بۇعان نازار اۋدارىڭىز! حۋبەي ولكەسىنىڭ شينجياڭعا كومەككە كەلگەن نۋكلەين قىشقىلىن تەكسەرۋ اترەتى تەكسەرگەن تۇڭعىش توپتاعى نۋكلەين قىشقىلى ۇلگىسىنىڭ تەكسەرۋ ناتيجەسى شىقتى

　　7 - ايدىڭ 19 - كۇنى، تۇستەن بۇرىن حۋبەي ولكەسىنىڭ شينجياڭعا كومەككە كەلگەن نۋكلەين قىشقىلىن تەكسەرۋ اترەتى مەن شينجياڭ مەديتسينا داشۋەسىنە قاراستى 5-شيپاحانادان قۇرالعان تەكسەرۋ اترەتىنىڭ تەكسەرگەن تۇڭعىش توپتاعى جاڭا تيپتى ايدارشا ۆيرۋس نۋكلەين قىشقىلى ۇلگىسىنىڭ تەكسەرۋ ناتيجەسى شىقتى، ٴاربىر تەكسەرۋ ناتيجەسىندە، ۇيىقتاماي، دەمالماي جاپالى تەر توككەن ەمدەۋ قىزمەتكەرلەرىنىڭ ۇلەسى بار.

ۋاقىتپەن جارىسىپ، ۆيرۋسپەن شايقاستى

　　ٴۇرىمجىنىڭ نۋكلەين قىشقىلىن تەكسەرۋ كۇشىن توپتاپ جانە كۇشەيتىپ، ٴتىپتى دە كەڭ كولەمدى ادامدار شوعىرىندا نۋكلەين قىشقىلىن تەكسەرۋدى ورىستەتۋ نىساناسىن جۇزەگە اسىرۋ ٴۇشىن، مەملەكەتتىك دەنساۋلىق ساقتاۋ، سالاماتتىق كوميتەتى 10 تارماق نۋكلەين قىشقىلىن تەكسەرۋ ەمدەۋ اترەتىن ۇرىمجىگە بارىپ، نۋكلەين قىشقىلىن تەكسەرۋ قىزمەتىن ورىستەتۋگە ۇيىمداستىردى.

　　7 - ايدىڭ 18 - كۇنى، حۋبەي ولكەسىنىڭ شينجياڭعا كومەككە كەلگەن نۋكلەين قىشقىلىن تەكسەرۋ اترەتىنىڭ 21 مۇشەسى ۇرىمجىگە جەتتى، اڭگىمەلەسكەن سوزدەرى سانسىزداعان توراپتاستاردى اسەرلەندىردى.

سول كۇنى كەشتە، شينجياڭ مەديتسىنا داشۋەسىنە قاراستى 5-شيپاحاناسى تەكسەرۋ ٴبولىمىنىڭ شىراقتارى تۇنىمەن سونگەن ەمەس، ولار ٴتۇن بويى شايقاس جاساپ، مينۋت - سەكۋندتى قولدان جىبەرمەي ۆيرۋسپەن جارىستى

ٴبىر نيەتپەن سەلبەسسەك، ەشقانداي قيىندىق بىزگە بوگەت بولا المايدى

نۋكلەين قىشقىلىن تەكسەرۋ كۇردەلى ٴارى شىتىرمان بارىس، ۆيرۋستىڭ اكتيۆتىگىن جويۋ، نۋكلەين قىشقىلىن الۋ، جۇيەسىن ورنالاستىرۋ، اسپاپقا سالىپ كۇشەيتۋدەن ناتيجەسىنە تالداۋ جاساۋعا دەيىن كەمىندە 6 ساعات كەتەدى. بۇل ۇلگى سالىنعان بەرىك تىعىندالعان ساندىقتى اشقان سول ساتتەن باستاپ تەكسەرۋ اياقتاپ، ناتيجەسى شىققانعا دەيىن، تەكسەرۋشىلەر ەڭ كەمىندە ۆيرۋسپەن 6 ساعات ايقاساتىنىن بىلدىرەدى.

