بارلىق ناۋقاستار ۇتىمدى ەمدەلدى، اۋرۋ جاعدايى ورنىقتى بولدى
شينجياڭ گازەتىنىڭ جالپىلىق اقپارات قۇرالدارى تىلشىلەرى لي چۇنشيا، جاۋ چۇنحۋا 7 - ايدىڭ 20 - كۇنى ۇرىمجىدەن حابارلايدى. 7 - ايدىڭ 20 - كۇنى تۇستەن كەيىن اۆتونوميالى رايوندىق ۇكىمەتتىڭ اقپارات كەڭسەسى اقپار جاريالاۋ ءماجىلىسىن اشىپ، ءۇرىمجى قالاسىنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى جاعدايىن حابارلاندىردى. ساناققا نەگىزدەلگەندە، 7 - ايدىڭ 19 - كۇنى ساعات 0دەن 7 - ايدىڭ 19 - كۇنى ساعات 24كە دەيىن ءۇرىمجى قالاسىندا جاڭادان قوسىلعان جاڭا تيپتى ايدارشا ۆيرۋس وكپە قابىنۋ دياگنوزى تۇراقتاندىرىلعان ناۋقاس 16، اۋرۋ بەلگىسى جوق جۇعىمدالۋشى 9 بولعان. 7 - ايدىڭ 19 - كۇنى ساعات 24كە دەيىن ءۇرىمجى قالاسىندا دياگنوزى تۇراقتاندىرىلعان ناۋقاس 46، اۋرۋ بەلگىسى جوق جۇعىمدالۋشى 50 بولعان.
قازىر ءۇرىمجى قالاسىنداعى دياگنوزى تۇراقتاندىرىلعان ناۋقاستار تۇگەلدەي اۆتونوميالى رايوندىق جۇقپالى اۋرۋلار شيپاحاناسىنا ەمدەۋگە الىندى. اۆتونوميالى رايوندىق جۇقپالى اۋرۋلار شيپاحاناسى پارتكومىنىڭ مۇشەسى، شيپاحانانىڭ ورىنباسار باستىعى سۇڭ يۇيشيا بىلاي دەپ تانىستىردى: وسى شيپاحانا دايىندىق جوبا بويىنشا الدىن الا ەمدەۋگە پايدالانىلاتىن زاتتىق ماتەريالدار قورىن دايىنداپ، دەرەۋ كلينيكالىق شۇعىل جاعدايعا توتەپ بەرۋ بويىنشا قۇتقارۋ - ەمدەۋ ساتىلى اترەتىن قۇرىپ، دەر كەزىندە اۋا قىسىمى تومەن ناۋقاستار ءۇيىن بوساتىپ، دياگنوزى تۇراقتاندىرىلعان ناۋقاستاردى بار كۇشپەن ەمدەۋگە الدى. مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى ماماندار گرۋپپاسىنىڭ جەتەكشىلىگىندە وسى شيپاحانا دياگنوز قويۋ - ەمدەۋ جوباسى مەن ءتارتىبىن اناعۇرلىم ساپالىلاندىرىپ، ”ءبىر ادامعا ءبىر شارا“ قولدانۋ بويىنشا كوپ ءپاندى سايكەستىرىپ قۇتقارۋ - ەمدەۋ جانە جۇڭگوشا شيپاگەرلىك پەن باتىسشا شيپاگەرلىكتى ۇشتاستىرىپ ەمدەۋ جۇرگىزىپ، ناۋقاستاردى قۇتقارۋ - ەمدەۋ قىزمەتىنىڭ عىلمي دا ءتارتىپتى بولۋىنا شىنايى كەپىلدىك ەتتى. قازىر بارلىق ناۋقاستار ۇتىمدى ەمدەلدى، اۋرۋ جاعدايى ورنىقتى بولدى.
