شينحۋا اگەنتتىگىنىڭ 7 - ايدىڭ 20 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى «جۇڭگو كوممۋنيستىك پارتياسى نەگىزگى ساتى ۇيىمى سايلاۋ قىزمەتى ەرەجەسىن» (تومەندە قىسقارتىلىپ «ەرەجە» دەلىندى) باسىپ تاراتتى ءارى حابارلاندىرۋ شىعارىپ، وڭىرلەردەن، تاراۋلاردان وسى بويىنشا مۇقيات اتقارۋدى تالاپ ەتتى.
حابارلاندىرۋدا بىلاي دەپ اتاپ كورسەتىلدى: «ەرەجە» شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى، پارتيا ۋستاۆىن ءتۇبىرلى بويسۇنۋ ولشەمى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن ىشكەرىلەي دايەكتىلەندىردى، جاڭا داۋىردەگى پارتيا قۇرىلىسىنىڭ جالپى تالابىن جانە جاڭا داۋىردەگى پارتيانىڭ ۇيىمدىق لۋشيانىن دايەكتىلەندىردى، تياناقتاندىردى، بۇل − جاڭا داۋىردەگى نەگىزگى ساتى پارتيا ۇيىمى سايلاۋ قىزمەتىنىڭ نەگىزگى بويسۇناتىن ولشەمى.
حابارلاندىرۋدا بىلاي دەپ باسا دارىپتەلدى: «ەرەجەنىڭ» جاسالۋى مەن اتقارىلۋى پارتيا ىشىندەگى دەموكراتيانى ساۋلەلەندىرىپ، پارتيا مۇشەلەرىنىڭ دەموكراتيالىق ۇقىعىنا قۇرمەت ەتىپ جانە ونى قامتاماسىز ەتىپ، نەگىزگى ساتى پارتيا ۇيىمىنىڭ سايلاۋىن ارناعا ءتۇسىرىپ، نەگىزگى ساتى پارتيا ۇيىمىنىڭ ساياسي رولى مەن ۇيىمداستىرۋ قابىلەتىن كۇشەيتىپ، نەگىزگى ساتى پارتيا ۇيىمىن پارتيانىڭ دارىپتەمەلەرىن ۇگىتتەيتىن، پارتيانىڭ ۇيعارىمدارىن دايەكتىلەندىرەتىن، نەگىزگى ساتىنىڭ جونگە سالۋىنا باسشىلىق ەتەتىن، بۇقارانى ىنتىماقتاستىرىپ اتتانىسقا كەلتىرەتىن، رەفورمانى، دامۋدى ىلگەرىلەتەتىن مىزعىماس جاۋىنگەر قورعان ەتىپ قۇرىپ شىعۋدا، پارتيانىڭ ۇزاق ۋاقىت بيلىك جۇرگىزۋىنىڭ ۇيىمدىق نەگىزىن نىعايتۋدا كەلەلى ماڭىزعا يە.
حابارلاندىرۋدا مىنالار تالاپ ەتىلدى: ءار دارەجەلى پارتكوم ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، تۇلعالىق جاۋاپكەرشىلىكتى قاتاڭ تياناقتاندىرىپ، ۇيىمدىق باسشىلىقتى كۇشەيتىپ، باقىلاۋ، جاۋاپقا تارتۋدى قاتايتىپ، «ەرەجەنىڭ» ناقتاپ تياناقتاندىرىلۋىنا شىنايى كەپىلدىك ەتۋى كەرەك. «ەرەجەنى» ۇگىتتەۋدى، ءتۇسىندىرۋدى جانە ۇيرەنۋدى، ول جونىندەگى باۋلۋدى مۇقيات ويداعىداي يگەرۋ، ءار دارەجەلى پارتيا ۇيىمدارى مەن قالىڭ پارتيا مۇشەلەرى «ەرەجەنىڭ» رۋحىن ىشكەرىلەي ءتۇسىنىپ، «ەرەجەنىڭ» مازمۇنىن جاپپاي يگەرىپ، «ەرەجەنى» دايەكتىلەندىرۋ، تياناقتاندىرۋ يدەيالىق سانالىلىعى مەن ارەكەت سانالىلىعىن شىن مانىندە كۇشەيتۋ كەرەك. وڭىرلەر، تاراۋلار «ەرەجەنى» اتقارۋداعى ماڭىزدى جاعدايلار مەن ۇسىنىستاردى دەر كەزىندە پارتيا ورتالىق كوميتەتىنە مالىمدەۋى كەرەك.