　　　　　　　　كەشكى ساعات 11دەن اسقاندا، حۋبەي ولكەسىنىڭ شينجياڭعا كومەككە كەلگەن نۋكلەين قىشقىلىن تەكسەرۋ اترەتى ساقاداي ساي بولدى، تەكسەرۋشىلەر قورعانىس كيىمىن كيىپ، قورعانىس كوزىلدىرىك، ماسكىلەرىن تاعىپ، قولقاپ، اياققاپتاردى كيىپ، بەس قارۋى ساي بولىپ تاجىريبەحاناعا كىرىپ، ٴبىر كىرگەندە كەمىندە 6 ساعات، كوپ بولعاندا 10 ساعات ىشىندە بولدى.

　　　　　　　　ٴبىر - بىرىنە كومەكتەسىپ، العىس سەزىممەن بارلىق قىزمەتتى ويداعىداي تىندىرۋ

　　　　　　　　حۋبەي ولكەسىنىڭ شينجياڭعا كومەككە كەلگەن وسى رەتكى نۋكلەين قىشقىلىن تەكسەرۋ اترەتىنىڭ مۇشەلەرى جەكە - جەكە ۋحان قالاسى جينينتان شيپاحاناسىنان، ۋحان قالاسى فەيكى شيپاحاناسىنان، ۋحان قالالىق 1-شيپاحاناسىنان كەلگەن.

شياڭ جە بىلاي دەدى： حۋبەي ىندەتپەن شايقاسقان كەزدە، شينجياڭ ىركەس - تىركەس ٴۇش توپتاعى ەمدەۋ اترەتىن حۋبەيعا كومەككە جىبەردى، بۇل سۇيىسپەنشىلىك حۋبەي حالقىنىڭ ەسىنەن كەتپەيدى، ولار بۇل رەت ٴۇرىمجىنىڭ ىندەتپەن قارسى شايقاسىنا كۇش شىعارۋدان باس تارتقان جوق.

ٴۇرىمجىنىڭ ىندەتكە قارسى شايقاسىنا كومەكتەسۋ ۇقتىرۋى شىققاننان كەيىن، شيپاحانانىڭ ٴارقايسى ٴبولىمىنىڭ قىزمەتكەرلەرى بەلسەندى تۇردە تىزىمدەلىپ، تىزىمدەلۋدەن باراتىنداردىڭ تىزىمدىگىن تۇراقتاندىرۋعا دەيىن تەك قانا 3 ساعات جۇمسالدى، مىندەتتى العان اترەت مۇشەلەرى ەڭ قىسقا ۋاقىت ىشىندە جۇكتەرى مەن ەمدەۋ زاتتىق ماتەريالدارىن جينادى، كەيبىرەۋى كەشكى قىزمەتتەن تۇسە سالا اۋەجايعا جەتىپ ساپار جولىن باستادى

　　　　　　حۋبەي ولكەسىنىڭ شينجياڭعا كومەككە كەلگەن ەمدەۋ اترەتى جانەدە نۋكلەين قىشقىلىن تەكسەرۋ، الۋ اسپابى، PCR كۇشەيتكىش اسپابى، اكتيۆتىگىن جويىپ، جەتىلدىرۋ ساندىعى سياقتى جابدىقتاردى جانە نۋكلەين قىشقىلىن تەكسەرۋ سىناق ٴدارىسى سياقتى مەديتسينالىق ماتەريالداردى الا كەلدى. 7 - ايدىڭ 18 - كۇنى كەشتەن 7 - ايدىڭ 19 - كۇنى تاڭعا جۋىق كەزگە دەيىن، حۋبەي ولكەسىنىڭ شينجياڭعا كومەككە كەلگەن نۋكلەين قىشقىلىن تەكسەرۋ اترەتىنەن جانە شينجياڭ مەديتسينا داشۋەسىنە قاراستى 5-شيپاحانانىڭ تەكسەرۋ قىزمەتكەرلەرىنەن ارالاسىپ قۇرالعان اترەت نۋكلەين قىشقىلىن تەكسەرۋ مىندەتتەرىن بىرگە ۇستىنە الدى.

ٴتىلشى ناق ۇستىنەن ٴاربىر ادامنىڭ قالىپتان تىس جۇمىس اۋىرتپالىعىندا جۇمىس جۇرگىزىپ جاتقانىن كوردى، ٴبىراق كۇردەلى، اۋىر مىندەتتەردەن ەشقايسىسى شەگىنبەدى.