تيانشان تورى   ›   جاڭالىقتار   ›   سۋرەتتى حابار

چىن چۋانگو، شوكىرات زاكىر ءۇرىمجى قالاسىندا ىندەتتەن ساقتانۋ - تىزگىندەۋ قىزمەتىن زەرتتەگەندە، تەكسەردى

چىن چۋانگو، شوكىرات زاكىر ءۇرىمجى قالاسىندا ىندەتتەن ساقتانۋ - تىزگىندەۋ قىزمەتىن زەرتتەگەندە، تەكسەرگەندە بىلاي دەپ باسا دارىپتەدى

ىندەتتەن دالمە - ءدال ساقتانۋ - تىزگىندەۋ شارالارىن ناقتى، ەگجەي - تەگجەيلى يگەرىپ، ىندەتتەن ساقتانۋ - تىزگىندەۋ سىندى وسى قاتاڭ شايقاستىڭ جەڭىسىنە باتىل قول جەتكىزۋ كەرەك

  7 - ايدىڭ 21 - كۇنى اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوننىڭ ءتوراعاسى شوكىرات زاكىر ءۇرىمجى قالاسىندا ىندەتتەن ساقتانۋ - تىزگىندەۋ جاعدايىن زەرتتەگەندە، تەكسەرگەندە، ىندەتتەن ساقتانۋ - تىزگىندەۋدىڭ ءبىرىنشى شەبىندە ەرلىكپەن شايقاس جۇرگىزىپ جاتقان ماماندارعا، ەمدەۋ قىزمەتكەرلەرىنە جانە الەۋمەتتىك اۋماق قىزمەتكەلەرىنە شىن جۇرەكتەن العىس ايتتى جانە ولاردان ىستىق ىقىلاسپەن حال سۇرادى. سۋرەتتە: چىن چۋانگو، شوكىرات زاكىر ءۇرىمجى قالاسى تيانشان رايونى گۋاڭديان الەۋمەتتىك اۋماعى ىنتىماق شاعىن اۋماعىنا كەلىپ، مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى ىندەتتەن ساقتانۋ - تىزگىندەۋ ماماندار گرۋپپاسىنىڭ ماماندارىمەن بىرگە ىندەتتەن ساقتانۋ - تىزگىندەۋ قىزمەتىن اقىلداسىپ، پىكىر اۋىستىردى. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى سۇي جىجيان تۇسىرگەن

  شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 7 - ايدىڭ 21 - كۇنى ۇرىمجىدەن حابارلايدى. 7 - ايدىڭ 21 - كۇنى اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق اۋرۋدىڭ الدىن الۋ - تىزگىندەۋ ورتالىعىنا جانە ءۇرىمجى قالاسى تۇرعىندارىنىڭ نۋكلەين قىشقىلىن تەگىن تەكسەرتىپ جاتقان ورىندارعا بارىپ، مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى ىندەتتەن ساقتانۋ - تىزگىندەۋ ماماندار گرۋپپاسىنداعى، ەپيدەميولوگيالىق تەكسەرۋ ماماندار گرۋپپاسىنداعى ماماندارمەن بىرگە ىندەتتەن ساقتانۋ - تىزگىندەۋ قىزمەتىن اقىلداسىپ، اۋىس - كۇيىس جاساپ، ءۇرىمجىنىڭ ىندەتتەن ساقتانۋ - تىزگىندەۋ جاعدايىن زەرتتەدى، تەكسەردى.

  اۆتونوميالى رايوندىق اۋرۋدىڭ الدىن الۋ - تىزگىندەۋ ورتالىعىندا چىن چۋانگو، شوكىرات زاكىر الەۋمەتتىك دەنساۋلىق ساقتاۋ ماماندارىمەن پىكىر اۋىستىرىپ، كەڭەسىپ، ءۇرىمجىنىڭ جاڭادان تۋىلعان ىندەتكە ەپيدەميولوگيالىق تەكسەرۋ جۇرگىزۋ قىزمەتىنىڭ ىلگەرىلەۋ جاعدايىن تاپتەشتەي ۇعىستى. چىن چۋانگو، شوكىرات زاكىر: ەپيدەميولوگيالىق تەكسەرۋدى عىلمي، دالمە - ءدال ويداعىداي ىستەپ، دياگنوزى تۇراقتاندىرىلعان ناۋقاستاردى جانە ولارعا قاتىستى ادامداردى تالداۋ جاساپ تۇجىرىمداۋدى كۇشەيتىپ، ىندەتتەن ساقتانۋ - تىزگىندەۋگە شىن مانىندە عىلمي نەگىز ازىرلەۋ كەرەك، - دەپ اتاپ كورسەتتى.

