تيانشان تورىنىڭ حابارى (ەرىكتى ءتىلشى ۋاڭ حانچي حابارلايدى). جازعى دەمالىس كەزىندەگى ساياحاتتىڭ قاۋىرت مەزگىلىنىڭ كەلۋىنە ساي، قالىڭ ساياحاتشىلاردىڭ ءجۇرىس - تۇرىس قاجەتىن قاناعاتتاندىرىپ، جەرگىلىكتى ورىن ەكونوميكاسىنىڭ دامۋىنا دەم بەرۋ ءۇشىن، 7-ايدىڭ 15-كۇنىنەن باستاپ، قۇلجا اۋەجايى شي - انعا تىكە ۇشاتىن تاعى ءبىر كەزەكشى ۇشاقتى قوستى. جاڭادان قوسىلعان كەزەكشى ۇشاقتىڭ ۇشۋ مىندەتىن جۇڭگو شىعىس اۆياتسيا توبى شەكتى سەرىكتەستىگى ورىندايدى، كەزەكشى ۇشاق ءنومىرى MU7493/94، ۇشاق تۇرپاتى كۇڭكى 320.
بۇل كەزەكشى ۇشاق ءار كۇنى ءبىر رەت ۇشادى، جوسپاردا ساعات 9دا شي - ان شيانياڭ اۋەجايىنان ۇشىپ، مەجەمەن 13تەن 30 مينۋت وتكەندە قۇلجا اۋەجايىنا قونادى؛ قايتاردا مەجەمەن ساعات 14تەن 30 مينۋت وتكەندە قۇلجا اۋەجايىنان ۇشىپ، مەجەمەن 18دەن 15 مينۋت وتكەندە شي-ان شيانياڭ اۋەجايىنا قونادى.
قازىر، قۇلجا اۋەجايىندا ءار كۇنى شي - انعا تىكە ۇشاتىن 2 كەزەكشى ۇشاق بار. وسى رەتكى شىعىس اۆياتسيا سەرىكتەستىگى جاڭادان قوسقان قۇلجا — شي - ان كەزەكشى ۇشاعى جولاۋشىلارعا ءتىپتى دە كوپ تاڭداۋلار مەن قولايلىقتار جاراتتى ءارى قۇلجانىڭ جاڭا جەمىس - جيدەك قاتارلى اۋىل شارۋاشىلىق قوسىمشا ونىمدەرىنىڭ تەز وتكەرمەلەنىپ، ىشكى ولكەلەردەگى قالالارعا كىرۋىن جەدەلدەتىپ، جەرگىلىكتى ورىننىڭ ەكونوميكا، ساياحاتىنىڭ دامۋىن ونان ارى جەبەدى.