ءۇرىمجى قالاسىنىڭ ىندەتتەن ساقتانۋ - تىزگىندەۋ قىزمەتىن ورنالاستىردى، جايعاستىردى
چىن چۋانگو ءماجىلىستى باسقاردى ءارى ءسوز سويلەدى
شوكىرات زاكىر، ۋاڭ جۇنجىڭ، لي پىڭشين قاتىناستى
شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 7 - ايدىڭ 21 - كۇنى ۇرىمجىدەن حابارلايدى. 7 - ايدىڭ 21 - كۇنى كەشتە اۆتونوميالى رايون بەينە ەكران ءماجىلىسىن اشىپ، ءۇرىمجى قالاسىنىڭ ىندەتتەن ساقتانۋ - تىزگىندەۋ، اسىرەسە، نۋكلەين قىشقىلىن تەگىن تەكسەرۋ قىزمەتىن ورنالاستىردى، جايعاستىردى. اۆتونوميالى رايوندىق پارتكومنىڭ شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى چىن چۋانگو ءماجىلىستى باسقاردى ءارى ءسوز سويلەدى.
اۆتونوميالى رايوننىڭ باسشىلارىنان شوكىرات زاكىر، ۋاڭ جۇنجىڭ، لي پىڭشين، لي ۋي، شۇي حايرۇڭ، ەركىن تۇنياز، تيان ۋىن، لي يفي، سارقىت اقان، جاڭ چۇنلين جانە مەملەكەتتىك دەنساۋلىق ساقتاۋ، سالاماتتىق كوميتەتىنىڭ ىندەتتەن ساقتانۋ - تىزگىندەۋ ماماندار گرۋپپاسىنىڭ باستىعى يۇي جيڭجين جانە ماماندار گرۋپپاسىنىڭ مۇشەلەرى ماجىلىسكە قاتىناستى.
چىن چۋانگو سوزىندە بىلاي دەپ اتاپ كورسەتتى: ءۇرىمجى قالاسىنىڭ ىندەتتەن ساقتانۋ - تىزگىندەۋ قىزمەتىن ويداعىداي ىستەۋ ءار ۇلت بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىنا سايادى، تۇتاس رايوننىڭ ەكونوميكالىق، قوعامدىق كەلەلى جاعدايدىڭ ورنىقتىلىعىنا سايادى، اناعۇرلىم بەرىك بەكىم، اناعۇرلىم پارمەندى شارالار ارقىلى ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە باتىلدىقپەن قول جەتكىزىپ، ءار ۇلت حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن باتىلدىقپەن ويداعىداي قورعاۋ كەرەك. ۋاقىتتا مينۋت، سەكۋندتى دا زايا جىبەرمەۋ كەرەك، ءۇرىمجى قالاسى ىندەتتەن ساقتانۋ - تىزگىندەۋ قىزمەتىن كەزەكتەگى ەڭ ماڭىزدى قىزمەت رەتىندە يگەرىپ، بار كۇشىن سالىپ، ءبىر سەكۋندتى دا زايا جىبەرمەي، ءبىر مينۋتتى دا بوس وتكىزبەي، ساقتانۋ - تىزگىندەۋ قىزمەتىن شىن مانىندە ويداعىداي ىستەپ، ىندەتتەن ساقتانۋ - تىزگىندەۋ شارالارىن تياناقتاندىرۋى، ەگجەي - تەگجەيلىلەندىرۋى، ناقتىلاندىرۋى كەرەك. شارالار دالمە - ءدال، ءونىمدى بولىپ، ەپيدەميولوگيالىق تەكسەرۋ مەن ۆيرۋستىڭ تەگىن انىقتاۋ قىزمەتىن ىشكەرىلەي ەگجەي - تەگجەيلى ورىستەتۋ؛ ەرتە بايقاۋ، ەرتە مالىمدەۋ، ەرتە اۋاشالاۋ، ەرتە ەمدەۋ شارالارىن قاتاڭ تياناقتاندىرىپ، قىزۋ امبولاتورياسىنىڭ رولىن ساۋلەلەندىرىپ، العاش دياگنوز قويعاندار جاۋاپتى بولۋ ءتۇزىمىن اتقارىپ، بارلىق جاقىن جاناسۋشىلارعا مەديتسينالىق باقىلاۋ شارالارىن قولدانۋ؛ ”ءتورتتى شوعىرلاندىرۋعا“ تاباندى بولىپ، بايلىق - كۇشتەردى ءبىر تۇتاس ورنالاستىرىپ، دياگنوز قويۋ - ەمدەۋ جوباسىن ساپالىلاندىرىپ، جۇڭگوشا جانە باتىسشا شيپاگەرلىكتى ۇشتاستىرىپ، ەمدەپ ساۋىقتىرۋ سالىستىرماسىن قۇلشىنا جوعارىلاتۋ؛ قاراستى ورىن جاۋاپكەرشىلىگىن تياناقتاندىرىپ، توركوزدەندىرىپ باسقارۋ شارالارىن كۇشەيتىپ، ىندەتتەن ساقتانۋدىڭ، ىندەتكە قارسى اتتانۋدىڭ قۇرىش قامالىن مىقتاپ ورناتۋ كەرەك. ستيلدە ناقتى دا جوعارى ءونىمدى بولىپ، شىنايى يگەرىپ، ناقتى ىستەپ، اناعۇرلىم كوپ زەيىن - زەردەنى ىندەتتەن ساقتانۋ - تىزگىندەۋدىڭ ءبىرىنشى شەبىنە جۇمساپ، جاۋاپكەرشىلىك ارقالاۋعا باتىلدىق ەتپەگەندەردىڭ، ىسكەرلىك كورسەتپەگەندەردىڭ، ستيلدە تۇرلاۋسىز بولعانداردىڭ، جاۋاپكەرشىلىكتەن قاشىپ ءبىر - بىرىنە يتەرمەلەگەندەردىڭ جاۋاپكەرشىلىگىن قاتاڭ قۋزاۋ، قاتاڭ جاۋاپقا تارتۋ كەرەك.