  ءۇرىمجى قالاسى تيانشان رايونى گۋاڭديان الەۋمەتتىك اۋماعى ىنتىماق شاعىن اۋماعىندا ءار ۇلت تۇرعىندارى الەۋمەتتىك اۋماق قىزمەتكەرلەرىنىڭ جەتەكشىلىگىندە تارتىپپەن نۋكلەين قىشقىلىن تەگىن تەكسەرتۋدە. چىن چۋانگو، شوكىرات زاكىر ىندەتتەن ساقتانۋ - تىزگىندەۋدىڭ ءبىرىنشى شەبىندە ەرلىكپەن شايقاس جاساپ جاتقان ماماندارعا، شيپاگەر - سەسترالارعا جانە الەۋمەتتىك اۋماق قىزمەتكەرلەرىنە شىن جۇرەكتەن العىس ايتتى جانە ولاردان ىقىلاستى حال سۇرادى. چىن چۋانگو، شوكىرات زاكىر بىلاي دەپ باسا دارىپتەدى: جۇمىس باسى ءتارتىبىن ويداعىداي قورعاپ، دەنە تەمپەراتۋراسىن ولشەۋ، ماسكى تارتۋ، ”ءبىر مەتر ارالىق“ سياقتى شارالاردى قاتاڭ تياناقتاندىرىپ، جۇمىس بارىسىن اناعۇرلىم ساپالىلاندىرىپ، ۇلگى الۋ مەن تەكسەرۋ - ولشەۋ ونىمدىلىگىن قۇلشىنا جوعارىلاتۋ كەرەك.

  چىن چۋانگو، شوكىرات زاكىر تەكسەرۋ - زەرتتەۋ كەزىندە بىلاي دەپ باسا دارىپتەدى: ءۇرىمجى قالاسى كەزەكتەگى ىندەتتەن ساقتانۋ - تىزگىندەۋ جاعدايىن جىعا تانىپ، اناعۇرلىم پارمەندى، ءونىمدى شارالارمەن ىندەتتىڭ تارالۋىن، ءورشۋىن باتىل تەجەپ، ىندەتتەن ساقتانۋ - تىزگىندەۋ سىندى وسى قاتاڭ شايقاستىڭ جەڭىسىنە بار كۇشپەن قول جەتكىزۋ كەرەك. تەكسەرۋ قارقىنىن تەزدەتىپ، ەڭ قىسقا ۋاقىت جۇمساپ ءۇرىمجى قالاسىنىڭ نۋكلەين قىشقىلىن تەكسەرۋمەن جاپپاي قامتىلۋىن جۇزەگە اسىرۋ؛ الەۋمەتتىك اۋماقتىڭ ساقتانۋ - تىزگىندەۋىن ناقتى يگەرىپ، بىرلەسىپ ساقتانۋدىڭ، بىرلەسىپ تىزگىندەۋدىڭ، بۇقارالىق ساقتانۋدىڭ، بۇقارالىق تىزگىندەۋدىڭ قورعانىس شەبىن اناعۇرلىم قاتايتۋعا، اناعۇرلىم ناقتىلاندىرۋعا كۇش سالۋ؛ قامداۋ مەن قاجەتسىنۋدى ۇشتاستىرۋدى ويداعىداي ىستەپ، بۇقارانىڭ قاجەتىن بايسالدىلىقپەن، دەن قويا ۇعىسىپ، دەر كەزىندە، ىرىقتىلىقپەن ۇيلەرىنە بارىپ قىزمەت وتەپ، بۇقارانىڭ قالىپتى تۇرمىسىن شىنايى قامتاماسىز ەتۋ؛ ۇگىت - تاربيەنى كۇشەيتىپ، ءار ۇلت حالىق بۇقاراسىن ىندەتكە دۇرىس، اقىلدىق تۇرعىدان قاراۋعا جەتەكتەپ، وزىندىك ساقتانۋ تانىمى مەن قورعانۋ قابىلەتىن كۇشەيتۋ؛ قىزمەت جاۋاپكەرشىلىگىن ناقتىلاندىرۋ، قالىڭ پارتيالى كادرلار بۇقارانىڭ جان اشىرى جانە تىرەگى بولىپ، ناقتى ورىندارعا كىرىسىپ، نازىك ورىندارعا كۇش سالىپ، دالمە - ءدال ساقتانۋ - تىزگىندەۋ شارالارىن باتىل تۇردە ناقتى، ەگجەي - تەگجەيلى، تىڭعىلىقتى يگەرۋ كەرەك.

  چىن چۋانگو، شوكىرات زاكىر بىلاي دەپ اتاپ كورسەتتى: تۇتاس رايونداعى باسقا دا ايماقتار، وبلىستار، قالالار ىندەتتەن ساقتانۋ - تىزگىندەۋدى ۇدايىلاندىرۋدى جانە ەكونوميكانىڭ جوعارى ساپالى دامۋىن، كەدەيلىكتەن ارىلتۋدان قامال الۋدى، قوعام ورنىقتىلىعىن ءبىر تۇتاس جوسپارلاپ ويداعىداي يگەرۋگە تاباندى بولۋدان اۋىتقىماي، زەيىن - زەردەنى شاشىراتپاي، قىزمەتتى كىدىرتپەي، جاپپاي دوڭگەلەك داۋلەتتى قوعام ورناتۋ نىساناسىمەن، مىندەتىمەن تىعىز بايلانىستىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ ۇستانىمىن ىشكەرىلەي دايەكتىلەندىرىپ، ”التىنى ورنىقتىرۋ“ قىزمەتىن تىڭعىلىقتى ويداعىداي ىستەپ، ”التىنى قامتاماسىزداندىرۋ“ مىندەتىن جالپى بەتتىك تياناقتاندىرىپ، قوعامدىق كەلەلى جاعدايدىڭ ءۇرتىس جاراسىمدى، ورنىقتى بولۋىن ساقتاپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋ، جاپپاي دوڭگەلەك داۋلەتتى قوعام ورناتۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.