ءۇرىمجى قالاسىندا وسى رەتكى ىندەت تۋىلعاننان كەيىن، الدىڭعى نەشە كۇندە دياگنوزى تۇراقتاندىرىلعان ناۋقاستار مەن اۋرۋ بەلگىسى جوق جۇعىمدالۋشىلاردىڭ ارتۋى ءبىرشاما تەز بولدى. وسىعان بايلانىستى، ءۇرىمجى قالالىق اۋرۋدىڭ الدىن الۋ جانە تىزگىندەۋ ورتالىعى پارتيا باس ياچەيكاسىنىڭ ورىنباسار شۋجيى، مەڭگەرۋشى رۇي باۋليڭ بىلاي دەدى: ءبىر جاعىنان، جاڭا تيپتى ايدارشا ۆيرۋس وكپە قابىنۋىنىڭ تۋىلۋ زاڭدىلىعى بويىنشا وسى رەتكى جاڭادان تۋىلعان ىندەتتەگى ءبىرىنشى بۋىن جاقىن جۋىسۋشىلار جاسىرىن مەزگىلدەن ىركەس - تىركەس دياگنوزى تۇراقتاندىرىلعان ناۋقاسقا نەمەسە اۋرۋ بەلگىسى جوق جۇعىمدالۋشىعا اينالدى؛ ەندى ءبىر جاعىنان، دياگنوزى تۇراقتاندىرىلعان ناۋقاس بايقالعاننان كەيىن، ءۇرىمجى قالاسى ”ءبىر جاعىنان، ەپيدەميولوگيالىق تەكسەرۋ جۇرگىزۋ، ءبىر جاعىنان، تەكسەرۋ - ولشەۋ، ءبىر جاعىنان، ساقتانۋ - تىزگىندەۋ“ پرينسيبى بويىنشا دەرەۋ باتىل، قاتاڭ شارا قولدانىپ، تارالۋ جولىن ءۇزىپ، ەپيدەميولوگيالىق تەكسەرۋ جۇرگىزىپ، ءتۇيىندى ادامدار شوعىرىنا تۇگەلدەي نۋكلەين قىشقىلىن تەكسەرۋ جۇرگىزدى، كەيبىر ناۋقاستاردى اۋرۋ بەلگىسى بايقالۋدان بۇرىن اۋرۋ بەلگىسى جوق جۇعىمدالۋشىلار رەتىندە تەكسەرىپ انىقتادى. وسى رەتكى ىندەتتىڭ العاشقى كەزدەگى ناۋقاستارىنىڭ تۇگەلدەي ءبىر رەتكى شوعىرلى باس قوسۋ قيمىلىمەن ەپيدەميولوگيالىق بايلانىسى بولعان، بايقالعان ۋاقىتىنان قاراعاندا، ءبىرىنشى بۋىنداعى جاقىن جۋىسۋشىلاردىڭ كوبىندە اۋرۋ قوزعالعان، العاشقى تۇجىرىم بويىنشا قازىرگى مەديتسينالىق باقىلاۋداعى ادامدار اراسىنان ناۋقاسقا شالدىققاندار ازايعان جاعداي جارىققا شىقتى.
ەپيدەميولوگيالىق تەكسەرۋ − جۇقپالى اۋرۋلاردان ساقتانۋ - تىزگىندەۋدىڭ ەڭ ماڭىزدى قىزمەتتەرىنىڭ ءبىرى. رۇي باۋليڭ بىلاي دەدى: وسى رەتكى ىندەت تۋىلعاننان كەيىن، ءۇرىمجى قالاسى دەرەۋ ەپيدەميولوگيالىق تەكسەرۋ قوسىنىن ۇيىمداستىرىپ، دياگنوزى تۇراقتاندىرىلعان ناۋقاستارعا، اۋرۋ بەلگىسى جوق جۇعىمدالۋشىلارعا تەكسەرۋ، ساراپتاۋ جۇرگىزىپ، جاقىن جۋىسۋشىلاردى ايىرىپ الدى ءارى مەديتسينالىق باقىلاۋعا الدى. قىزۋى ورلەگەن ناۋقاستاردى تۇندەلەتىپ ءبىر - بىرلەي تەكسەرىپ، بەلگىلەنگەن شيپاحاناعا اپارىپ نۋكلەين قىشقىلىن تەكسەردى. قازىرگە دەيىن ءبىر - بىرلەي تەكسەرىپ انىقتالعان جاقىن جۋىسۋشىلار تۇگەلدەي مەديتسينالىق باقىلاۋعا الىندى.
7 - ايدىڭ 18 - كۇنى مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى جىبەرگەن ەپيدەميولوگيالىق تەكسەرۋ ماماندار گرۋپپاسى ۇرىمجىگە كەلىپ قىزمەت ورىستەتىپ، ءۇرىمجى قالاسىنىڭ جاڭا تەحنيكادان، جاڭا تاسىلدەن بەلسەنە پايدالانىپ، ەپيدەميولوگيالىق تەكسەرۋ مەن تەگىن انىقتاۋدى ورىستەتۋىنە جەتەكشىلىك ەتتى. ءۇرىمجى قالاسى ماماندار گرۋپپاسىنىڭ جەتەكشىلىگىندە قازىرگى دياگنوزى تۇراقتاندىرىلعان ناۋقاستارعا، اۋرۋ بەلگىسى جوق جۇعىمدالۋشىلارعا ەپيدەميولوگيالىق تەكسەرۋ جۇرگىزۋدىڭ تەبىنىن ارتتىرىپ، كوپ شارانى بىرگە قولدانىپ، ساتىلار بويىنشا ءبىر - بىرلەي تەكسەرىپ، توركىنىن ىزدەپ، تەگىن تابۋعا كىرىسىپ، تەز ارادا جۇعىمدالۋ قاينارىن، تارالۋ جولىن انىقتاپ، عىلمي ساقتانۋ - تىزگىندەۋدى، دالمە - ءدال ساقتانۋ - تىزگىندەۋدى ورىنداپ، ىندەتتىڭ تارالۋىن، ءورشۋىن باتىل تەجەيدى.
