بارىستى ساپالىلاندىرىپ، مەحانيزمدى كەمەلدەندىرىپ، نۋكلەين قىشقىلىن تەكسەرۋ قابىلەتىن جوعارىلاتۋ كەرەك
شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ جىيۇن 7 - ايدىڭ 21 - كۇنى ۇرىمجىدەن حابارلايدى. 7 - ايدىڭ 21 - كۇنى تۇستەن بۇرىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنىڭ قولباسشىسى لي پىڭشين ءۇرىمجى قالاسىندا تەكسەرۋ - زەرتتەۋ جۇرگىزىپ، ىندەتتەن ساقتانۋ - تىزگىندەۋ جانە نۋكلەين قىشقىلىن ۇلگى الىپ تەكسەرۋ قىزمەتىن تەكسەردى.
ءۇرىمجى قالاسى تيانشان رايونى باقىت جولى 118 - ءنومىرلى مەملەكەت قىزمەتكەرلەرى شاعىن اۋماعى مەن جاستار جولى 26 - ءنومىرلى رىگۋاڭ شاعىن اۋماعىنداعى شوعىرلى ۇلگى الۋ ءتۇيىنىنىڭ جۇمىس باسىندا، تەكسەرىلەتىن بۇقارا تارتىپپەن ءبىر مەتر ارالىق ساقتاپ قاتارعا تۇرىپ، جەكەلىك ينفورماتسيالارىن تىركەۋگە الدىرىپ، تەكسەرتۋدەن وتكىزىپ، ۇلگى الۋ اۋماعىنا كىرگەننەن كەيىن، كاسىپتىك ەمدەۋ قىزمەتكەرلەرىنىڭ ۇلگى الۋى نە بارى 3 − 5 مينۋت ۋاقىت ىشىندە ورىندالدى. لي پىڭشين نۋكلەين قىشقىلىن ۇلگى الىپ تەكسەرۋدى ۇيىمداستىرۋدىڭ اتقارىلۋ جاعدايىن تەكسەرىپ كورگەننەن كەيىن، الەۋمەتتىك اۋماق قىزمەتكەرلەرىمەن، تۇرعىندارمەن ىقىلاستى اڭگىمەلەستى. لي پىڭشين مىنالاردى تالاپ ەتتى: شوعىرلى ۇلگى الۋ تۇيىندەرى جۇمىس باسى ءتارتىبىن قورعاۋدى جانە الىنعان ۇلگىلەردى، ساندى مالىمەت ينفورماتسيالارىن قورعاۋدى - باسقارۋدى ويداعىداي ىستەپ، تەكسەرۋ قۇرىلىمدارىمەن، ەمدەۋ قۇرىلىمدارىمەن ۇشتاسۋدى كۇشەيتىپ، ىندەتتەن ساقتانۋ - تىزگىندەۋدەگى ەرتە بايقاۋدىڭ، ەرتە مالىمدەۋدىڭ، ەرتە اۋاشالاۋدىڭ، ەرتە ەمدەۋدىڭ بەرىك نەگىزىن قالاپ، قالىڭ بۇقارانى قامسىز، الاڭسىز ەتۋ كەرەك.
الەۋمەتتىك اۋماق قىزمەتكەرلەرى مەن ەرىكتىلەردىڭ تۇرمىستىق قاجەتتى بۇيىمداردى تۇرعىنداردىڭ ءۇيىنىڭ ەسىك الدىنا جەتكىزىپ بەرەتىنىن، الەۋمەتتىك اۋماق تۇرمىس ءتارتىبىنىڭ قالىپتى، ورنىقتى ەكەنىن ۇعىسقاننان كەيىن، لي پىڭشين الەۋمەتتىك اۋماق قىزمەتكەرلەرىنەن، ەرىكتىلەردەن حال سۇراپ، قاراستى جەرلەردەگى ۇكىمەتتەر مەن قاتىستى تاراۋلاردان بۇقارانىڭ نەگىزگى تۇرمىسىنا شىنايى كەپىلدىك ەتۋدى، بۇقاراعا ءتىپتى دە تاماشا قىزمەت وتەۋدى تالاپ ەتتى.
