تيانشان تورىنىڭ حابارى (حابارىن جازعان ءتىلشى گو ليڭ؛ سۋرەتىن تۇسىرگەن تىلشىلەر دوۋ شيڭجۇن، جانات تولقىن، يىن تۇڭيۋان) 7-ايدىڭ 23-كۇنى تۇستەن كەيىن ساعات 5 تە، شينجياڭ ۇيعۇر اۆتونوميالى رايوندىق ۇكىمەتتىڭ اقپارات كەڭسەسى اقپار جاريالاۋ ءماجىلىسىن اشتى. ءۇرىمجى قالالىق قالا باسقارۋ مەكەمەسىنىڭ (اكىمشىلىك زاڭ اتقارۋ مەكەمەسىنىڭ) ورىنباسار باستىعى جاڭ لەي ءۇرىمجى قالاسىنىڭ جاپپاي زارارسىزداندىرۋ جانە ورتا تازالىعىن وڭاۋ قىزمەت جاعدايىن تانىستىردى.
جاڭ لەي بىلاي دەدى: تۇرمىستىق قوقىر - قوقسىقتى جيناپ تاسۋ، ٴبىر جايلى ەتۋ باسقىشىندا، مىڭنان استام ماشينا قوقىر - قوقسىقتاردى جينادى، وتكەرمەلەپ تاسۋ ماشيناسى بەلگىلەنگەن ۋاقىت بويىنشا بەلگىلەنگەن ورىننان قوقىر- قوقسىقتاردى جابىق تۇردە تاسىمالدادى. بۇكىل قالاداعى كۇندەلىكتى تۇرمىستىق قوقىر - قوقسىقتاردى كۇنىنە تازالاپ تۇرۋعا كەپىلدىك ەتتى. اۋاشالاۋ تۇيىنىندەگى تۇرمىستىق قوقسىقتاردى ارناۋلى ادام، ارناۋلى ماشينا ورنالاستىرىپ، شوعىرلى جيناپ، تاسىدى جانە ٴبىر جاقتىلى ەتتى. ٴتۇيىندى رايونداردا ماسكى جيۋ ساندىعى قويىلعان، بۇل حاۋىپسىز تۇردە جينالىپ، تاسىمالداۋى ارناعا تۇسىرىلگەن بولىپ، زالالسىز ٴبىر جاقتى ەتىلىپ، ەكىنشى رەتكى لاستانۋدىڭ الدىن الدى.
بۇكىل قالاداعى 64 شاعىن تۇرپاتتى قوقىر - قوقسىقتاردى تاسىمالداۋ پۋنكتى، 67 مىڭنان استام قوقىر - قوقسىقتاردى جيناۋ اسپابى، سونداي - اق مىڭنان استام ورتانى قورعاۋ جۇمىس ماشيناسى ٴار كۇنى تازالانىپ، زارارسىزداندىرىلدى. قوقىر - قوقسىقتاردىڭ لاستانۋىنان بولاتىن ىندەتتىڭ تارالۋىنا قاتاڭ قارسى تۇرىلدى.
