعى دەنساۋلىق ساقتاۋ - ەمدەۋ قۇرىلىمدارى حالىققا قولايلى ءادىس - شارا شىعارىپ، شۇعىل ناۋقاسى بار نەمەسە نەگىزدىك ناۋقاسى بار قالا تۇرعىندارىنىڭ اۋرۋ كورسەتۋ قاجەتىن قاناعاتتاندىردى.
ءۇرىمجى قالالىق دەنساۋلىق ساقتاۋ جانە سالاماتتىق كوميتەتىنىڭ ورىنباسار مەڭگەرۋشىسى چاڭ جيانمەيدىڭ تانىستىرۋىنشا، الەۋمەتتىك اۋماقتاردى جابىق كۇيدە باسقارۋ كەزىندە، ءارقايسى ەمدەۋ قۇرىلىمدار تۇرلىشە ناۋقاستاردىڭ ەمدەلۋ قاجەتىنە نەگىزدەلە وتىرىپ، تۇرلەر بويىنشا قۇتقارۋ - ەمدەۋ جۇرگىزىپ، ناۋقاستاردىڭ اۋرۋ كورسەتۋ قاجەتىن قامتاماسىز ەتەدى.
شۇعىل اۋىرعان ناۋقاستارعا، ايتالىق، شۇعىل جۇرەك، مي قان تامىر اۋرۋلارى سياقتىلار تۋىلسا نەمەسە جازاتايىم وقيعاعا جولىقسا، 120 شۇعىل قۇتقارۋ تەلەفونىنا حابارلاسۋىنا بولادى، 120 شۇعىل قۇتقارۋ اۆتوموبيلى ناۋقاستى قۇتقارۋ - ەمدەۋ قابىلەتى بار شيپاحاناعا دەر كەزىندە جەتكىزىپ، قۇتقارۋ - ەمدەۋ جۇرگىزەدى.
ۇزاق ۋاقىت سوزىلمالى اۋرۋى بار ناۋقاستار ىندەت كەزىندەگى قاتىستى ەمدەۋ قامسىزداندىرۋ ساياساتتارى بويىنشا، ۇزاق ۋاقىتتىق رەتسەپكە قاتىستى باسقارۋ بەلگىلەمەلەرىن قولدانۋدى جالعاستىرىپ، سوزىلمالى ناۋقاستاردىڭ ءدارى - دارمەك ساتىپ الۋ سۇرانىسىن قامتاماسىز ەتەدى. قاجەتتى تەكسەرۋلەر نەمەسە داعدىلى قايتا تەكسەرۋ سياقتىلار بولسا، الەۋمەتتىك اۋماق قىزمەتكەرلەرىمەن حابارلاسقان سوڭ، الەۋمەتتىك اۋماق اۆتوكولىك ورنالاستىرىپ ءبىر تۇتاس شيپاحاناعا اپارىپ اۋرۋىن كورسەتەدى.
سالماقتى ناۋقاستار، ايتالىق، بۇيرەك قۋاتى السىرەگەن ناۋقاستار، وسپە شىققان ناۋقاستار، سونداي - اق باسقا دا مەرزىمدى ۋاقىتتا ەمدەلىپ تۇراتىن ناۋقاستار الدىمەن الەۋمەتتىك اۋماقتاعى وتباسىلارىن كوتەرمەگە العان كادرلارعا تەلەفون جالعاعان سوڭ، الەۋمەتتىك اۋماق اۆتوكولىك ورنالاستىرىپ ءبىر تۇتاس شيپاحاناعا اپارىپ اۋرۋىن كورسەتەدى.
جۇكتى ايەلدەر، بالالار، قارتتار سياقتى ەرەكشە قاۋىم اۋرۋ كورسەتۋدى شۇعىل قاجەت ەتسە، الدىمەن كەلىسىپ الۋ، ونان كەيىن اۋرۋ كورسەتۋ پرينسيبى بويىنشا، قاتىستى شيپاحانالاردىڭ ينفورماتسيا تۇعىرلارى ارقىلى ۋاقىت كەزەڭدەرىنە ءبولىنىپ الدىن الا كەلىسىپ اۋرۋ كورسەتۋىنە بولادى. جۇكتىلىكتىڭ ورتا مەزگىلىندە جۇكتىلىك تەكسەرۋىن قاجەت ەتەتىن جۇكتى ايەلدەرگە جۇكتىلىك تەكسەرۋىن كەيىنگە شەگەرىپ، ىندەت ءجيى تۋىلۋ مەزگىلىن سوقپاي، باسقا ءبىر لايىقتى ۋاقىتتى تاڭداپ كەلىسۋ ۇسىنىلادى.
چاڭ جيانمەي مىنانى ەسكەرتەدى: ناۋقاستار مەن وتباسىنداعىلار اۋرۋ كورسەتۋدىڭ جالپى بارىسىندا ماسكى تارتۋى، ءوزارا ءبىر مەتردەن جوعارى حاۋىپسىز ارالىق ساقتاپ، ءوز قورعانۋدى ويداعىداي ىستەۋى ءتيىس.
