ءار ۇلت حالىق بۇقاراسىنىڭ ءومىرىنىڭ حاۋىپسىزدىگىن ويداعىداي قورعايىق
شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ جىيۇن 7 - ايدىڭ 20 - كۇنى ۇرىمجىدەن حابارلايدى. 7 - ايدىڭ 20 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنىڭ قولباسشىسى لي پىڭشين اۆتونوميالى رايوندىق 6 - حالىق شيپاحاناسى، شينجياڭ جيحۋا 7555 كاسىپتىك كيىم - كەشەك شەكتى سەرىكتەستىگى، شينجياڭ جينتيانشان مەديتسينالىق اسپاپتار شەكتى سەرىكتەستىگى سياقتى جەرلەرگە بارىپ، مەديتسينالىق قۇتقارۋ - ەمدەۋ جانە ىندەتتەن ساقتانۋ زاتتىق ماتەريالدارىمەن قامتاماسىز ەتۋ قىزمەتى جاعدايىن تەكسەردى.
اۆتونوميالى رايوندىق 6 - حالىق شيپاحاناسىندا لي پىڭشين ناۋقاس بولمەلەرىن ورنالاستىرۋ، ناۋقاستاردى اۋىستىرىپ اكەلۋ، قۇتقارۋ - ەمدەۋ قابىلەتىن جوعارىلاتۋ جانە شيپاحانادا جۇعىمدالۋدىڭ الدىن الۋ قىزمەتى سياقتى جاعدايلاردى ەگجەي - تەگجەيلى ۇعىستى. ول بىلاي دەپ باسا دارىپتەدى: ىرىقتىلىقپەن ءىس تىندىرۋعا، ەرەكشە ءىستى ەرەكشە بىتىرۋگە، ۋاقىتتى ۇتۋعا، شيپاحانا قۇرىلىسىن جاڭارتۋ مىندەتىن ۋاقىتپەن جارىسا ورىنداۋعا تاباندى بولۋ كەرەك. قۇتقارۋ - ەمدەۋ جابدىقتارىنىڭ سانىن انىقتاپ، قامداۋدى قامتاماسىز ەتۋدى كۇشەيتىپ، تىڭعىلىقتى جابدىقتاۋدى جەدەلدەتىپ، قىزمەتكەرلەردى باۋلۋدى، بىرىكتىرۋدى كۇشەيتىپ، قۇرىلعى - جابدىقتاردى ىسكە قوسۋدى ويداعىداي ىستەپ، ناۋقاستاردى قۇتقارۋ - ەمدەۋگە پارمەندى قامتاماسىزدىق ازىرلەپ، ءار ۇلت بۇقاراسىنىڭ ءومىرىنىڭ حاۋىپسىزدىگىن قورعاۋ كەرەك.
لي پىڭشين بىلاي دەپ اتاپ كورسەتتى: مەملەكەتتىك دەنساۋلىق ساقتاۋ، سالاماتتىق كوميتەتى جاريالاعان ەڭ جاڭا دياگنوز قويۋ جانە ەمدەۋ جوباسىن قاتاڭ اتقارىپ، دياگنوز قويۋ جانە ەمدەۋ ءتارتىبىن ساپالىلاندىرىپ، جۇڭگوشا شيپاگەرلىك پەن باتىسشا شيپاگەرلىكتى بىرلەستىرۋگە ءمان بەرىپ، سالماقتى ناۋقاستار ءۇشىن ”ءبىر ادامعا ءبىر شارا“ قولدانىپ، ناۋقاستاردى قۇتقارۋ - ەمدەۋ قىزمەتىنىڭ عىلمي، ءتارتىپتى بولۋىنا شىنايى كەپىلدىك ەتۋ كەرەك. اۋا الماستىرۋعا، زارارسىزداندىرۋعا كوڭىل ءبولىپ، ەمدەۋ قىزمەتكەرلەرىنىڭ دەنساۋلىعىن كۇندەلىكتى قاداعالاۋدى كۇشەيتىپ، جۇعىمدالماۋىنا شىنايى كەپىلدىك ەتۋ كەرەك. ەمدەۋ قىزمەتكەرلەرىنە كوڭىل ءبولىپ، قامقورلىق جاساپ، ولاردى ۋايىمنان ارىلتىپ، ىندەتكە قارسى اتتانۋ شايقاسىنا تاسقىنداعان، تاماشا رۋحاني كۇيمەن، بۇكىل ىنتا - پەيىلمەن ات سالىسۋىنا مۇمكىندىك جاساۋ كەرەك.
شينجياڭ جيحۋا 7555 كاسىپتىك كيىم - كەشەك شەكتى سەرىكتەستىگىنىڭ قازىر كۇنىنە 5000 ساقتانۋ - قورعانۋ كيىمىن وندىرە الاتىندىعىن، شينجياڭ جينتيانشان مەديتسينالىق اسپاپتار شەكتى سەرىكتەستىگىنىڭ كۇنىنە 400 مىڭ ماسكى وندىرە الاتىندىعىن ۇعىسقان سوڭ، لي پىڭشين بىلاي دەپ اتاپ كورسەتتى: ىستەتىلمەسە دە دايىنداپ قويۋ، ىستەتەتىن كەزدە دايىندىقسىز قۇر الاقان وتىرۋعا جول بەرمەۋ كەرەك. شەشۋشى ءتۇيىندى، ماڭىزدى ءتۇيىندى يگەرۋ مەن جالپى جاعدايمەن، ۇزاق بولاشاقپەن ساناسۋدى قاتار ۇستاۋعا تاباندى بولىپ، ءار جاقتىڭ كۇشىن شوعىرلاندىرىپ، ءار جاقتىڭ باسىمدىعىن ساۋلەلەندىرىپ، ساقتانۋ - تىزگىندەۋ زاتتىق ماتەريالدارىن ءبىر تۇتاس جوسپارلاپ قامتاماسىز ەتۋدى بار ءادىس - امالدى قولدانا وتىرىپ ويداعىداي ىستەپ، ۋاعىندا ساتىپ الۋعا، جەتكىلىكتى زاپاسقا ساقتاۋعا، تىڭعىلىقتى ۇلەستىرۋگە، پارمەندى قامتاماسىز ەتۋگە، بازاردىڭ ورنىقتى بولۋىنا شىنايى كەپىلدىك ەتۋ كەرەك. ءتۇرلى ساقتانۋ - تىزگىندەۋ زاتتىق ماتەريالدارىن وندىرەتىن كاسىپورىندار بار كۇشپەن ءوندىرىس جۇرگىزىپ، وندىرىستىك قۋاتتى جوعارىلاتىپ، ساقتانۋ - تىزگىندەۋ زاتتىق ماتەريالدار ءوندىرىسىن ۇلعايتۋ كەرەك. ءبىر تۇتاس جوسپارلاپ ورنالاستىرىپ، تاسىمال ارنالارىن ىركىلىسسىزدەندىرىپ، زاتتىق ماتەريالداردى جايعاستىرۋ، ۇلەستىرۋ ونىمدىلىگىن جوعارىلاتىپ، ءتۇرلى ساقتانۋ - تىزگىندەۋ زاتتىق ماتەريالدارىن ەڭ قاجەت ەتىپ وتىرعان نەگىزگى ساتى ءبىرىنشى شەبىنە دەرەۋ تاراتىپ بەرۋ كەرەك.
