تيانشان تورى
تيانشان تورى   ›   جاڭالىقتار   ›   ءۇرىمجى

ءۇرىمجى قالالىق ساۋدا مەكەمەسى: 491 الەۋمەتتىك اۋماقتاعى كوكونىس ساتۋ دۇكەندەرى «جوعارى باعادا ەنگىزىپ، تومەن باعادا ساتتى»

  تيانشان تورىنىڭ حابارى (سۋرەتىن ءتۇسىرىپ حابارىن جازعان تىلشىلەر ليۋ مىڭمىڭ، دوۋ شيڭجۇن، جانات تولقىن). 7 - ايدىڭ 21 - كۇنى تۇستەن كەيىن ساعات 5تە، اۆتونوميالى رايوندىق ۇكىمەتتىڭ اقپارات كەڭسەسى اقپار جاريالاۋ ءماجىلىسىن اشىپ، ءۇرىمجى قالاسىنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى جاعدايىن حابارلاندىردى ٴارى تىلشىلەردىڭ سۇراۋىنا جاۋاپ بەردى.

  ٴۇرىمجى قالالىق ساۋدا مەكەمەسىنىڭ (قالالىق استىق مەكەمەسىنىڭ) باستىعى يان جۇن بىلاي دەپ تانىستىردى: ىندەتتىڭ تۋىلۋى تۇتقيىل بولۋى سەبەپتى، قىسقا مەرزىم ىشىندە قالا تۇرعىندارىنىڭ ساتىپ الۋ قاجەتى كۇرت ارتتى. ساندى مالىمەتتە كورسەتىلۋىنشە، 7 - ايدىڭ 16 - كۇنگى كەشكى ساۋدا مولشەرى ادەتتەگىدەن ەكى ەسە كوپ بولىپ، 2 - دارەجەلى تولايىم ساتۋ بازارى مەن بولشەك ساتۋ ورىندارىنىڭ ۇشتاسۋى ىركىلىسكە ۇشىراپ، 16 - ، 17 - كۇندەرى ءىشىنارا كوكونىستەردىڭ باعاسى ورلەگەن.

  يان جۇن بىلاي دەدى: ٴۇرىمجى قالاسى تۇندەلەتىپ تاسۋدى تەڭشەۋ تەبىنىن ارتتىرىپ، ٴوندىرۋ مەن ساتۋدى ۇشتاستىرۋ جانە بازار ارقىلى جەتكىزۋدى كۇشەيتتى، بازار باقىلاۋ - باسقارۋدى كۇشەيتىپ، بازاردىڭ قامداۋىن بار كۇشپەن قامتاماسىزداندىردى. قازىر الدىڭعى مەرزىمدىك شارالاردى قولدانۋ نەگىزىندە، بىرىنشىدەن، ليڭچيڭ، جاڭا بەييۋانچۇن قاتارلى ەكىنشى دارەجەلى تولايىم ساتۋ بازارلارىنا ءمالىم مولشەردەگى قوسىمشا قاراجات بەرىلىپ، ونىڭ ٴبىرىنشى دارەجەلى تولايىم ساتۋ بازارلارى اراسىنداعى باعا پارقىن تولىقتاپ، تولايىم ساتۋ باعاسىن تومەندەتۋگە كۇش سالدى؛ ەكىنشىدەن، قامداۋ مەن قاجەتسىنۋ ەكى جاعىنىڭ ەڭ تومەنگى ساندىق مولشەرىن تولىق يەلەپ، اۋىل شارۋاشىلىعى مەن ساۋدانى، اۋىل شارۋاشىلىعى مەن ەرەن بازاردى ۇشتاستىرۋ تەبىنىن ارتتىرىپ، رايونعا ٴبولىپ كوتەرمەگە بەرۋ ٴتۇزىمى سەلبەستىگىن ورىستەتتى. ءونىم وندىرلەتىن رايوندارداعى اۋىل - قالاشىقتار، كووپەراتيۆتەر مەن ساتۋ رايوندارىنداعى تولايىم ساتۋ بازارلارى، ەرەن بازارى، توتە ساتاتىن كاسىپورىنداردى ورگانيكالى تۇردە ٴبولىپ كوتەرمەگە بەرۋ مەن ۇشتاستىرۋدى جەبەپ، ۇزاق مەرزىمدىك سەلبەستىك مەحانيزمىن قالىپتاستىردى؛ ۇشىنشىدەن، قالا بويىنشا 491 الەۋمەتتىك اۋماقتاعى كوكونىس، قوسىمشا ازىق - تۇلىك ساتۋ دۇكەنىنە سايكەستى قوسىمشا قاراجات بەرىلىپ، كوكونىستى «جوعارى باعادا ەنگىزىپ، تومەن باعادا ساتۋدى» جولعا قويدى.

  يان جۇن بىلاي دەدى: سايكەستى قامداۋ شاراسىن قولدانۋ ارقىلى، كوكونىستىڭ تولايىم ساتۋ باعاسى 7 - ايدىڭ 17 - كۇنگى قاۋىرت مەزگىلدەن 7 - ايدىڭ 16 - كۇننەن بۇرىنعى باعا دەڭگەيىنەن كورنەكتى تومەندەدى. وندىرىلگەن جەردىڭ باعا وزگەرىسى سياقتى فاكتورلاردىڭ ىقپالىن ەسكەرە وتىرىپ، تاياۋدا كوكونىس باعاسى ٴبىرشاما ورنىقتى دەڭگەيگە جەتەدى دەپ مەجەلەنۋدە.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.