تيانشان تورىنىڭ حابارى (سۋرەتىن ءتۇسىرىپ حابارىن جازعان تىلشىلەر دوۋ شيڭجۇن، جانات تولقىن، يىن تۇڭيۋان) 7-ايدىڭ 23-كۇنى تۇستەن كەيىن ساعات 5تە، شينجياڭ ۇيعۇر اۆتونوميالى رايوندىق ۇكىمەتتىڭ اقپارات كەڭسەسى اقپار جاريالاۋ ءماجىلىسىن اشىپ، ءۇرىمجى قالاسىنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى جاعدايىن حابارلاندىردى ٴارى تىلشىلەردىڭ سۇراۋىنا جاۋاپ بەردى.
ءۇرىمجى قالالىق دەنساۋلىق ساقتاۋ، سالاماتتىق كوميتەتىنىڭ مەڭگەرۋشىسى جاڭ ۋيدىڭ تانىستىرۋىنشا، اۋرۋ بەلگىسى جوق جۇعىمدالۋشى ادەتتە ەكى تۇرگە بولىنەدى ەكەن: ءبىرىنشى ءتۇرى، جاسىرىن مەزگىلدە اۋرۋ بەلگىسى جوق جۇعىمدالۋ كۇيى، كەيىن قىزۋ، دارمەنسىزدەنۋ، قۇرعاق جوتەلۋ سىندى كلينيكالىق بەلگىلەر پايدا بولادى، نەمەسە CT دە تەكسەرگەندە وكپە قابىنۋى وزگەرگەندىگى بايقالىپ، جاڭا تيپتى ايدارشا ۆيرۋس وكپە قابىنۋ دياگنوزى تۇراقتاندىرىلعان ناۋقاس بولادى؛ كەيبىر اۋرۋ بەلگىسى جوق جۇعىمدالۋشى باستان - اقىر اۋرۋ بەلگىسى جوق كۇيدە بولادى.
جاڭ ۋي بىلاي دەپ باسا دارىپتەدى: اۋرۋ بەلگىسى جوق جۇعىمدالۋشىدا بەلگىلى جۇقتىرعىش قاسيەت بولادى، سوندىقتان كوپشىلىك جەكە باسىندىق ساقتانۋدى جاقسى ىستەۋى، توپتالماۋى، ماسكى تاعۋى، قولدى ءجيى جۋۋى، ءبىر مەتردەن جوعارى حاۋىپسىز قوعامدىق قارىم - قاتىناس ارالىعىن ساقتاۋى، ءوز دەنساۋلىق اقاۋسىزدىعىن قورعاۋى كەرەك.