چىن چۋانگو بىلاي دەپ باسا دارىپتەدى: ەڭ قىسقا ۋاقىت ىشىندە بۇكىل قالادا نۋكلەين قىشقىلىن تەگىن تەكسەرۋ قىزمەتىن ورىنداۋ − ءۇرىمجى قالاسىنىڭ ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋىنىڭ شەشۋشى بۋىنى. تەكسەرۋشى قىزمەتكەرلەردى ونان ارى كۇشتى سەپتەپ، قىزمەت بارىسىن ساپالىلاندىرىپ، ينفورماتسيالاندىرۋ دەڭگەيىن جوعارىلاتىپ، جاسىل ارنا اشىپ، ءار بۋىننىڭ ۇشتاسۋىن كۇشەيتىپ، بۇكىل قالادا نۋكلەين قىشقىلىن تەگىن تەكسەرۋ قىزمەتىن جوعارى ولشەممەن، جوعارى ساپامەن، جوعارى ونىمدىلىكپەن ورىنداۋ كەرەك. ساقتانۋ شارالارىن قاتاڭ تياناقتاندىرىپ، ۇلگىنىڭ ساپا حاۋىپسىزدىگىنە، تەكسەرۋشىلەردىڭ حاۋىپسىزدىگىنە، تەكسەرىلەتىن بۇقارانىڭ حاۋىپسىزدىگىنە باتىلدىقپەن شىنايى كەپىلدىك ەتۋ كەرەك.
يۇي جيڭجين بىلاي دەپ اتاپ كورسەتتى: اۆتونوميالى رايوندىق پارتكوم وسى رەتكى جاڭادان بايقالعان ىندەتتەن ساقتانۋ - تىزگىندەۋ قىزمەتىنە ايرىقشا ءمان بەرىپ، ءبىر قىدىرۋ باتىل دا ءونىمدى شارا قولدانىپ، بەلسەندى ونىمدىلىككە قول جەتكىزدى. ءۇرىمجى قالاسى ينفورماتسيالاندىرۋ تەحنيكاسىنا سۇيەنىپ، ۇلگى الۋ، جەتكىزۋ، تەكسەرۋدى ءبىر تۇلعالاندىرۋعا تاباندى بولىپ، نۋكلەين قىشقىلىن تەكسەرۋ قابىلەتىن ونان ارى جوعارىلاتۋى كەرەك. تەكسەرۋ، ەپيدەميولوگيالىق تەكسەرۋ، ۆيرۋستىڭ تەگىن انىقتاۋ، الەۋمەتتىك اۋماق باسقارۋ سياقتى بۋىنداردىڭ تىعىز ۇشتاسۋىن كۇشەيتىپ، نۋكلەين قىشقىلىن تەكسەرۋدىڭ ىندەتتەن ساقتانۋ - تىزگىندەۋدەگى تىرەكتىك رولىن تولىق ساۋلەلەندىرۋى كەرەك. ناۋقاستاردى بار كۇشپەن قۇتقارىپ - ەمدەپ، بارلىق ناۋقاستارعا ”ءبىر ادامعا ءبىر شارا“ قولدانىپ، جۇڭگوشا جانە باتىسشا شيپاگەرلىكتى ۇشتاستىرۋعا ءمان بەرىپ، دياگنوزى تۇراقتاندىرىلعان ناۋقاستاردىڭ اۋرۋ جاعدايىنىڭ ورنىعىپ جاقسارۋىن، ەرتەرەك ساۋىعۋىن جەبەۋ كەرەك. ماماندار گرۋپپاسى اۆتونوميالى رايوندىق پارتكوم مەن ۇكىمەتتىڭ باسشىلىعىندا، ءۇرىمجىنىڭ ىندەتتەن ساقتانۋ - تىزگىندەۋ قىزمەتىن كۇش سالا قولداپ، اۆتونوميالى رايونداعى، ءۇرىمجى قالاسىنداعى ءار ۇلت كادر - بۇقاراسىمەن بىرگە وسى قاتاڭ شايقاستىڭ جەڭىسىنە باتىل قول جەتكىزەدى.
ماجىلىستە اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ىندەتتەن ساقتانۋ - تىزگىندەۋ قىزمەتى قولباسشىلىق شتابىنىڭ قولباسشىسى لي پىڭشين ءۇرىمجى قالاسىنىڭ نۋكلەين قىشقىلىن تەگىن تەكسەرۋ قىزمەتىن ويداعىداي ىستەۋ جونىندە ورنالاستىرۋ جاسادى؛ اۆتونوميالى رايوندىق پارتكومنىڭ تۇراقتى مۇشەسى، ءۇرىمجى قالالىق پارتكومنىڭ شۋجيى شۇي حايرۇڭ ءۇرىمجى قالاسىنىڭ ىندەتتەن ساقتانۋ - تىزگىندەۋ جاعدايى جونىندە مالىمەت بەردى.
