تيانشان تورى   ›   جاڭالىقتار   ›   سۋرەتتى حابار

چىن چۋانگو ءۇرىمجى قالاسىنىڭ ىندەتتەن ساقتانۋ - تىزگىندەۋ، ەپيدەميولوگيالىق تەكسەرۋ جۇرگىزىپ، تەگىن انىقتاۋ، مەديتسينالىق قۇتقارۋ - ەمدەۋ سياقتى قىزمەتتەرىنىڭ جاعدايى جونىندە تەكسەرۋ - زەرتتەۋ جۇرگىزدى

ءار جاقتاعى كۇشتەردى ءبىر تۇتاس جوسپارلاپ، قىزمەت سەرپىنىن كۇشەيتىپ، قىزمەت ونىمدىلىگىن جوعارىلاتىپ، ىندەتتىڭ كەڭەيۋىن، ءورشۋىن باتىل اۋىزدىقتاپ، ءار ۇلت بۇقاراسىنىڭ ءومىرىنىڭ حاۋىپسىزدىگىن قورعاۋ كەرەك

    7 - ايدىڭ 20 - كۇنى اۆتونوميالى رايوندىق پارتكومنىڭ شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى چىن چۋانگو ءۇرىمجى قالاسىندا ىندەتتەن ساقتانۋ - تىزگىندەۋ، ەپيدەميولوگيالىق تەكسەرۋ جۇرگىزىپ، تەگىن انىقتاۋ، مەديتسينالىق قۇتقارۋ - ەمدەۋ سياقتى قىزمەتتەردىڭ ورىستەتىلۋ جاعدايى جونىندە تەكسەرۋ - زەرتتەۋ جۇرگىزدى. سۋرەتتە: چىن چۋانگو اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىندا، ماماندارمەن اڭگىمەلەسىپ، پىكىر اۋىستىرىپ، ەپيدەميولوگيالىق تەكسەرۋ جۇرگىزىپ، تەگىن انىقتاۋ قىزمەتىنىڭ ىلگەرىلەتىلۋ جاعدايىن ىشكەرىلەي ۇعىستى. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى سۇي جىجيان تۇسىرگەن

  شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 7 - ايدىڭ 20 - كۇنى ۇرىمجىدەن حابارلايدى. 7 - ايدىڭ 20 - كۇنى تۇستەن بۇرىن اۆتونوميالى رايوندىق پارتكومنىڭ شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى چىن چۋانگو ءۇرىمجى قالاسىنىڭ ىندەتتەن ساقتانۋ - تىزگىندەۋ ءبىرىنشى شەبىنە ىشكەرىلەي بارىپ، ىندەتتەن ساقتانۋ - تىزگىندەۋ، ەپيدەميولوگيالىق تەكسەرۋ جۇرگىزىپ، تەگىن انىقتاۋ، مەديتسينالىق قۇتقارۋ - ەمدەۋ سياقتى قىزمەتتەردىڭ ىلگەرىلەۋ جاعدايى جونىندە تەكسەرۋ - زەرتتەۋ جۇرگىزىپ، مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى ماماندار گرۋپپاسىنىڭ مۇشەلەرىنە امانداستى، ولاردان حال سۇرادى.

  اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ ورنالاستىرۋى بويىنشا ءۇرىمجى قالاسى بۇكىل قالا كولەمىندە نۋكلەين قىشقىلىن اقىسىز تەكسەرۋدى توپقا ءبولىپ تارتىپپەن ورىستەتۋدە. ءۇرىمجى قالاسىنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىندا چىن چۋانگو بۇكىل قالانىڭ نۋكلەين قىشقىلىن تەكسەرۋدىڭ ىلگەرىلەتىلۋ جاعدايىنان بەرىلگەن مالىمەتتى تىڭدادى ءارى ماماندارمەن جانە قاتىستى تاراۋلاردىڭ جاۋاپتى جولداستارىمەن ىقىلاسپەن اڭگىمەلەسىپ، پىكىر اۋىستىرىپ، ماسەلەلەردى ۇستىندە قولما - قول شەشتى. چىن چۋانگو بىلاي دەپ اتاپ كورسەتتى: نۋكلەين قىشقىلىن تەكسەرۋ، سارالاۋ قىزمەتىن جاقسى ىستەۋ ىندەتتىڭ كەڭەيۋىن تىزگىندەۋ جونىنەن توتەنشە ماڭىزدى، قازىرگى مەديتسينالىق باقىلاۋداعى ادامدارعا نۋكلەين قىشقىلىن تەكسەرۋدى ورىنداپ بولۋ نەگىزىندە، ۇلگى الۋ مەن تەكسەرۋدى ۇشتاستىرۋعا تاباندى بولىپ، تەكسەرۋ قىزمەتىن بار كۇشپەن جەدەل ورىستەتۋ كەرەك. كۇشتەردى ءبىر تۇتاس جوسپارلاپ ورنالاستىرۋدى كۇشەيتىپ، قىزمەت سەرپىنىن ارتتىرىپ، ۇستىندە قولما - قول ۇلگى الۋ، ينفورماتسيالاردى ەنگىزۋ، لابوراتوريالىق تەكسەرۋ سياقتى بۋىنداردى پارمەندى، ءتارتىپتى تۇردە ۇيىمداستىرىپ، تەكسەرۋ ونىمدىلىگىن جوعارىلاتىپ، بۇكىل قالادا ەڭ قىسقا ۋاقىت ىشىندە نۋكلەين قىشقىلىن تەكسەرۋمەن جاپپاي قامىتۋدى جۇزەگە اسىرۋعا كۇش سالىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋگە مىعىم نەگىز قالاۋ كەرەك.

  اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىندا، ماماندار ىندەتتىڭ تارالۋ جولدارىنا، اۋرۋعا شالدىعۋ ەرەكشەلىگىنە جانە تارالۋ قاينارىنا جابال تالداۋ جۇرگىزىپ، تۇجىرىم جاساۋدا. چىن چۋانگو ماماندارمەن اڭگىمەلەسىپ، پىكىر اۋىستىرىپ، ەپيدەميولوگيالىق تەكسەرۋ جۇرگىزىپ، تەگىن انىقتاۋ قىزمەتىنىڭ ىلگەرىلەتىلۋ جاعدايىن ىشكەرىلەي ۇعىستى. چىن چۋانگو بىلاي دەپ باسا دارىپتەدى: قىزمەت قارقىنىن اناعۇرلىم تەزدەتىپ، ەپيدەميولوگيالىق تەكسەرۋ جانە تەگىن انىقتاۋ قىزمەتىن جاڭا تەحنيكا، جاڭا تاسىلدەن تولىق پايدالانا وتىرىپ ورىستەتۋ كەرەك.

  اۆتونوميالى رايوندىق 6 - حالىق شيپاحاناسى − جاڭا تيپتى ايدارشا ۆيرۋس وكپە قابىنۋ دياگنوزى تۇراقتاندىرىلعان ناۋقاستاردى ەمدەۋگە الۋ بەلگىلەنگەن ءتۇيىندى شيپاحانا، ءبىر ءبولىم ماماندار مەن ءار ۇلت ەمدەۋ قىزمەتكەرلەرى ناۋقاستاردى قۇتقارۋ - ەمدەۋ قىزمەتىن بار كۇشپەن ورىستەتۋدە. چىن چۋانگو شيپاحاناعا كەلىپ، دياگنوزى تۇراقتاندىرىلعانداردى قۇتقارۋ - ەمدەۋ، ەمدەۋ كۇشتەرى، ەمدەۋ جابدىقتارى جانە ءدارى - دارمەكپەن قامداۋ سياقتى جاعدايلاردى ەگجەي - تەگجەيلى ۇعىستى. چىن چۋانگو شارشاپ - شالدىققاندارىنا قاراماي، كۇندى تۇنگە جالعاپ ىندەتكە قارسى شايقاستىڭ ءبىرىنشى شەبىندە جۇرگەن قالىڭ ەمدەۋ قىزمەتكەرلەرىنە قۇرمەت ءبىلدىرىپ، العىس ايتتى، ولارعا وزىندىك قورعانۋدى جاقسى ىستەۋدى، دەنساۋلىعىنىڭ حاۋىپسىزدىگىنە شىنايى كەپىلدىك ەتۋدى تاپسىردى. چىن چۋانگو بىلاي دەپ باسا دارىپتەدى: حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، ناۋقاستاردى شوعىرلاندىرۋ، مامانداردى شوعىرلاندىرۋ، بايلىقتى شوعىرلاندىرۋ، قۇتقارۋ - ەمدەۋدى شوعىرلاندىرۋ پرينسيبىن قاتاڭ تياناقتاندىرىپ، مەملەكەتتىك دەنساۋلىق ساقتاۋ - سالاماتتىق كوميتەتى جاريالاعان ەڭ جاڭا دياگنوز قويۋ - ەمدەۋ جوباسى بويىنشا، جۇڭگوشا شيپاگەرلىك پەن باتىسشا شيپاگەرلىكتى ۇشتاستىرۋعا تاباندى بولىپ، ناۋقاستاردى قۇتقارۋ - ەمدەۋ قىزمەتىن بار كۇشپەن جاقسى ىستەۋ كەرەك.

  چىن چۋانگو تەكسەرۋ - زەرتتەۋدە بىلاي دەپ باسا دارىپتەدى: ءار دارەجەلى قاتىستى تاراۋلار ماماندار گرۋپپاسىنىڭ قىزمەتىن قولداپ، وعان سايكەسىپ، تۇلعالىق جاۋاپكەرشىلىكتى كۇشەيتىپ، ءار جاقتاعى كۇشتەردى ءبىر تۇتاس جوسپارلاپ، ماماندار گرۋپپاسىنىڭ عىلمي جەتەكشىلىگىندە، قىزمەتتى دالمە - ءدال، ءتارتىپتى تۇردە ويداعىداي ىستەپ، ساقتانۋ - تىزگىندەۋ شارالارىن ناقتى، ەگجەي - تەگجەيلى تياناقتاندىرىپ، ىندەتتىڭ كەڭەيۋىن، ءورشۋىن باتىل اۋىزدىقتاپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزىپ، ءار ۇلت بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن باتىل قورعاۋى كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.