اۆتونوميالى رايوندىق حالىق شيپاحاناسىندا، ءۇرىمجى دي - ان يۋانديڭ مەديتسينالىق ساراپتاۋ ورنىندا لي پىڭشين نۋكلەين قىشقىلىن تەكسەرۋ تاجىريبەسى سياقتى جاعدايلاردى ەگجەي - تەگجەيلى ۇعىستى ءارى جۇمىس باسىندا ءىس ءبىتىرىپ، تەكسەرۋ زاتتىق بۇيىمدارىمەن قامتاماسىز ەتۋ ماسەلەسىن سايكەستىردى، شەشتى. لي پىڭشين بىلاي دەپ اتاپ كورسەتتى: نۋكلەين قىشقىلىن تەكسەرۋ − دالمە - ءدال ساقتانۋ - تىزگىندەۋدىڭ ماڭىزدى بۋىنى، ۋاقىتتى ۇتىپ، ىرىقتىلىقپەن كىرىسىپ، تاجىريبەلەردى ۇزدىكسىز قورىتىندىلاپ، جۇمىس بارىسىن ساپالىلاندىرىپ، تەكسەرۋ قابىلەتىن جوعارلاتۋعا قاجەتتى ادامداردى، جابدىقتاردى جانە قارجىنى جەدەل تياناقتاندىرىپ، قاراستى جەردىڭ، تاراۋدىڭ، ورىننىڭ جانە جەكە ادامنىڭ جاۋاپكەرشىلىگىن قاتايتۋ كەرەك. قىزمەت مەحانيزمىن كەمەلدەندىرىپ، ۇلگى الۋ، تەكسەرۋ سياقتى ءارقايسى بۋىنداردىڭ ساپاسىن مەڭگەرۋگە جانە ءوزارا ۇشتاستىرۋعا ءمان بەرىپ، تەكسەرۋ ونىمدىلىگىن جوعارىلاتىپ، تەكسەرۋ مىندەتىنىڭ دەر كەزىندە ورىندالۋىنا شىنايى كەپىلدىك ەتىپ، جينالىپ قالماۋدى، كەشىكتىرمەۋدى ورىنداۋ كەرەك. ءۇرىمجى قالاسى قاراستى جەردىڭ جاۋاپكەرشىلىگىن تياناقتاندىرىپ، ءبىر تۇتاس جوسپارلاۋدى كۇشەيتىپ، تەكسەرۋ قۇرىلىمدارىن قاجەتتى كومەكتەرمەن قامداپ، ەرتە بايقاۋدى، دالمە - ءدال ساقتانۋ - تىزگىندەۋدى ورىنداۋ كەرەك.
ەمدەۋ قىزمەتكەرلەرى ىندەتتى جەڭۋدەگى تىرەكتى كۇش. تەكسەرىپ - زەرتتەۋ بارىسىندا لي پىڭشين قالىڭ ەمدەۋ قىزمەتكەرلەرىنەن شىنايى حال سۇرادى ءارى وسكەلەڭ قۇرمەت ءبىلدىردى. ول بىلاي دەدى: كوپشىلىك دەنساۋلىقتارىن ويداعىداي قورعاۋى، ءوز قورعانۋىن ويداعىداي ىستەۋى كەرەك. ءار دارەجەلى پارتكومدار مەن ۇكىمەتتەر ناقتى، جاناسىمدى شارالار قولدانىپ، تۇرمىستىق قامتاماسىزداندىرۋدى ويداعىداي ورىنداپ، ەمدەۋ - ساقتانۋ زاتتىق بۇيىمدارىندا ءبىرىنشى شەپتەگى ەمدەۋ - كۇتىمدەۋ قىزمەتكەرلەرىنىڭ قاجەتىن الدىمەن قاناعاتتاندىرىپ، ەمدەۋ قىزمەتكەرلەرىنىڭ دەنساۋلىعىن جانە پسيحيكالىق اقاۋسىزدىعىن شىنايى قورعاۋ كەرەك.
اۆتونوميالى رايون باسشىلارىنان ماڭلىك سەيت، ۋان حايچۋان، ياڭ يۇڭ تەكسەرىپ - زەرتتەۋدە بىرگە بولدى.
